తిరుమల అన్నప్రసాదం పూర్తి గైడ్: ఎక్కడ, ఎప్పుడు, ఎలా ఉచిత భోజనం లభిస్తుంది? | Tirumala Annaprasadam Guide
Tirumala Annaprasadam Guide : తిరుమల అన్నప్రసాదం పూర్తి గైడ్. ఎక్కడ, ఎప్పుడు ఉచిత భోజనం లభిస్తుంది? కుటుంబాలు, సీనియర్ సిటిజన్లకు సేఫా? పూర్తి వివరాలు.
తిరుమల అంటే కేవలం శ్రీ వేంకటేశ్వర స్వామి దర్శనం మాత్రమే కాదు.
ఇది ఒక అన్నపూర్ణ క్షేత్రం కూడా. ఇక్కడికి వచ్చిన భక్తుడు ఆకలితో ఉండడు.
తిరుమల శ్రీవారి భక్తులకు ఆకలి కష్టాలు ఉండవు. ఎందుకంటే నిత్యం లక్షలాది మంది భక్తులకు ఉచితంగా అన్నప్రసాదం అందించేందుకు తిరుమల తిరుపతి దేవస్థానం (TTD) పకడ్బందీ ఏర్పాట్లు చేసింది.
అన్నప్రసాదం ఉచితం, తిరుమలలో లభిస్తుంది అనే విషయం అందరికీ తెలిసిందే.
కానీ మొదటిసారి తిరుమల వెళ్లే భక్తులకు, లేదా చాలా కాలం తర్వాత వెళ్లేవారికి –
- తిరుమలలో ఫుడ్ ఎలా ఉంటుంది?
- ఎక్కడ, ఎప్పుడు భోజనం దొరుకుతుంది?
అనే సందేహాలు సహజమే.
- ఇది కూడా చదవండి : తిరుమలలో దర్శనాలు ఎన్ని రకాలు ? ఏ టికెట్లు బుక్ చేసుకుంటే దర్శనం వేగంగా అవుతుంది | Tirumala Darshan Guide
ఈ Tirumala Annaprasadam Guide ఆ సందేహాలన్నిటికీ సమాధానం ఇస్తుంది.
ప్రత్యేకంగా కుటుంబాలతో వెళ్లేవారు, సీనియర్ సిటిజన్లు, తొలి సారి దర్శనానికి వెళ్లే భక్తులు ప్లానింగ్ స్ట్రెస్ లేకుండా యాత్ర చేయడానికి ఇది ఉపయోగపడుతుంది.
ముఖ్యాంశాలు
తిరుమల అన్నప్రసాదం అంటే ఏమిటి? | Tirumala Annaprasadam Guide
What is Tirumala Anna Prasadam?
శ్రీ వేంకటేశ్వర నిత్య అన్నదానం అనేది TTD నిర్వహిస్తున్న ఉచిత భోజన సేవ.
దర్శనం టైప్ ఏదైనా సరే, తిరుమలలో వసతి తీసుకున్నారా లేదా అన్న తేడా లేకుండా,
ధనిక–పేద అనే భేదం లేకుండా ప్రతి భక్తుడికి నాణ్యమైన భోజనం అందిస్తారు.
ప్రతిరోజూ సుమారు 3 లక్షల మంది భక్తులు అన్నప్రసాదాన్ని స్వీకరిస్తున్నారు.
తిరుమలలో ప్రధాన అన్నప్రసాద కేంద్రాలు
Major Anna Prasada Centres in Tirumala
తిరుమలలో ప్రధానంగా మూడు పెద్ద అన్నప్రసాద కేంద్రాలను TTD నిర్వహిస్తోంది.
ఈ కేంద్రాల్లో 24 గంటలూ పనులు జరుగుతూనే ఉంటాయి.
- ఇది కూడా చదవండి : తిరుమల శ్రీవారి ఆలయాన్ని ఎవరు నిర్మించారు ? శ్రీవారు వైకుంఠం విడిచి ఎందుకు వచ్చారు?
1. మాతృశ్రీ తరిగొండ వెంగమాంబ అన్నప్రసాద కాంప్లెక్స్
Matrusri Tarigonda Vengamamba Annaprasadam Complex (MTVAC)
భక్తులు ఎక్కువగా నడిచే మార్గానికి దగ్గరగా ఉంటుంది.
ప్రతిరోజూ సుమారు 74,000 మంది భక్తులు ఇక్కడ భోజనం స్వీకరిస్తారు.
మెనూ:
- ఉదయం: ఉప్మా లేదా పొంగల్ + చట్నీ, సాంబార్
- మధ్యాహ్నం / సాయంత్రం:
అన్నం, స్వీట్ పొంగల్, కూర, చట్నీ, వడ, సాంబార్, రసం, మజ్జిగ
కుటుంబాలతో, పెద్దలతో వెళ్లేవారికి ఈ మెనూ చాలా సూటబుల్.
2. శ్రీ అక్షయ వంటశాల
Sri Akshaya Kitchen
ప్రతిరోజూ సుమారు 1,48,000 మంది భక్తులు ఇక్కడ అన్నప్రసాదం స్వీకరిస్తారు. ఇక్కడ లభించే ఐటమ్స్:
- పొంగల్
- సాంబార్ రైస్
- పెరుగన్నం
- టమోటా రైస్
- సుండలు
- పాలు, టీ, కాఫీ
పండగలు, రద్దీ ఎక్కువగా ఉన్న రోజుల్లో మజ్జిగ, బాదాం మిల్క్, బిస్కెట్లు, జ్యూస్ ప్యాకెట్లు కూడా అందిస్తారు.
3. వకుళమాత కిచెన్
Vakulamatha Kitchen
ప్రతిరోజూ సుమారు 77,000 మంది భక్తులకు భోజనం సిద్ధం చేస్తారు.ఇక్కడ తయారైన ఆహారం:
- యాత్రికుల వసతి సముదాయం–2, 4, 5
- వసతి సముదాయం–1
- కేంద్రీయ విచారణ కార్యాలయం
- రామ్ భగిచా అతిథి గృహం
- అంజనాద్రి నిలయం కాటేజీలు
వంటి ప్రాంతాలకు పంపిణీ చేస్తారు. ప్రధానంగా సాంబార్ అన్నం, పెరుగన్నం, ఉప్మా తయారు చేస్తారు.
అన్నప్రసాదం ఎప్పుడు లభిస్తుంది?
When is Anna Prasadam available?
ఇది చాలా మందికి వచ్చే సందేహం. ఉదయం, మధ్యాహ్నం, సాయంత్రం, రాత్రి, వైకుంఠం క్యూ లైన్లో వేచి ఉన్న సమయంలో కూడా భక్తులు క్యూ లైన్ విడిచి బయటికి రావాల్సిన అవసరం లేకుండా వారి దగ్గరకే అన్నప్రసాదం అందుతుంది.
అందుకే తిరుమలలో ఫుడ్ గురించి టెన్షన్ అవసరం లేదు.
- ఇది కూడా చదవండి : ఒకే రోజులో తిరుమల దర్శనం సాధ్యమా? తాజా నియమాలు & పూర్తి గైడ్
ఫ్యామిలీస్, సీనియర్ సిటిజన్లకు అన్నప్రసాదం సేఫా?
Is Tirumala Annaprasadam safe for all?
నూటికి నూరు శాతం సేఫ్.TTD Anna Prasadam is 100% safe.
నిజానికి ఇలాంటి డౌట్ ఎవరికీ రాదు. కానీ ఎవరిమనసులో అయినా ఈ క్వశ్చన్ వస్తే దానికి సమాధానం ఇవ్వడానికే సేఫ్టీ విషయం ప్రస్తావించాను. ఇక్కడ భక్తులకు అందించే భోజనాన్ని చక్కగా ప్రణాళికా బద్ధంగా, ఉన్నత ప్రమాణాలతో సిద్ధం చేస్తారు. భక్తులకు అందించే ఆహారంలో
- తక్కువ మసాలా వినియోగం జరుగుతుంది
- సాత్విక ఆహారం అందిస్తారు.
- పరిశుభ్రమైన వంటశాలల్లో వండుతారు.
- సులభంగా జీర్ణం అయ్యేలా భోజనం సిద్ధం చేస్తారు.
సో, పిల్లలు, పెద్దలు, సీనియర్ సిటిజన్లు అందరికీ ఇది సేఫ్ & సూటబుల్.
పెద్దల కోసం బెస్ట్ ఆప్షన్స్ వచ్చేసి :
పొంగల్, పెరుగన్నం
- ఇది కూడా చదవండి : తెలంగాణలో 7 ప్రసిద్ధ శ్రీ మహావిష్ణువు & అవతారాల ఆలయాలు |
తిరుమలకు వెళ్తే భోజనం తీసుకెళ్లాలా?
Should we carry food to Tirumala?
నిజం చెప్పాలంటే అంతగా అవసరం లేదు. TTD ఫుడ్ సిస్టమ్ చాలా స్ట్రాంగ్గా, పకడ్బందీగా ఉంటుంది. వేడి వేడి అన్నప్రసాదం ఉచితంగా లభిస్తుంది.
మీరు ఇంటి నుంచి వండిన భోజనం తీసుకెళ్లాల్సిన అవసరం లేదు.
(కొన్ని ప్రాంతాల్లో బయటి ఫుడ్పై నియమాలు ఉండొచ్చు – ఒకసారి చెక్ చేయండి.)
అయితే చిన్నపిల్లల చిరుతిళ్లు, మందులు, ORS పౌడర్ (నీటిలో కలిపేది) తీసుకెళ్లవచ్చు.
- తిరుమల తిరుపతి, టిటిడి అప్డేట్స్ కోసం క్లిక్ చేయండి. అధికారిక సమాచారం, పరిశోధన చేసిన కంటెంట్ , కచ్చితత్వంతో అందిస్తాము.
పండగలు & రద్దీ రోజుల్లో ప్లానింగ్ టిప్స్
Festival & Peak Days Planning Tips
బ్రహ్మోత్సవాలు, వీకెండ్స్, హాలిడేస్ సమయంలో భోజన పరిమాణం పెంచుతారు. ఎక్స్ట్రా డ్రింక్స్ అందిస్తారు. శ్రీవారి సేవకులు భక్తులకు గైడ్ చేస్తారు.
ఎవరూ చెప్పరు కానీ ఒక నిజం:
భోజనం దొరికినప్పుడు తినేయండి.
దర్శనం కోసం ఆకలిని ఇగ్నోర్ చేయకండి.
దేవుడిని చూడాలంటే
మనసునిండా భక్తి + ఒంటినిండా శక్తి అవసరం.
చిన్నమాట | Tirumala Annaprasadam Guide
Prayanikudu Travel Advice
తిరుమల యాత్ర ప్లాన్ చేస్తే
- ఫుడ్ కోసం ప్రత్యేక బడ్జెట్ అవసరం లేదు
- భారీగా ఫుడ్ ఐటమ్స్ మోసుకెళ్లాల్సిన పనిలేదు
- అన్నప్రసాదాన్ని యాత్రలో భాగంగా భావించండి.
- ఇది కూడా చదవండి : ఆంధ్రప్రదేశ్లో 7 శ్రీ మహా విష్ణువు & అవతారాల ఆలయాలు | i Andhra Pradesh 7 Vishnu Temples
తిరుమలలో దర్శనం మాత్రమే కాదు… ఆకలి కూడా తీరుతుంది.ఎందుకంటే ఇది శ్రీవారిక క్షేత్రంతో పాటు అన్నపూర్ణా క్షేత్రం కూడా.
“మీరు ఎక్కడికైనా వెళ్లే ముందు గూగుల్లో సెర్చ్ చేసినప్పుడు ‘Prayanikudu’ అని చివర యాడ్ చేయండి. ఉదాహరణకు : Warangal Prayanikudu ఇలా వెతకండి… తప్పుడు సమాచారంతో ఇబ్బంది పడకుండా ప్రయాణించండి (Travel Without Mistake).”
📣 ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్స్క్రైబ్ చేసుకోండి. WhatsApp ఛానెల్లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
