మదురై నుంచి చౌమహల్లా ప్యాలెస్ వరకు | South India destination weddings
South India destination weddings : ఈ మధ్య “డెస్టినేషన్ వెడ్డింగ్” అనే పదం వల్ల ఇలా ప్రత్యేకంగా ఆలోచిస్తున్నారు కానీ ఎప్పటి నుంచో ఈ ప్రదేశాల్లో పెళ్లిళ్లు జరుగుతూనే ఉన్నాయి. వెడ్డింగ్ డెస్టినేషన్స్ విషయానికి వస్తే సౌత్ ఇండియాలో కూడా అద్భుతమైన ప్రదేశాలు ఎన్నో ఉన్నాయి.
గోపురం మధ్యలో మంగళ ధ్వని | Madurai Meenakashi Amman, Tamilnadu
దక్షిణ భారతంలో కళ్యాణం అంటే కేవలం ఒక వేడుక మాత్రమే కాదు, ఒక సంప్రదాయం కూడా. మదురై మీనాక్షి అమ్మవారి ఆలయ గోపురం కింద ప్రభాత వెలుగులో మంగళ వాయిద్యాలు వినిపిస్తుంటే కళ్యాణ వేదికకు ఒక దివ్య స్పర్శ లభిస్తుంది. పట్టు చీరలు, హాయిగా వీచే గాలిలో కలిసిన పువ్వుల గంధాలు, పవిత్రమైన ఆలయ వీధుల్లో నవ దంపతులు… ఇవన్నీ పెళ్లికి ఉన్న పవిత్రతను ప్రతిబింబించే అంశాలే. కొత్త జీవితం ప్రారంభించేందుకు కావాల్సిన ఆశీర్వాదం కూడా తోడవుతుంది.
✅ గమనిక: మీనాక్షి అమ్మవారి ఆలయంలో సాధారణంగా ఆలయ నిబంధనల ప్రకారం మాత్రమే వివాహాలు నిర్వహిస్తారు. బయట ప్రాంగణాల్లో/మండపాల్లో ఎక్కువగా జరుగుతాయి. పూర్తి వివరాల కోసం ఆలయ అధికారులను సంప్రదించండి.
- ఇది కూడా చదవండి : హైదరాబాద్ నుంచి 245 కిమీ దూరంలో తెలంగాణలో ఒక జైపూర్ | Jaipur In Telangana Travel Guide 2025
గాడ్స్ ఓన్ కంట్రీలో | Kumarakom, Kerala
కేరళలో కుమారాకోమ్ బ్యాక్వాటర్స్ తీరంలో చిన్న మండపాన్ని ఏర్పాటు చేసి, నీటిలో ప్రతిబింబించే ఆకాశ ఆశీర్వాదాన్ని కూడా సాక్షిగా చేసుకుని కళ్యాణాన్ని కమనీయంగా మలచుకోవచ్చు. కొబ్బరి చెట్ల మధ్యలో నడుస్తూ, కనుచూపుమేర విస్తరించి ఉన్న ప్రకృతిని ఆస్వాదిస్తూ, మధురమైన నాద స్వరాలను వింటూ వివాహం సంపూర్ణం అనిపించుకోవచ్చు.
✅ గమనిక: కుమారాకోమ్లో రిసార్ట్ వెడ్డింగ్స్, బ్యాక్వాటర్ సెటప్ వెడ్డింగ్స్ సాధారణంగా అనుమతులతో నిర్వహిస్తారు.
కోట వైభవం సాక్షిగా వివాహం | Chowmahalla Palace, Hyderabad
చాలా మందికి తెలియని విషయం ఏంటంటే హైదరాబాద్లోని చౌమహల్లా ప్యాలెస్లో రాజ మర్యాదల మధ్య అత్యంత వైభవంగా వివాహం చేసుకోవచ్చు.
కోటలో కళ్యాణం అంటే రాజసం ఉట్టిపడుతుంది. అయితే ఇందులో బడ్జెట్, అనుమతులు, ముందస్తు బుకింగ్ వంటి విషయాలను ముందుగానే పూర్తి చేయాలి. ప్యాలెస్లో పెళ్లి అంటే మూడు ముళ్లు, ఏడు అడుగులతో ప్రారంభమయ్యే కొత్త జీవితానికి జీవితాంతం గుర్తుండే రాయల్ మెమరీని సొంతం చేసుకోవడం.
సౌత్ ఇండియాలో కళ్యాణ (Wedding Destinations In South India ) వేదిక అంటే కేవలం అలంకరణ మాత్రమే కాదు. ఇది భారతీయ పరంపర, ఆచారం, ప్రకృతిలో మమేకమైన జీవితం, కుటుంబ సమేతంగా గడిపే ఆనంద క్షణాలు—ఇలా ఎన్నో అంశాలతో కూడిన ఒక మార్పు లాంటిది. అందుకే చాలా మంది ఈ మధురమైన క్షణాలను తమ వివాహాన్ని అందమైన, విలక్షణ ప్రదేశంలో జరిగేలా ప్లాన్ చేస్తున్నారు.
📣 ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్స్క్రైబ్ చేసుకోండి. WhatsApp ఛానెల్లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
