Nadi Ganapati Temple : కుట్రాలం నాడి గణపతి రహస్యం.. బ్రిటిష్ గవర్నర్ చూస్తుండగా జరిగిన అద్భుతం
Nadi Ganapati Temple : భారతదేశం ఎన్నో అద్భుతమైన దేవాలయాలకు నిలయం. వాటిలో కొన్ని దేవాలయాలు ఆధునిక సైన్స్‌కు కూడా అంతుచిక్కని రహస్యాలను దాచుకున్నాయి. అలాంటి రహస్యం దాగి ఉన్న ఒక వినాయకుడి గుడి గురించి ఇప్పుడు తెలుసుకుందాం. తమిళనాడులోని కుట్రాలంలో ఉన్న ఈ గణపతి ఆలయంలో జరిగిన ఓ అద్భుతం.. అప్పటి బ్రిటిష్ గవర్నర్‌నే ఆశ్చర్యపరిచి, భక్తుడిగా మార్చేసింది. అసలు ఆ గుడిలో ఏం జరిగింది? వినాయకుడి విగ్రహ ప్రతిష్ఠాపన సమయంలో జరిగిన ఆ అద్భుతం ఏమిటి? ఆ దేవాలయ రహస్యం ఏంటో తెలుసుకుందాం.
కుట్రాలం నాడి గణపతి ఆలయం ఎక్కడుంది?
తమిళనాడులోని తిరునల్వేలి జిల్లాలో ప్రకృతి రమణీయతకు, జలపాతాలకు ప్రసిద్ధి చెందిన కుట్రాలం (Courtalam) అనే ప్రాంతంలో ఉంది ఈ అద్భుతమైన వినాయక దేవాలయం. ఇక్కడి వినాయకుడిని నాడి గణపతి అని పిలుస్తారు. ఈ గుడి వెనుక ఒక గొప్ప చరిత్ర ఉంది. ఒకప్పుడు ఆ ప్రాంతంలో తపస్సు చేయాలని సంకల్పించిన మహా సిద్ధయోగి మౌనస్వామి ఒక మఠాన్ని స్థాపించి, శ్రీ సిద్ధేశ్వరి అమ్మవారి విగ్రహాన్ని ప్రతిష్ఠించారు. ఆ తర్వాత అక్కడ గణపతి విగ్రహాన్ని కూడా ప్రతిష్ఠించి, ప్రాణ ప్రతిష్ఠ కార్యక్రమాన్ని నిర్వహించాలని నిర్ణయించుకున్నారు.
బ్రిటిష్ గవర్నర్‌తో సిద్ధయోగి సవాల్
ఈ ప్రతిష్ఠాపన గురించి అప్పటి మద్రాస్ గవర్నర్ అయిన ఎడ్వర్డ్‌కు తెలిసింది. మూర్ఖత్వంతో “ఒక రాయికి ప్రాణ ప్రతిష్ఠ చేయడం ఏంటి?” అంటూ ఆయన ఆ సిద్ధయోగిని వెక్కిరించాడు. అప్పుడు మౌనస్వామి “మీ వెంట ఒక డాక్టర్‌ను తీసుకురండి” అని గవర్నర్‌తో చెప్పారు. గవర్నర్ పిలుపుతో వచ్చిన డాక్టర్‌ను, ప్రాణ ప్రతిష్ఠకు ముందు ఉన్న వినాయకుడి విగ్రహానికి నాడి (Pulse) చూడమని కోరారు. దానికి డాక్టర్ నవ్వి, “రాతి విగ్రహానికి నాడి చూడడం ఏంటి? దానికి జీవం లేదు కదా!” అన్నాడు. అయినా సరే, ఆయన నాడి చూసి, విగ్రహంలో ఎలాంటి చలనం లేదని ధృవీకరించాడు.
ప్రాణ ప్రతిష్ఠ తర్వాత జరిగిన అద్భుతం
ఆ తరువాత, మౌనస్వామి యధావిధిగా గణపతి విగ్రహానికి ప్రాణ ప్రతిష్ఠ కార్యక్రమాన్ని పూర్తి చేశారు. కార్యక్రమం ముగిసిన తర్వాత, అక్కడే ఉన్న డాక్టర్‌ను మళ్ళీ వినాయకుడి నాడిని పరీక్షించమని కోరారు. డాక్టర్ తన స్టేతస్కోప్‌తో విగ్రహం నాడిని పరిశీలించగా.. ఆయనకు షాక్ తగిలేలా, వినాయకుడి నాడి అచ్చం మనిషి నాడి కొట్టుకున్నట్లుగా స్పష్టంగా వినిపించింది. ఆశ్చర్యంతో ఆయన ఈ విషయాన్ని గవర్నర్‌తో పాటు అక్కడ ఉన్న అందరికీ తెలిపారు. ఈ అద్భుతాన్ని కళ్లారా చూసిన బ్రిటిష్ గవర్నర్ ఎడ్వర్డ్, డాక్టర్ ఇద్దరూ వినాయకుడికి సాష్టాంగ నమస్కారం చేసి, మౌనస్వామి ఆశీస్సులు తీసుకుని వెళ్లారట. అప్పటి నుండి ఈ గణపతి నాడి గణపతిగా ప్రసిద్ధి చెందారు.
ఇది కూడా చదవండి: Thailand 2024 : థాయ్‌లాండ్ ఎలా వెళ్లాలి ? ఏం చూడాలి ?
విగ్రహ రహస్యం, దర్శన విశిష్టత
ఈ వినాయకుడి విగ్రహంలో నాడి స్పందన ముఖ్యంగా తొడల భాగం నుంచి వినిపించిందని చెబుతారు. అందుకే ఆ తొడల భాగం కనిపించకుండా స్వామివారికి దోతి (వస్త్రం) కట్టి ఉంచుతారట. ఇక్కడికి వచ్చే భక్తులు ఈ నాడి గణపతిని దర్శించుకుని, మౌనస్వామి మఠాన్ని, శ్రీ సిద్ధేశ్వరి పీఠాన్ని దర్శించుకుంటారు.
ఇది కూడా చదవండి : Dangerous Countries : 2025 లో వెళ్లకూడని అత్యంత ప్రమాదకరమైన 10 దేశాలు
ప్రకృతి ఒడిలో కొలువై ఉన్న ఈ ఆలయాన్ని వినాయక చవితి సందర్భంగా భారీ సంఖ్యలో భక్తులు సందర్శిస్తారు. ఇక్కడ ఉన్న చిత్రావతి జలపాతం నీటికి ఔషధ గుణాలు ఉన్నాయని, అనేక రకాల రోగాలను నయం చేస్తుందని భక్తులు నమ్ముతారు. ఆలయం చుట్టూ ఉన్న మౌనస్వామి మఠం, కుర్తాల పీఠం, గణపతి గుడి, అద్భుతమైన జలపాతాలు ఈ క్షేత్రానికి మరింత విశిష్టతను తెచ్చిపెట్టాయి.
టూర్ ప్లాన్ చేస్తున్నారా ? తక్కువ ధరలో మెరుగైన ప్యాకేజీ కావాలంటే వాట్సాప్‌లో సంప్రదించండి. హైదరాబాద్ నుంచి హిమాలయాల వరకు…కాశ్మీరు నుంచి కన్యాకుమారి వరకు పలు ఆప్షన్స్ అందిస్తాము.
తెలుగు పాఠకుల కోసం గమనిక: ఈ బ్లాగ్ కేవలం కోసం మాత్రమే. ట్రావెల్ ప్యాకేజీలు , వివరాలు భాగస్వామి సంస్థల ద్వారా అందించబడతాయి.
Disclaimer: This article is for informational purposes only. Prayanikudu.com shares verified travel updates and trip ideas collected from trusted sources and travel partners. We do not operate or sell any packages directly, nor are we responsible for bookings, prices, or any changes made by travel operators. All bookings, payments, and communication happen directly between travelers and the respective tour companies or agents. Readers are advised to verify all details before confirming any trip.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
