Monsoon Tourism : వర్షాకాలంలో దక్షిణాది పర్యటన.. ఆంధ్రా నుంచి కేరళ వరకు.. తప్పక చూడాల్సిన 5 అద్భుతమైన ప్రదేశాలు!
Monsoon Tourism : భారతదేశం విభిన్న సంస్కృతులు, సంప్రదాయాలకు నిలయం అయినట్టే, ఇక్కడి ప్రకృతి కూడా ప్రాంతాన్ని బట్టి రకరకాల అందాలను పంచుతుంది. అందుకే కొన్ని ప్రాంతాలు కొన్ని ప్రత్యేక సీజన్లలోనే పర్యాటకులకు ఆహ్లాదాన్ని కలిగిస్తాయి. ముఖ్యంగా, వర్షాకాలంలో (Monsoon Travel) మన దక్షిణాది రాష్ట్రాలు పచ్చని ప్రకృతితో, పొగమంచుతో కప్పుకొని స్వర్గాన్ని తలపిస్తాయి. ఈ వర్షాకాలంలో అభయారణ్యాలు, తేయాకు తోటలు, బీచ్‌లు, చారిత్రక దేవాలయాలు వంటి అద్భుతమైన ప్రదేశాలను చూడాలని ప్లాన్ చేసుకుంటే, దక్షిణ భారతదేశంలో తప్పక సందర్శించాల్సిన బెస్ట్ 5 టూరిస్ట్ స్పాట్స్‌ వివరాలు ఇప్పుడు తెలుసుకుందాం.
విశాఖపట్నం (ఆంధ్రప్రదేశ్)
ఆంధ్రప్రదేశ్‌లో వేగంగా అభివృద్ధి చెందుతున్న నగరాలలో విశాఖపట్నం ఒకటి. వర్షాకాలంలో ఈ ప్రాంతం ప్రకృతి అందాలతో మరింత ఆకర్షణీయంగా మారుతుంది. విశాఖపట్నం సహజసిద్ధమైన ఓడరేవుకు ప్రసిద్ధి చెందింది. ఇక్కడ ఉన్న సుందరమైన బీచ్‌లు (Beaches) ప్రశాంతతను అందిస్తాయి. విశాఖపట్నానికి సమీపంలో ఉన్న అరకు లోయ (Araku Valley) ఇక్కడి అత్యంత ముఖ్యమైన పర్యాటక ప్రాంతం. పచ్చని కొండలు, దట్టమైన అడవులతో అరకు లోయ వర్షాకాలంలో చూపరులను కట్టిపడేస్తుంది.
హైదరాబాద్ (తెలంగాణ)
దక్షిణ భారతదేశంలో ప్రధాన మెట్రోపాలిటన్ సిటీగా హైదరాబాద్ ఘనమైన చరిత్రను, ఆధునికతను కలగలిపి ఉంది. పెర్ల్ సిటీగా గుర్తింపు పొందిన ఈ భాగ్యనగరంలో చారిత్రక కట్టడాలు, సరస్సులు, అనేక కేఫ్‌లు, ఎంటర్‌టైన్‌మెంట్ పార్కులు ఉన్నాయి. చార్మినార్, గోల్కొండ కోట, సాలార్‌జంగ్ మ్యూజియం, ట్యాంక్‌బండ్‌ (Tank Bund), నెహ్రూ జూపార్క్ వంటి చారిత్రక ప్రదేశాలు ఇక్కడ ఉన్నాయి. హైదరాబాద్ దమ్ బిర్యానీ ప్రపంచవ్యాప్తంగా ప్రసిద్ధి చెందింది.
కొడైకెనాల్ (తమిళనాడు)
తమిళనాడులోని నీలగిరి కొండల్లో ఉన్న కొడైకెనాల్ వర్షాకాలంలో దట్టమైన పొగమంచుతో కప్పుకొని పర్యాటకులను ఆహ్వానిస్తుంది. ఈ ప్రాంతం దట్టమైన అడవులు, ఎప్పుడూ పొగమంచుతో కప్పి ఉండే పర్వతాలు, రమణీయమైన జలపాతాలకు నిలయం. ముఖ్యంగా హనీమూన్ (Honeymoon) ట్రిప్‌లకు ఇది చాలా ప్రసిద్ధి చెందింది. ఇక్కడ లేక్‌సైడ్ రిసార్ట్‌లు ప్రశాంతమైన వాతావరణాన్ని అందిస్తాయి.
ఇది కూడా చదవండి : Thanjavur : ఈ ఆలయం నీడ నేలపై పడదు
దండేలి (కర్ణాటక)
దక్షిణ భారతంలోని కర్ణాటకలో ఉన్న దండేలి సాహస క్రీడలు (Adventures) ఇష్టపడే వారికి ఒక అద్భుతమైన గమ్యస్థానం. పశ్చిమ కనుమల్లో ఉన్న దండేలి.. జల క్రీడలు, ట్రెక్కింగ్, మౌంటైన్ బైకింగ్, నైట్ క్యాంపులకు చాలా పేరు పొందింది. ఇక్కడ దట్టమైన ఆకురాల్చే అడవులు, లోతైన లోయలు, దండేలి వన్యప్రాణుల అభయారణ్యం ఉన్నాయి. షిరోలి శిఖరం నుంచి సూర్యాస్తమయాన్ని తిలకించడం కనుల విందుగా ఉంటుంది. కాళి నదిలో వైట్ వాటర్ రాఫ్టింగ్ అద్భుతమైన అనుభవాన్ని ఇస్తుంది.
ఇది కూడా చదవండి : 51 Shakti Peethas List : 51 శక్తి పీఠాలు ఎక్కడ ఉన్నాయి ? ఏ శరీర భాగం ఎక్కడ పడింది ?
వాయనాడ్ (కేరళ)
కేరళలో పచ్చని ప్రకృతి అందాలకు, కొండ ప్రాంతాలకు వాయనాడ్ ఒక పర్యాయపదం. వర్షాకాలంలో పచ్చదనం ఇక్కడ రెట్టింపు అవుతుంది. పచ్చని కొండలపై ట్రెక్కింగ్, వన్యప్రాణుల సఫారీ, గుహల అన్వేషణ, డ్యామ్‌లలో బోటింగ్ వంటి యాక్టివిటీస్‌తో ఇక్కడ ఉల్లాసంగా గడపవచ్చు. వాయనాడ్‌లోని కాల్పెట్ట దట్టమైన కాఫీ, తేయాకు తోటలకు ప్రసిద్ధి. అందమైన కంతంపర, మీన్‌ముట్టి, సోచిప్పర జలపాతాలను ఇక్కడ చూడవచ్చు. అద్భుతమైన వాస్తు శిల్పంతో ప్రసిద్ధి చెందిన చారిత్రక తిరునెల్లి ఆలయంను కూడా దర్శించుకోవచ్చు.
టూర్ ప్లాన్ చేస్తున్నారా ? తక్కువ ధరలో మెరుగైన ప్యాకేజీ కావాలంటే వాట్సాప్‌లో సంప్రదించండి. హైదరాబాద్ నుంచి హిమాలయాల వరకు…కాశ్మీరు నుంచి కన్యాకుమారి వరకు పలు ఆప్షన్స్ అందిస్తాము.
తెలుగు పాఠకుల కోసం గమనిక: ఈ బ్లాగ్ కేవలం కోసం మాత్రమే. ట్రావెల్ ప్యాకేజీలు , వివరాలు భాగస్వామి సంస్థల ద్వారా అందించబడతాయి.
Disclaimer: This article is for informational purposes only. Prayanikudu.com shares verified travel updates and trip ideas collected from trusted sources and travel partners. We do not operate or sell any packages directly, nor are we responsible for bookings, prices, or any changes made by travel operators. All bookings, payments, and communication happen directly between travelers and the respective tour companies or agents. Readers are advised to verify all details before confirming any trip.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
