Mini-moon : కొత్త ట్రెండ్.. హనీమూన్‌కు ముందు మినీ-మూన్ ట్రిప్.. ఎందుకింత పాపులర్ అవుతోంది?
Mini-moon : కొత్తగా పెళ్లయిన జంటలు తమ బంధాన్ని మరింత బలోపేతం చేసుకోవడానికి, ఏకాంతంగా గడపడానికి హనీమూన్‌కు వెళ్లడం సాధారణం. అయితే, నేటి యువతరం దీనికి భిన్నంగా ఒక కొత్త ట్రెండ్‌ను అనుసరిస్తోంది. అదే మినీ-మూన్ (Mini-moon). హనీమూన్‌కు వెళ్లే ముందు కొద్ది రోజులు మాత్రమే చేసే ఈ మినీ-మూన్ ప్రయాణాలు క్రమంగా పెరుగుతున్నాయని త్రీలోఫిలియా (Thrillophilia) అనే ట్రావెల్ ఏజెన్సీ తన తాజా నివేదికలో తెలిపింది.
మినీ-మూన్ అంటే ఏమిటి?
మినీ-మూన్ అంటే, పెళ్లి అయిన వెంటనే, కేవలం 3 నుంచి 5 రోజులు మాత్రమే చేసే చిన్నపాటి విహారయాత్ర. పెళ్లి హడావుడి, అలసట నుంచి బయటపడి కాస్త రిలాక్స్ అవ్వడానికి కొత్త జంటలు ఈ మినీ-మూన్‌ను ఎంచుకుంటున్నారు. ఈ చిన్న ట్రిప్ తర్వాత, కొన్ని నెలలకు తీరిక చూసుకుని వారు అసలైన హనీమూన్‌ను ప్లాన్ చేసుకుంటున్నారు.
ఇది కూడా చదవండి : అంటార్కిటికా : 70 శాతం మంచినీరు ఇక్కడే ఉంది…రాత్రి సూరీడు…పగలు చీకటి
మినీ-మూన్ ఎందుకంత పాపులర్?
మినీ-మూన్ ట్రెండ్ పెరగడానికి కొన్ని ప్రత్యేక ప్రయోజనాలే కారణం. ఈ ట్రిప్పులను ప్లాన్ చేసుకోవడం చాలా సులభం, ఖర్చు కూడా తక్కువగా ఉంటుంది. ఉద్యోగాలు చేసేవారు మినీ-మూన్ కోసం ఎక్కువ సెలవులు తీసుకోవాల్సిన అవసరం ఉండదు. ఈ చిన్న ట్రిప్ ద్వారా జంటలు తొందరగా ఒకరికొకరు దగ్గరవుతారు. ఆ తర్వాత, ఇద్దరికీ నచ్చిన ప్రదేశాలను ఎంచుకుని హనీమూన్‌కు ప్లాన్ చేసుకుంటారు. యువ జంటలు ఇప్పుడు ఖరీదైన లగ్జరీ టూర్ల కంటే, భావోద్వేగంగా తమను దగ్గర చేసే టూర్లకే ఎక్కువ ప్రాధాన్యత ఇస్తున్నారు. సముద్రంలో క్రూజ్‌లు, బీచ్‌లో సూర్యాస్తమయాన్ని చూస్తూ డిన్నర్‌లు వంటి వాటిని ఇష్టపడుతున్నారు.
ఇది కూడా చదవండి : Ramayana Trail : శ్రీలంకలో రామాయణం టూరిజం…ఏం చూపిస్తారు? ఎలా వెళ్లాలి ? Top 5 Tips
మినీ-మూన్‌కు బెస్ట్ ప్లేసెస్
మన దేశంలో మినీ-మూన్, హనీమూన్ కోసం కొత్త జంటలు కేరళ, అండమాన్ దీవులు, గోవా, రాజస్థాన్ వంటి ప్రాంతాలను ఎక్కువగా ఎంచుకుంటున్నారు. కొంచెం ప్రశాంతత, ఏకాంతం కోరుకునేవారు మేఘాలయ, హిమాచల్ ప్రదేశ్ వంటి ప్రదేశాలకు వెళ్తున్నారు. ఇక విదేశీ ప్రయాణం చేయాలనుకునే వారు థాయ్‌లాండ్, వియత్నాం, బాలి వంటి ప్రదేశాలను ఎక్కువగా సందర్శిస్తున్నారు.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
