IRCTC : ఐఆర్‌సీటీసీ ఆఫర్.. తక్కువ ధరలో కార్తీక మాసంలో ద్వారక, సోమనాథ్ యాత్ర
IRCTC : హిందువులకు అత్యంత పవిత్రమైన కార్తీక మాసం సందర్భంగా శివుడిని, మహావిష్ణువును పూజించే వారికి ఐఆర్‌సీటీసీ ఒక శుభవార్త అందించింది. పవిత్రమైన గుజరాత్‌లోని ప్రముఖ క్షేత్రాలను సందర్శించేందుకు వీలుగా భవ్య గుజరాత్ అనే ప్రత్యేక టూర్ ప్యాకేజీని ప్రకటించింది. తొమ్మిది రాత్రులు, పది రోజులు సాగే ఈ యాత్ర కోసం భారత్ గౌరవ్ స్పెషల్ టూరిస్ట్ రైలును ఏర్పాటు చేశారు. తెలంగాణ, ఆంధ్రప్రదేశ్ రాష్ట్రాల ప్రజలు ఈ ఆధ్యాత్మిక ప్రయాణాన్ని తప్పక వినియోగించుకోవాలని అధికారులు కోరుతున్నారు.
యాత్ర మొదలయ్యే తేదీ, రైలు మార్గం
ఈ ఆధ్యాత్మిక ప్రయాణం అక్టోబర్ 26, 2025 న ఆంధ్రప్రదేశ్‌లోని రేణిగుంట రైల్వే స్టేషన్ నుంచి మధ్యాహ్నం 3:00 గంటలకు మొదలవుతుంది. ఆ తరువాత ఈ రైలు వరుసగా గూడూరు, నెల్లూరు, ఒంగోలు, విజయవాడ, ఖమ్మం, కాజీపేట మీదుగా ప్రయాణించి, అక్టోబర్ 27, 2025 న ఉదయం 8:00 గంటలకు సికింద్రాబాద్ జంక్షన్‌కు చేరుకుంటుంది. అక్కడి నుంచి నిజామాబాద్, నాందేడ్ ద్వారా ప్రయాణించి, మూడవ రోజు రాత్రికి ద్వారక చేరుకుంటుంది.
సందర్శించే ప్రముఖ ప్రదేశాలు ఇవే
ఈ పది రోజుల టూర్‌లో గుజరాత్‌లోని ముఖ్యమైన ఆధ్యాత్మిక, చారిత్రక ప్రదేశాలను సందర్శిస్తారు.
ప్రధాన క్షేత్రాలు: ద్వారకలో ఉన్న ద్వారకాధీష్ దేవాలయం, భారతదేశంలోని 12 జ్యోతిర్లింగాలలో ఒకటైన నాగేశ్వర్ జ్యోతిర్లింగం, సముద్రంలో ఉన్న బేట్ ద్వారక ను సందర్శిస్తారు. అలాగే, మరొక ప్రసిద్ధ జ్యోతిర్లింగ క్షేత్రం సోమనాథ్ ను కూడా చూసే అవకాశం ఉంది.
ఇది కూడా చదవండి : Egypt Travel Guide: ఈజిప్ట్..ఇక్కడ డబ్బు కట్టి సమాధులను చూస్తారు.. 15 Facts
చారిత్రక, పర్యాటక స్థలాలు: అహ్మదాబాద్‌లోని గాంధీ సబర్మతి ఆశ్రమం, మోధేరా సూర్య దేవాలయం, రాణీ కీ వావ్, ఏక్తా నగర్‌లోని స్టాచ్యూ ఆఫ్ యూనిటీ వంటి ప్రముఖ పర్యాటక ప్రదేశాలను కూడా ఈ ప్యాకేజీలో చేర్చారు.
ఇది కూడా చదవండి : Dangerous Countries : 2025 లో వెళ్లకూడని అత్యంత ప్రమాదకరమైన 10 దేశాలు
టికెట్ ధరలు, సౌకర్యాలు
9 రాత్రులు, 10 రోజులు సాగే ఈ యాత్రకు ప్రతి వ్యక్తికి టికెట్ ధర వారు ఎంచుకునే తరగతిని బట్టి మారుతుంది.
స్లీపర్ క్లాస్ (SL) – రూ. 18,400
స్టాండర్డ్ థర్డ్ ఏసీ (3AC) – రూ. 30,200
కంఫర్ట్ సెకండ్ ఏసీ (2AC) – రూ. 39,900
ఈ ప్యాకేజీలో యాత్రికులకు రోజుకు మూడు పూటలా భోజనం (టిఫిన్, లంచ్, డిన్నర్), బస ఏర్పాట్లు, సందర్శన స్థలాలకు బస్సు ప్రయాణం అన్నీ కవర్ అవుతాయి. ప్రతి కోచ్‌లో ఐఆర్‌సీటీసీ సిబ్బంది అందుబాటులో ఉంటారు. మరింత సమాచారం కోసం www.irctctourism.com ను చూడవచ్చు లేదా ఇచ్చిన ఫోన్ నంబర్లకు కాల్ చేయవచ్చు.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
