Hotel Room Safety: హోటల్ రూమ్‌లో సీక్రెట్ కెమెరా ఉంటే? ఈ 6 సింపుల్ టెక్నిక్స్‌తో నిమిషాల్లో కనిపెట్టేయొచ్చు
Hotel Room Safety: ఈ రోజుల్లో ప్రయాణం అంటే సరదాగా ఉన్నప్పటికీ, టెక్నాలజీ పెరుగుతున్న కొద్దీ ప్రైవసీ (Privacy) విషయంలో కొత్త భయాలు పుట్టుకొస్తున్నాయి. ముఖ్యంగా హోటల్ రూమ్స్, వాష్‌రూమ్స్ లేదా ఇతర అద్దె ప్రాంతాల్లో సీక్రెట్ కెమెరాలు (Secret Cameras) బయటపడుతున్న ఘటనలు చాలా ఆందోళన కలిగిస్తున్నాయి. లేడీస్‌కు ఇది మరింత పెద్ద సమస్యగా మారింది. ఇటీవలి సర్వేలో చాలా మంది అద్దె ఓనర్లు సీక్రెట్ కెమెరాలను అమర్చినట్లు తేలింది. ఈ నేపథ్యంలో ఎటువంటి ఖరీదైన పరికరాలు లేకుండా, మీ గదిలో సీక్రెట్ కెమెరాలు ఉన్నాయేమో తెలుసుకోవడానికి ఉపయోగపడే ఆరు సింపుల్ టెక్నిక్స్ గురించి వివరంగా తెలుసుకుందాం.
ఫోన్ కాల్ టెస్ట్ (Phone Call Test)
వైర్‌లెస్ హిడెన్ కెమెరాలు పనిచేయడానికి రేడియో సిగ్నల్స్‌ను విడుదల చేస్తాయి. ఈ సిగ్నల్స్ మీ ఫోన్ కాల్స్‌లో డిస్టర్బెన్స్ (Disturbance) కలిగిస్తాయి. అందుకే హోటల్ రూమ్‌లో ఎవరితోనైనా కాల్‌లో మాట్లాడుతూ నెమ్మదిగా గది మొత్తం తిరగండి. స్మోక్ డిటెక్టర్స్, అద్దాలు (Mirrors), లేదా ఎలక్ట్రికల్ అవుట్‌లెట్స్ దగ్గర క్రాక్లింగ్ లేదా బజ్జింగ్ వంటి శబ్దాలు వస్తే, అక్కడ కెమెరా ఉండవచ్చని అనుమానించవచ్చు. ఈ పద్ధతికి ఎటువంటి పరికరం అవసరం లేదు.. కానీ SD కార్డ్‌తో రికార్డ్ చేసే కెమెరాలను ఇది గుర్తించలేదు.
మిర్రర్ ఫింగర్ టెస్ట్ (Mirror Finger Test)
కొన్నిసార్లు టూ-వే మిర్రర్లలో (Two-Way Mirrors) కెమెరాలు దాచే అవకాశం ఉంటుంది. టూ-వే మిర్రర్ అంటే ఒక వైపు నుంచి లోపల చూడగలిగే అద్దం. దీన్ని కనిపెట్టడానికి, మీ వేలి గోటిని అద్దంపై ఉంచండి. మీ వేలికి, దాని ప్రతిబింబానికి (Reflection) మధ్య కొద్దిగా ఖాళీ (Gap) ఉంటే, అది సాధారణ అద్దం. ఒకవేళ వేలికి, ప్రతిబింబానికి మధ్య ఖాళీ లేకపోతే, అది టూ-వే మిర్రర్ అయ్యే అవకాశం ఉంది. అలాంటి అద్దం కనిపిస్తే, దాని అంచులను, వెనుక భాగాన్ని జాగ్రత్తగా చెక్ చేయండి.
ఫ్లాష్‌లైట్ రిఫ్లెక్షన్ టెక్నిక్ (Flashlight Reflection Technique)
కెమెరా లెన్స్‌లు ఎప్పుడూ లైట్‌ను ప్రతిబింబిస్తాయి (Reflect). గదిలోని లైట్లన్నీ ఆపివేసి, మీ ఫోన్ ఫ్లాష్‌లైట్‌తో రూమ్‌లోని అనుమానాస్పద వస్తువులను స్కాన్ చేయండి. అలారం క్లాక్‌లు, ఎయిర్ వెంట్స్, పవర్ అవుట్‌లెట్‌లు లేదా అలంకరణ వస్తువులపై దృష్టి పెట్టండి. నీలం లేదా ఊదా రంగుల్లో చిన్న గ్లింట్స్ (Glints) కనిపిస్తే, అది కెమెరా లెన్స్ అయ్యే అవకాశం ఉంది. ఈ పద్ధతి చీకటిలో బాగా పనిచేస్తుంది.
వై-ఫై నెట్‌వర్క్ స్కాన్ (Wifi Network Scan)
చాలా హిడెన్ కెమెరాలు వై-ఫై ద్వారా డేటాను ట్రాన్స్‌మిట్ చేస్తాయి. హోటల్ వై-ఫైకి కనెక్ట్ అయిన తర్వాత ఫింగ్ (Fing) లేదా నెట్‌వర్క్ స్కానర్ వంటి మొబైల్ యాప్స్‌తో ఆ నెట్‌వర్క్‌కు కనెక్ట్ అయిన డివైజ్‌లను చెక్ చేయండి. IP కెమెరా లేదా వెబ్‌క్యామ్ వంటి అసాధారణ పేర్లు కనిపిస్తే అనుమానించండి. వెంటనే వై-ఫై ఆఫ్ చేసి, ఆ డివైజ్ జాబితా నుంచి మాయం అవుతుందేమో చూడండి.
ఇది కూడా చదవండి : Dangerous Countries : 2025 లో వెళ్లకూడని అత్యంత ప్రమాదకరమైన 10 దేశాలు
ఇన్‌ఫ్రారెడ్ లైట్ స్కాన్
చాలా హిడెన్ కెమెరాలు రాత్రిపూట రికార్డింగ్ కోసం ఇన్‌ఫ్రారెడ్ లైట్స్‌ను (Infrared Lights) ఉపయోగిస్తాయి. ఇవి చీకటిలో చిన్న ఎరుపు లేదా ఆకుపచ్చని డాట్స్‌లా కనిపిస్తాయి. రూమ్ లైట్లు ఆపి, కర్టెన్లు మూసివేసి, మీ ఫోన్ కెమెరాతో రూమ్‌ను స్కాన్ చేయండి. ఐఫోన్ యూజర్లు ఫ్రంట్ కెమెరాను ఉపయోగించండి (మెయిన్ కెమెరాల్లో కొన్నిసార్లు IR ఫిల్టర్స్ ఉంటాయి). బ్లింకింగ్ లైట్స్ కనిపిస్తే, అక్కడ కెమెరా ఉన్నట్లు అనుమానించవచ్చు.
ఇది కూడా చదవండి : Vatican City : 800 మంది మాత్రమే ఉండే దేశం |15 నిమిషాల్లో చుట్టేయొచ్చు
హిడెన్ కెమెరా యాప్స్ (Hidden Camera Apps)
మీ స్మార్ట్‌ఫోన్ యాప్‌లు కూడా సీక్రెట్ కెమెరాలను గుర్తించడంలో సహాయపడతాయి. హిడెన్ కెమెరా డిటెక్టర్ (iOS) లేదా గ్లింట్ ఫైండర్ (ఆండ్రాయిడ్) వంటి యాప్స్‌ను ఉపయోగించి రూమ్‌లో స్కాన్ చేయండి. ఈ యాప్‌లు రేడియో ఫ్రీక్వెన్సీ సిగ్నల్స్ లేదా మాగ్నెటిక్ ఫీల్డ్‌లను గుర్తించి, అనుమానాస్పద ప్రాంతాలను సూచిస్తాయి.
టూర్ ప్లాన్ చేస్తున్నారా ? తక్కువ ధరలో మెరుగైన ప్యాకేజీ కావాలంటే వాట్సాప్‌లో సంప్రదించండి. హైదరాబాద్ నుంచి హిమాలయాల వరకు…కాశ్మీరు నుంచి కన్యాకుమారి వరకు పలు ఆప్షన్స్ అందిస్తాము.
తెలుగు పాఠకుల కోసం గమనిక: ఈ బ్లాగ్ కేవలం కోసం మాత్రమే. ట్రావెల్ ప్యాకేజీలు , వివరాలు భాగస్వామి సంస్థల ద్వారా అందించబడతాయి.
Disclaimer: This article is for informational purposes only. Prayanikudu.com shares verified travel updates and trip ideas collected from trusted sources and travel partners. We do not operate or sell any packages directly, nor are we responsible for bookings, prices, or any changes made by travel operators. All bookings, payments, and communication happen directly between travelers and the respective tour companies or agents. Readers are advised to verify all details before confirming any trip.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
