IRCTC : ఆంధ్ర ఊటీకి ఫ్లైట్‌లో పయనం.. ఐఆర్‌సీటీసీ స్పెషల్ టూర్ ప్యాకేజ్.. వెంటనే బుక్ చేసుకోండి
IRCTC : తెలుగు రాష్ట్రాల ఊటీగా ప్రసిద్ధి చెందిన అరకు లోయ (Araku Valley) అందాలను ఆస్వాదించాలని ప్రతి ఒక్కరూ కోరుకుంటారు. దట్టమైన పచ్చదనం, మంచుతో కప్పబడిన కొండలు, జలపాతాలు.. ముఖ్యంగా శీతాకాలంలో అరకు అందం రెట్టింపు అవుతుంది. అయితే, ఈ అద్భుతమైన ప్రదేశాన్ని సందర్శించాలనుకునే వారికి ప్రయాణం, వసతి వంటి విషయాల్లో ఆందోళన అవసరం లేకుండా ఐఆర్‌సీటీసీ (IRCTC) ఒక అద్భుతమైన టూర్ ప్యాకేజీని ప్రకటించింది. హైదరాబాద్ నుంచి ప్రారంభమయ్యే ఈ నాలుగు రోజుల టూర్ ప్యాకేజీ (Araku Tour Package) పూర్తి వివరాలు, ధరలు, బుకింగ్ విధానం చూద్దాం.
టూర్ షెడ్యూల్, ప్రయాణ వివరాలు
ఈ అరకు టూర్ ప్యాకేజీ మొత్తం నాలుగు రోజులు (3 రాత్రులు) ఉంటుంది. వచ్చే ఏడాది జనవరి 25న ఈ టూర్ మొదలవుతుంది. ఈ ప్యాకేజీ హైదరాబాద్ నుంచి ప్రారంభమవుతుంది. జనవరి 25న హైదరాబాద్ నుంచి విశాఖపట్నం (Vizag)కు విమాన ప్రయాణం ఉంటుంది. టూర్ పూర్తయిన తర్వాత, 28వ తేదీన తిరిగి విశాఖ నుంచి హైదరాబాద్‌కు ఫ్లైట్‌లో చేరుకుంటారు.
ఏయే ప్రదేశాలు సందర్శిస్తారంటే?
ఈ ప్యాకేజీలో భాగంగా ఐఆర్‌సీటీసీ విశాఖపట్నం, అరకు లోయలోని అనేక ప్రముఖ పర్యాటక ప్రాంతాలను సందర్శిస్తుంది.
విశాఖపట్నం ప్రాంతాలు: సబ్‌మెరీన్ మ్యూజియం, రామకృష్ణ బీచ్, కైలాసగిరి కొండలు, ఎర్ర ఇసుక కొండలు (ఎర్రమట్టి దిబ్బలు), తోట్లకొండ శిథిలాలు, రుషికొండ బీచ్, రాస్ హిల్.
అరకు ప్రాంతాలు: అరకు లోయ, బొర్రా గుహలు (Borra Caves), టైడా జున్లే బెల్స్, పద్మాపురం గార్డెన్స్, కాఫీ మ్యూజియం.
ఆలయ దర్శనం: చివరి రోజు సింహాచలం ఆలయ దర్శనం కూడా ఈ టూర్‌లో భాగంగా ఉంటుంది.
ప్యాకేజీలో కవర్ అయ్యే సౌకర్యాలు
ఈ ఐఆర్‌సీటీసీ ప్యాకేజీలో ప్రయాణికులకు ఈ కింది సౌకర్యాలు అందుబాటులో ఉంటాయి . హైదరాబాద్ నుంచి విశాఖపట్నం, తిరిగి హైదరాబాద్‌కు ఫ్లైట్ టికెట్‌లు. ప్రయాణంలో హోటల్స్‌లో బస (వసతి). పర్యాటక ప్రాంతాల సందర్శన కోసం ఏసీ బస్సు సౌకర్యం. ఇంకా భోజనం (ప్యాకేజీలో పేర్కొన్నవి), ప్రమాద బీమా (Travel Insurance), ఎస్కార్ట్ సేవలు.
ఇది కూడా చదవండి : Thanjavur : ఈ ఆలయం నీడ నేలపై పడదు
మీరే చూసుకోవాల్సిన ఖర్చులు
ప్యాకేజీలో కవర్ కాని కొన్ని ఖర్చులు కూడా ఉంటాయి. అవి ఫ్లైట్‌లో భోజనం, పర్యాటక స్థలాలలో లేదా దేవాలయాలలో ప్రవేశ టిక్కెట్లు లేదా దర్శన టిక్కెట్లు, లాండ్రీ ఖర్చులు, వైన్, మినరల్ వాటర్, పానీయాలు వంటి వ్యక్తిగత ఖర్చులు.
ప్యాకేజీ ధరల వివరాలు
ఈ టూర్ ప్యాకేజీ ధరలు మీరు ఎంచుకునే షేరింగ్ (Sharing), వయస్సును బట్టి మారుతాయి. ఈ 4 రోజుల అరకు టూర్ ప్యాకేజీకి, మీరు ఎంచుకునే షేరింగ్ ఆధారంగా ధరలు ఈ విధంగా ఉన్నాయి.
ఒక వ్యక్తికి (Single Occupancy): రూ. 26,500
డబుల్ షేరింగ్ (Double Sharing): రూ. 22,500
ట్రిపుల్ షేరింగ్ (Triple Sharing): రూ. 21,000
పిల్లలకు ధరలు (Child Package Price)
పిల్లల వయస్సు, వారికి బెడ్ అవసరం ఉందా లేదా అనే దాని ఆధారంగా ధరలు ఈ విధంగా ఉన్నాయి:
చైల్డ్ విత్ బెడ్ (5-11 సంవత్సరాలు): రూ. 18,650
చైల్డ్ వితౌట్ బెడ్ (5-11 సంవత్సరాలు): రూ. 18,650
చైల్డ్ వితౌట్ బెడ్ (2-4 సంవత్సరాలు): రూ. 14,900
ఇది కూడా చదవండి : 51 Shakti Peethas List : 51 శక్తి పీఠాలు ఎక్కడ ఉన్నాయి ? ఏ శరీర భాగం ఎక్కడ పడింది ?
ఎలా బుక్ చేసుకోవాలి?
ఈ టూర్ ప్యాకేజీని బుక్ చేసుకోవడానికి కింద ఇచ్చిన IRCTC టూరిజం వెబ్‌సైట్‌ను సందర్శించవచ్చు. వెబ్‌సైట్ లింక్: https://www.irctctourism.com/pacakage_description?packageCode=SHA55 లింక్‌లోకి వెళ్లి బుక్ నౌ (Book Now) ఆప్షన్‌ను ఎంచుకుని, ప్యాకేజీ వివరాలు నమోదు చేయాలి. ఆ తర్వాత ఐఆర్‌సీటీసీ అకౌంట్ డీటెయిల్స్‌తో లాగిన్ అయి, మీ కుటుంబ సభ్యుల వివరాలు ఎంటర్ చేసి పేమెంట్ చేస్తే బుకింగ్ పూర్తవుతుంది.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
