Best Beach in AP : ఉప్పాడ బీచ్‌లో ఉప్పెన లాంటి అందాలు.. మనసు మామూలుగా ఉండదంతే
Best Beach in AP : ఎక్కడైనా బీచ్‌లో ప్రశాంతంగా గడపాలని అనుకుంటున్నారా ? అయితే ఆంధ్రప్రదేశ్‌లో ఒక అద్భుతమైన బీచ్ ఉంది. అది ప్రకృతి అందాలతో, పచ్చని వాతావరణంతో, రోడ్డును పలకరించే అలలతో మనసును కట్టిపడేస్తుంది. తెలుగు రాష్ట్రాల్లోనే మరెక్కడా లేని ఈ అద్భుతమైన సముద్ర తీరం ఉమ్మడి తూర్పు గోదావరి జిల్లాలో ఉంది. అదేంటో అక్కడికి ఎలా వెళ్లాలో ఇప్పుడు చూద్దాం.
తూర్పు గోదావరి జిల్లాలోని కాకినాడ – ఉప్పాడ బీచ్
ఉమ్మడి తూర్పు గోదావరి జిల్లాకు చెందిన కాకినాడ(Kakinada) – ఉప్పాడ సముద్ర తీర ప్రాంతం ఇది. రాష్ట్రంలో అనేక సముద్ర తీర ప్రాంతాలు ఉన్నప్పటికీ, ఉప్పాడ సముద్ర తీర ప్రాంతానికి ఒక ప్రత్యేక గుర్తింపు ఉంది. నిజానికి, తుఫానుల(Cyclone) సమయంలో అలజడి ఉన్నప్పటికీ, మామూలు రోజుల్లో ఈ ప్రాంతాన్ని చూడాలంటే రెండు కళ్ళు సరిపోవు అని పర్యాటకులు చెబుతూ ఉంటారు.
సినిమా పాటల షూటింగ్‌లకు అడ్డా!
ఉప్పెన వంటి చిత్రాలలో అనేక పాటలు, సన్నివేశాలు ఈ రోడ్డుపైనే తీశారు. ఏ గ్రాఫిక్స్ లేకుండా అత్యంత సహజంగా ఈ ప్రాంతం ఉండటంతో, దర్శకులు సైతం ఈ ప్రాంతాన్ని గుర్తించి సినిమాలలో తమదైన శైలిలో చూపించారు. ప్రధానంగా కాకినాడ నుండి పిఠాపురం వెళ్లే తొండంగి బీచ్(beach) రోడ్డులో, రోడ్డును పలకరించే అలల అందాలు, మరోపక్క నల్లని రాళ్లు, ఎదురుగా సరుగుడు తోటలు, పచ్చని వాతావరణం ఇలా ప్రతిదీ ఒక ఆహ్లాదకరమైన అనుభూతిని కలిగిస్తుంది.
వీకెండ్లో సందడిగా మారే ఉప్పాడ బీచ్(Uppada Beach)
ముఖ్యంగా వారాంతాలు వచ్చినప్పుడు, శనివారం, ఆదివారం రోజుల్లో పెద్ద సంఖ్యలో పర్యాటకులు ఈ ప్రాంతానికి చేరుకుంటారు. రోడ్డుపై అలా ఆగితే చాలు, మనసుకు తెలియని ఆనందం కలుగుతుందని చాలా మంది చెబుతారు. కుటుంబాలతో, పిల్లలతో కలిసి ఉత్సాహంగా ఈ సముద్ర తీర ప్రాంత రహదారికి వచ్చి ఆనందంగా గడుపుతూ ఉంటారు.
ఇది కూడా చదవండి : UAE: యూఏఈలో తప్పకుండా చూాడాల్సిన 10 ప్రదేశాలు
ఇది కూడా చదవండి : Dangerous Countries : 2025 లో వెళ్లకూడని అత్యంత ప్రమాదకరమైన 10 దేశాలు
ఉప్పాడ బీచ్‌కు ఎలా చేరుకోవాలి?
ఈ ప్రాంతానికి చేరుకోవాలంటే బీచ్ రోడ్డు గుండా ప్రయాణించాలి. ప్రధానంగా కాకినాడ నుండి వచ్చే బీచ్ రోడ్డుతో పాటు, తొండంగి-కత్తిపూడి సమీపంలో గల బీచ్ రోడ్డు నుండి ప్రారంభమైన మధ్యలో ఉప్పాడ సముద్ర తీరం కనిపిస్తుంది. దాదాపు 11 కిలోమీటర్ల సముద్ర తీర ప్రాంతం పక్కనుంచే మన ప్రయాణం కొనసాగుతుంది. మార్గమధ్యంలో అనేక ఆకట్టుకునే పిండి వంటలతో పాటు, ప్రకృతి సోయగం కూడా ప్రత్యేక ఆకర్షణగా నిలుస్తుందని చెప్పుకోవచ్చు.
టూర్ ప్లాన్ చేస్తున్నారా ? తక్కువ ధరలో మెరుగైన ప్యాకేజీ కావాలంటే వాట్సాప్‌లో సంప్రదించండి. హైదరాబాద్ నుంచి హిమాలయాల వరకు…కాశ్మీరు నుంచి కన్యాకుమారి వరకు పలు ఆప్షన్స్ అందిస్తాము.
తెలుగు పాఠకుల కోసం గమనిక: ఈ బ్లాగ్ కేవలం కోసం మాత్రమే. ట్రావెల్ ప్యాకేజీలు , వివరాలు భాగస్వామి సంస్థల ద్వారా అందించబడతాయి.
Disclaimer: This article is for informational purposes only. Prayanikudu.com shares verified travel updates and trip ideas collected from trusted sources and travel partners. We do not operate or sell any packages directly, nor are we responsible for bookings, prices, or any changes made by travel operators. All bookings, payments, and communication happen directly between travelers and the respective tour companies or agents. Readers are advised to verify all details before confirming any trip.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
