Travel Tips 14 : ప్రయాణంలో తక్కువ లగేజీ తీసుకెళ్లడం ఎలా? ఈ 6 చిట్కాలు పాటిస్తే హ్యాపీగా ట్రిప్ ఎంజాయ్ చేయొచ్చు!
Travel Tips 14 : ప్రయాణం అనేది జీవితంలో అత్యంత ఆనందకరమైన అనుభవాలలో ఒకటి. కానీ బరువైన బ్యాగులను మోయడం ఆ ఆనందాన్ని ఇబ్బందిగా మార్చేస్తుంది. తక్కువ లగేజీతో కూడా పూర్తిగా సిద్ధంగా ఉండటం ఒక కళ. కొన్ని చిట్కాలు పాటిస్తే మీ ప్రయాణం సులభంగా, వేగంగా, మరింత ఆనందదాయకంగా మారుతుంది. ముఖ్యమైన విషయాలు ఏవీ వదలకుండా, ఎలా సమర్థవంతంగా ప్యాక్ చేసుకోవాలో ఈ కథనంలో తెలుసుకుందాం.
సరైన బ్యాగును ఎంచుకోండి
నడుస్తూ ప్రయాణించేటప్పుడు లేదా ట్రెక్కింగ్‌కు వెళ్లేటప్పుడు బ్యాక్‌ప్యాక్‌లు చాలా సౌకర్యంగా ఉంటాయి. విమాన ప్రయాణాలకు, ఎక్కువ రోజుల ట్రిప్‌లకు చక్రాలు ఉన్న క్యారీ-ఆన్‌లు(చిన్న సూట్‌కేస్) చాలా ఉపయోగపడుతుంది. రోజువారీ అవసరాల కోసం చిన్న, తేలికపాటి బ్యాగును తీసుకెళ్లండి. ఎక్కువ కంపార్ట్‌మెంట్లు ఉన్న, తేలికపాటి, గట్టి బ్యాగును సెలక్ట్ చేసుకోండి.
తప్పనిసరిగా కావాల్సినవి మాత్రమే ప్యాక్ చేయండి
సులభంగా వేర్వేరు బట్టలతో కలిపి ధరించగలిగే, నలగని దుస్తులను ఎంచుకోండి. టాయిలెట్రీస్ చిన్న సైజు బాటిళ్లలో మాత్రమే తీసుకెళ్లండి. ఫోన్, ఛార్జర్, పవర్ బ్యాంక్, హెడ్‌ఫోన్స్ వంటివి తప్పనిసరి తీసుకెళ్లండి. పాస్‌పోర్ట్, టికెట్లు, ఐడి కార్డులను ఒక పౌచ్‌లో భద్రంగా పెట్టుకోండి. దుస్తులను మడతపెట్టే బదులు రోల్ చేయండి. దీనివల్ల స్థలం ఆదా అవుతుంది, దుస్తులు నలగకుండా ఉంటాయి.
బహుళ ప్రయోజనకరమైన వస్తువులను ప్యాక్ చేయండి
అన్ని వస్తువులను తీసుకెళ్లే బదులు, ఒకటి కంటే ఎక్కువ ప్రయోజనాలు ఉన్న వస్తువులను సెలక్ట్ చేసుకోండి. క్విక్-డ్రై టవల్.. ఇది బీచ్‌లో లేదా జిమ్‌లో కూడా ఉపయోగపడుతుంది. రీ యూజబుల్ వాటర్ బాటిల్ పర్యావరణానికి మంచిది. చాలా సౌకర్యవంతంగా ఉంటుంది. యూనివర్సల్ ట్రావెల్ అడాప్టర్ దీని వల్ల వేర్వేరు ఛార్జర్లు తీసుకెళ్లే అవసరం ఉండదు. పోర్టబుల్ ఫస్ట్ ఎయిడ్ కిట్ చిన్నదిగా ఉన్నప్పటికీ, అత్యవసర సమయాల్లో ఉపయోగపడుతుంది. మీ ప్రయాణ ప్రదేశం బట్టి (వర్షం పడే ప్రాంతానికి రెయిన్‌కోట్, ఎండ ఉన్న ప్రాంతానికి సన్‌హ్యాట్) వస్తువులను ప్యాక్ చేయండి.
ఇది కూడా చదవండి : Ramayana Trail : శ్రీలంకలో రామాయణం టూరిజం…ఏం చూపిస్తారు? ఎలా వెళ్లాలి ? Top 5 Tips
తెలివిగా బట్టలు ఎంచుకోండి
తక్కువ లగేజీ అంటే స్టైల్ లేదా సౌకర్యం తగ్గించుకోవడం కాదు. న్యూట్రల్ రంగుల దుస్తులను ఎంచుకుంటే వేర్వేరు వాటితో సులభంగా కలిపి వేసుకోవచ్చు. వాతావరణం మారితే దానికి అనుగుణంగా దుస్తులు వేసుకోవడానికి పొరలుపొరల దుస్తులు సాయపడుతాయి. సౌకర్యవంతమైన వాకింగ్ షూస్, సాధారణ షూస్, చెప్పులు కలిపి 2-3 జతలు మాత్రమే తీసుకెళ్లండి.
ఇది కూడా చదవండి: Thailand 2024 : థాయ్‌లాండ్ ఎలా వెళ్లాలి ? ఏం చూడాలి ?
డిజిటల్‌గా మార్చుకోండి
భౌతిక టికెట్ల బదులు మీ ఫోన్‌లో ఈ-టికెట్లు, బోర్డింగ్ పాస్‌లను ఉంచుకోండి. భారీగా ఉండే పుస్తకాల బదులు మీ ఫోన్‌లో ఈ-బుక్స్ చదవండి. పేపర్ మ్యాప్‌లకు బదులుగా గూగుల్ మ్యాప్స్‌ను ఉపయోగించండి.
సమర్థవంతమైన ప్యాకింగ్ పద్ధతులు
కంప్రెషన్ ప్యాకింగ్ క్యూబ్‌లను వాడాలి. దుస్తులను క్రమబద్ధీకరించడానికి ఇవి చాలా ఉపయోగపడతాయి. బూట్లలో చిన్న వస్తువులను పెడితే స్థలం ఆదా అవుతుంది. ప్రయాణానికి ముందు మీ బ్యాగ్ బరువును తూకం వేయడం ద్వారా విమానయాన సంస్థల ఓవరేజ్ ఫీజులను నివారించవచ్చు.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
