IRCTC : యాత్రికులకు బంపర్ ఆఫర్.. ఐఆర్‌సీటీసీ 10 రోజుల సూపర్ యాత్ర ప్యాకేజీ..ఒక్క ట్రిప్‌లో అన్ని పుణ్యక్షేత్రాలు సందర్శించండి
IRCTC : ఐఆర్‌సీటీసీ – ఇండియన్ రైల్వే క్యాటరింగ్ అండ్ టూరిజం కార్పొరేషన్ లిమిటెడ్ – రైలు టికెట్ల బుకింగ్‌తో పాటు, పర్యాటకులకు ప్రత్యేక టూర్ ప్యాకేజీలను కూడా అందిస్తుంది. ఇప్పుడు భక్తుల కోసం భారత్ గౌరవ్ టూరిస్ట్ రైలు ద్వారా ఒక అద్భుతమైన తీర్థయాత్రను ప్రకటించింది. ఈ ట్రిప్ నవంబర్ 26న ప్రారంభం కానుంది. భవ్యా గుజరాత్ పేరుతో 10 రోజుల ఈ యాత్ర ప్యాకేజీ కాజీపేట ద్వారా అందుబాటులో ఉంటుంది. దేశంలోని వివిధ చారిత్రక, సాంస్కృతిక, మతపరమైన ప్రదేశాలను సందర్శించడానికి ఈ రైలు ఒక మంచి అవకాశం.
ఐఆర్‌సీటీసీ భారత్ గౌరవ్ పర్యాటక రైలు
ఐఆర్‌సీటీసీ అనేది భారతీయ రైల్వేలకు సంబంధించిన ఆన్‌లైన్ టికెట్ సేవలను అందిస్తుంది. ఇది రైలు టిక్కెట్లను బుక్ చేసుకోవడానికి, టిక్కెట్ల పీఎన్‌ఆర్ స్థితిని తనిఖీ చేయడానికి, టిక్కెట్లను రద్దు చేయడానికి, ఇతర రైల్వే సంబంధిత సేవలను పొందడానికి ఒక వేదిక. దేశంలోని సుదూర ప్రాంతాలకు క్రమం తప్పకుండా వెళ్లే ప్రయాణికులు ఈ ఐఆర్‌సీటీసీ వెబ్‌సైట్ ద్వారా ఆన్‌లైన్ టిక్కెట్లను బుక్ చేసుకుంటున్నారు.
ప్రయాణికుల సౌకర్యార్థం ఐఆర్‌సీటీసీ ప్రత్యేక పర్యాటక రైళ్లను కూడా ప్రవేశపెట్టింది. భారత్ గౌరవ్ టూరిస్ట్ రైలు అనేది దేశంలోని వివిధ చారిత్రక, సాంస్కృతిక, మతపరమైన ప్రదేశాలను పర్యాటకులకు అందుబాటులో ఉంచడానికి థీమ్-ఆధారిత పర్యాటక సర్క్యూట్‌లలో నడిచే ఒక రైలు. భారతదేశంలో సాంస్కృతిక వారసత్వ పర్యాటకాన్ని ప్రోత్సహించడం ఈ రైలు లక్ష్యం.
ఇది కూడా చదవండి : ఈట్రైనుకు టికెట్ లేదు, టీసీ లేడు: 75 ఏళ్ల నుంచి ఫ్రీ సేవలు | 10 Facts About Bhakra Nangal Train
తెలుగు ప్రజల కోసం భవ్యా గుజరాత్ ప్రత్యేక రైలు
యాత్రలకు వెళ్లే భక్తులకు ఐఆర్‌సీటీసీ శుభవార్త అందించింది. ఇది తెలుగు ప్రజల కోసం ప్రత్యేక భారత్ గౌరవ్ టూరిస్ట్ రైలును నడపనుంది. వరంగల్‌లో జరిగిన మీడియా సమావేశంలో ఐఆర్‌సీటీసీ మేనేజర్ పి.వి. వెంకటేష్ మాట్లాడుతూ.. భవ్యా గుజరాత్ పేరుతో భారత్ గౌరవ్ ప్రత్యేక రైలును నడపనున్నట్లు తెలిపారు. ఈ పర్యాటక రైలు కాజీపేట రైల్వే జంక్షన్ మీదుగా వెళ్తుందని ఆయన చెప్పారు.
యాత్ర వివరాలు, సందర్శించే ప్రదేశాలు
ఈ రైలు నవంబర్ 26 నుండి డిసెంబర్ 4 వరకు తొమ్మిది రాత్రులు, పది రోజుల ప్యాకేజీలో నడుస్తుంది. ఈ యాత్రలో భాగంగా, సందర్శకులు ద్వారకాధీష్ దేవాలయం, నాగేశ్వర్ జ్యోతిర్లింగ దేవాలయం, భేట్ ద్వారక, సోమనాథ్ జ్యోతిర్లింగ దేవాలయం, సబర్మతి ఆశ్రమం, సూర్య దేవాలయం, రాణి కి వావ్, ఐక్యతా విగ్రహం (సర్దార్ వల్లభాయ్ పటేల్ విగ్రహం) లను సందర్శించవచ్చు. ఈ యాత్రలో గుజరాత్‌లోని అత్యంత ప్రముఖ పుణ్యక్షేత్రాలు, పర్యాటక ప్రదేశాలు కవర్ అవుతాయి.
ఇది కూడా చదవండి : 51 Shakti Peethas List : 51 శక్తి పీఠాలు ఎక్కడ ఉన్నాయి ? ఏ శరీర భాగం ఎక్కడ పడింది ?
ప్యాకేజీ ఖర్చులు, సేవలు
ఈ ప్యాకేజీలో ప్రయాణికులందరికీ ఆహారం (టీ, టిఫిన్, భోజనం), రవాణా, హోటల్ గదుల ఖర్చులను ఐఆర్‌సీటీసీ భరిస్తుంది. ఈ ప్యాకేజీలో స్లీపర్ క్లాస్ వ్యక్తికి రూ. 18,400, మూడవ ఏసీ రూ. 30,200, సెకండ్ ఏసీ రూ. 39,900 ఖర్చు అవుతుంది. వివిధ వర్గాల ప్రయాణికులకు అనుకూలమైన ధరలలో ఈ ప్యాకేజీ అందుబాటులో ఉంటుంది.
రైలు బయలుదేరే స్థలాలు, ఆగే స్టేషన్లు
ఈ రైలు నవంబర్ 26న మధ్యాహ్నం 3 గంటలకు రేణిగుంట నుండి బయలుదేరుతుంది. గూడూరు, నెల్లూరు, ఒంగోలు, చీరాల, తెనాలి, విజయవాడ, ఖమ్మం, కాజీపేట, సికింద్రాబాద్, నిజామాబాద్, నాందేడ్ స్టేషన్లలో ఆగే సౌకర్యం ఉంటుంది. ఈ అవకాశాన్ని సద్వినియోగం చేసుకోవాలని ప్రయాణికులకు సూచించారు. మరిన్ని వివరాల కోసం, వారు 97013 60701, 98810 30711 నంబర్లలో సంప్రదించగలరు.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
