Karnataka : చలికాలం టూర్ ప్లాన్ చేస్తున్నారా? కర్ణాటకలో తప్పక చూడాల్సిన 5 అద్భుతమైన ప్రదేశాలివే
Karnataka : మన తెలుగు రాష్ట్రాలకు చాలా దగ్గరగా ఉన్న రాష్ట్రం కర్ణాటక (Karnataka). అద్భుతమైన పర్యాటక ప్రదేశాలకు కర్ణాటక కేరాఫ్ అడ్రస్. ఇక్కడ సముద్ర తీరాలు, దట్టమైన అడవులు, చారిత్రక ప్రదేశాలతో పాటు మేఘాలను తాకే హిల్ స్టేషన్లు కూడా చాలా ఉన్నాయి. ముఖ్యంగా చలికాలం ప్రారంభమయ్యే ఈ అక్టోబర్ నుంచి డిసెంబర్ మధ్య టూర్ ప్లాన్ చేసే వారికి కర్ణాటక ఒక అద్భుతమైన ఆప్షన్. ఆహ్లాదకరమైన వాతావరణంలో మిమ్మల్ని మరో లోకంలో విహరిస్తున్న అనుభూతిని ఇచ్చే కర్ణాటకలోని బెస్ట్ టూరిస్ట్ డెస్టినేషన్ల వివరాలు ఇక్కడ తెలుసుకుందాం.
ఉడిపి, మాల్పే బీచ్
ఉడిపి కర్ణాటక తీరప్రాంతంలో ఉన్న ఒక ప్రసిద్ధ జిల్లా. ఇక్కడ ఆధ్యాత్మికత, తీరప్రాంత అందాలు కలగలిసి ఉంటాయి. ఇక్కడ ప్రపంచవ్యాప్తంగా భక్తులను ఆకర్షించే ఒక పెద్ద పుణ్యక్షేత్రం శ్రీ కృష్ణ దేవాలయం ఉంది. సంప్రదాయాలు, ఆచారాలకు నిలయమైన ఈ దేవాలయం ఇక్కడ ప్రధాన ఆకర్షణ. ఉడిపికి చాలా దగ్గరలో ఉన్న ఈ బీచ్ బంగారు ఇసుక, సున్నితమైన అలలతో పర్యాటకులకు ఆహ్లాదకరమైన అనుభూతినిస్తుంది. ఇక్కడ విశ్రాంతి తీసుకోవచ్చు లేదా వాటర్ స్పోర్ట్స్ను ఎంజాయ్ చేయవచ్చు. ఈ ప్రాంతంలోని మరో ప్రధాన ఆకర్షణ సెయింట్ మేరీస్ ఐలాండ్ ద్వీపం. స్థానిక మార్కెట్లు, రుచికరమైన శాకాహార వంటకాలు ఇక్కడ పర్యాటకులకు లైఫ్‌లాంగ్ గుర్తుంటాయి.
కూర్గ్
కూర్గ్ (కొడగు జిల్లా) అనేది నైరుతి కర్ణాటకలో పశ్చిమ కనుమల తూర్పు వైపున ఉన్న ఒక ప్రసిద్ధ హిల్ స్టేషన్. పొగమంచుతో కప్పబడిన కొండలు, చుట్టూ దట్టమైన కాఫీ తోటలు ఈ ప్రదేశాన్ని పచ్చని ప్రకృతికి కేరాఫ్ అడ్రస్‌గా మార్చాయి. ఇక్కడ కొడవ సంస్కృతి ప్రత్యేక ఆకర్షణ. కూర్గ్‌కు టూర్ ప్లాన్ చేస్తే, మడికేరి కోట (Madikeri Fort), ఓంకారేశ్వర దేవాలయం వంటి చారిత్రక, ఆధ్యాత్మిక ప్రదేశాలను విజిట్ చేయవచ్చు. ఇక్కడ తప్పక చూడాల్సిన మరో ప్రదేశం అబ్బీ జలపాతం (Abbi Falls). పర్యాటకులు కొడవ నిర్మాణ శైలిలో డిజైన్ చేసిన విల్లాల్లో బస చేయవచ్చు.
ఇది కూడా చదవండి: Thailand 2024 : థాయ్‌లాండ్ ఎలా వెళ్లాలి ? ఏం చూడాలి ?
కార్వార్ (Karwar)
కార్వార్ అనేది ఉత్తర కన్నడ జిల్లాలో అరేబియా సముద్ర తీరాన ఉన్న కోస్టల్ సిటీ. కార్వార్‌లోని బీచ్‌లు చాలా అందంగా ఉంటాయి. పర్యాటకులు ఇక్కడ తీరప్రాంత అందాలను ఆస్వాదిస్తూ, స్థానిక సీఫుడ్ను ఎంజాయ్ చేయవచ్చు. ఇక్కడి తీరంలో చెల్లాచెదురుగా ఉన్న ప్రాచీన కోటల శిథిలాలు ఈ ప్రాంతం చారిత్రక వారసత్వాన్ని ప్రతిబింబిస్తాయి. సముద్ర తీరంలో కొబ్బరి చెట్లు చుట్టూ ఉంటాయి. అరేబియా సముద్రంలోని సింటాకోర్ (Cintacor) వంటి ద్వీపాలు బీచ్ లవర్స్‌కు , స్నార్కెలింగ్ చేసేవారికి ఉత్తమమైన ప్రదేశాలు.
ఇది కూడా చదవండి : Vatican City : 800 మంది మాత్రమే ఉండే దేశం |15 నిమిషాల్లో చుట్టేయొచ్చు
సకలేశ్‌పూర్, శివగంగ
సకలేశ్‌పూర్ (Sakleshpur) అనేది హసన్ జిల్లాలో పశ్చిమ కనుమల మధ్య ఉన్న ఒక ప్రశాంతమైన హిల్ స్టేషన్. శివగంగ (Shivagange) బెంగళూరుకు దగ్గరలో ఉన్న పవిత్ర పుణ్యక్షేత్రం. పచ్చని కొండలు, కాఫీ తోటలు, సుగంధ ద్రవ్యాల తోటల మధ్య ఉన్న ఈ ప్రాంతంలో మంజరాబాద్ కోట వంటి పురాతన కోటలు ఉన్నాయి. బిస్లే రిజర్వ్ వంటి ప్రాంతాలు హైకింగ్, ట్రెక్కింగ్ ప్రియులకు చాలా బాగుంటాయి. బెంగళూరు రూరల్, తుమకూరు జిల్లాల సరిహద్దుకు దగ్గరగా ఉన్న శివగంగ, సముద్ర మట్టానికి 804.8 మీటర్ల ఎత్తులో ఉంది. ఇది పవిత్ర పుణ్యక్షేత్రం, మంచి ట్రెక్కింగ్ స్పాట్ కూడా. ఇక్కడ ప్రకృతి అందాలతో పాటు ఆధ్యాత్మిక ప్రశాంతత లభిస్తుంది.
టూర్ ప్లాన్ చేస్తున్నారా ? తక్కువ ధరలో మెరుగైన ప్యాకేజీ కావాలంటే వాట్సాప్‌లో సంప్రదించండి. హైదరాబాద్ నుంచి హిమాలయాల వరకు…కాశ్మీరు నుంచి కన్యాకుమారి వరకు పలు ఆప్షన్స్ అందిస్తాము.
💬 Chat on WhatsApp
తెలుగు పాఠకుల కోసం గమనిక: ఈ బ్లాగ్ కేవలం కోసం మాత్రమే. ట్రావెల్ ప్యాకేజీలు , వివరాలు భాగస్వామి సంస్థల ద్వారా అందించబడతాయి.
Disclaimer: This article is for informational purposes only. Prayanikudu.com shares verified travel updates and trip ideas collected from trusted sources and travel partners. We do not operate or sell any packages directly, nor are we responsible for bookings, prices, or any changes made by travel operators. All bookings, payments, and communication happen directly between travelers and the respective tour companies or agents. Readers are advised to verify all details before confirming any trip.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
