Telangana Tourism Information Center

పర్యాటక రంగంపై తెలంగాణ ప్రత్యేక దృష్టి సారిస్తోంది. మరీ ముఖ్యంగా తెలంగాణకు దేశీయ, అంతర్జాతీయ ప్రయాణికులను , పర్యాటకులను ఆకర్షించేలా చర్యలు ప్రభుత్వం, తెలంగాణ టూరిజం శాఖ ( Telangana Tourism ) చర్యలు తీసుకుంటోంది.

ఇందులో భాగంగా శంషాబాద్‌లోని రాజీవ్ గాంధీ ఇంటర్నేషనల్ విమానాశ్రయంలో ఇంఫర్మేషన్‌ సెంటర్‌ను ( Telangana Tourism Information Center ) ప్రారంభించారు.

తెలంగాణ పర్యాటక సమాచార కేంద్రాన్ని తెలంగాణ పర్యాటక శాఖ మంత్రి జూపల్లి కృష్ణారావు, ప‌ర్యాట‌క అభివృద్ధి సంస్థ చైర్మ‌న్ ప‌టేల్ ర‌మేష్ రెడ్డి ప్రారంభించారు

ఇతర రాష్ట్రాల నుంచి, విదేశాల నుంచి తెలంగాణకు వచ్చే ప్రయాణికులకు, పర్యాటకులకు తెలంగాణ పర్యాటక ప్రదేశాల గురించి ఈ ఇంఫర్మేషన్ సెంటర్ వద్ద సమాచారం అందిస్తారు.శంషాబాద్ విమానాశ్రయంలోని ఈ సమాచారా కేంద్రం ఉదయం 6 గంటల నుంచి రాత్రి 10 వరకు అందుబాటులో ఉంటుంది.

తెలంగాణలోని ప్రముఖ పర్యాటక స్థలాలు ( Popular Destinations In Telangana ), హెరిటేజ్ సైట్స్, ఆలయాలు, కల్చర్, నేచర్‌ గురించి తెలుసుకోవాలి అనుకునేవారికి ఈ సెంటర్ ఉపయోగపడుతుంది. ఇక్కడ పర్యాటకులకు హరితా హోటల్స్ ( Haritha Hotels ) , వివిధ పర్యాటక ప్యాకేజీలు, బుకింగ్, రూట్ మ్యాప్ వంటి సేవలు అందిస్తారు.

Telangana Tourism Information center In Hyderabad Rajiv Gandhi Airport (5)

శంషాబాద్‌కు ముందు బషీర్‌బాగ్‌లోని టూరిజం సంస్థ ఆఫీసులో, బేగంపేట్‌లోని టూరిజం ప్లాజా, కూకట్‌పల్లి, సికింద్రాబాద్ యాత్రినివాస్‌, శిల్పారామంలో తెలంగాణ టూరిజం సంస్థ ఇంఫర్మేషన్, రిజర్వేషన్ కేంద్రాలను నిర్వహిస్తోంది.ఢిల్లీలోని తెలంగాణ భవన్‌లో కూడా మీరు తెలంగాణ టూరిజానికి సంబంధించిన సమాచారాన్ని తెలుసుకోవచ్చు.