Kedarnath Temple 2026 : మంచు కింద ఆరు నెలలు నిద్రించే శివాలయం…కేదార్నాథ్ ప్రత్యేకత ఇదే
Kedarnath Temple 2026 : ప్రతి సంవత్సరం ఆరు నెలల పాటు కేదార్నాథ్ ఆలయం పూర్తిగా మూసివేస్తారు. ఆ సమయంలో ఆలయం మంచు పొరల కింద నిశ్శబ్దంగా నిద్రపోతుంది. నిత్య పూజలు జరగవు. భక్తుల సందడి, రాకపోకలు ఉండవు. అయినా మహాశివుడు అక్కడే ఉన్నాడు అని భక్తులు గాఢంగా నమ్ముతారు.
ఇక్కడ శివుడిని (Lord Shiva) ఉనికిలో ఉన్నప్పుడు మాత్రమే కాకుండా, లేమిలో కూడా పూజిస్తారు. అంటే దర్శన భాగ్యం లేకపోయినా భక్తి ఆగదు అనే భావానికి కేదార్నాథ్ ఒక జీవంత ఉదాహరణ.
వేసవిలో ఆలయం మళ్లీ తెరుచుకున్నప్పుడు పెద్దగా ఉత్సవాలు జరగవు. తొలి దీపోత్సవం నిశ్శబ్దంగా జరిగినా, ఆ దీపం తేజస్సు ఆలయ ఆధ్యాత్మిక శక్తికి ప్రతీకగా నిలుస్తుంది. ఈ ఉత్సవాన్ని ఒక పండగగా కాకుండా ఒక ఆధ్యాత్మిక ప్రయాణానికి నాందిగా భావిస్తారు. ఆ తరువాతే ఇక్కడికి తీర్థయాత్రికుల రాక ప్రారంభమవుతుంది.
Shri Kedarnath dham pic.twitter.com/x7ywt4ebRN
— Weatherman Shubham (@shubhamtorres09) February 1, 2026
భక్తి అంటే దేవుడిని ప్రతిరోజూ దర్శించుకోవడమే కాదు. ఆలయానికి నిత్యం వెళ్లడమే కాదు. దూరంగా ఉన్నా దేవదేవుడిని స్మరించడమే నిజమైన భక్తి. అందుకే ఆరు నెలలు ఆలయం మూసి ఉన్నా, తెరుచుకున్న వెంటనే తమ గుండెల్లో ఉన్న కేదార్నాథుడిని దర్శించేందుకు భక్తులు దేశం నలుమూలల నుంచి తరలివస్తారు.
ఈ రోజున తెరుచుకోనున్న ఆలయం | Kedarnath Temple Opening Date 2026
ఈ సంవత్సరం అంటే 2026లో కేదార్నాథ్ ఆలయం ఏప్రిల్ 22వ తేదీన ఉదయం 7 గంటలకు తెరుచుకోనుంది అని సమాచారం. అప్పటి నుంచి నవంబర్ 11వ తేదీ వరకు భక్తులు స్వామిని దర్శించుకోవచ్చు.
📣 ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్స్క్రైబ్ చేసుకోండి. WhatsApp ఛానెల్లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
