Dussehra Tour: మొబైల్ స్క్రీన్‌కు బైబై.. 5 గంటల్లో హైదరాబాద్ నుండి పారిపోండి.. నెమళ్లు, చిరుతపులుల మధ్య ఎంజాయ్ చేయండి

Dussehra Tour: సిటీ లైఫ్‌లో ట్రాఫిక్ జామ్‌లు, మాల్స్‌లో రద్దీ, ఎప్పుడూ మొబైల్ స్క్రీన్‌కే అతుక్కుపోవడం… ఈ బిజీ లైఫ్‌తో విసిగిపోయారా? ఈ దసరా సెలవుల్లో వీటన్నింటికీ ఒక బ్రేక్ ఇచ్చి, పచ్చని ప్రకృతి ఒడికి వెళ్లి ప్రశాంతంగా గడపాలనుకుంటున్నారా? అయితే, మీకోసం హైదరాబాద్ నుండి కేవలం 5 గంటల దూరంలో అద్భుతమైన ప్రదేశం ఉంది.. అదే ఏటూరునాగారం వన్యప్రాణుల అభయారణ్యం. ఈ దసరా స్పెషల్ ట్రిప్‌ను ఎలా ప్లాన్ చేసుకోవాలి, అక్కడ ఏం చూడొచ్చు అనే పూర్తి వివరాలు ఇప్పుడు చూద్దాం.

సుమారు 250 కిలోమీటర్ల దూరంలో ఉన్న ఈ అద్భుతమైన అడవి, జంతు సంరక్షణ కేంద్రం.. ప్రకృతి ప్రేమికులకు, అడవి వాతావరణాన్ని ఎంజాయ్ చేయాలనుకునే వారికి స్వర్గం లాంటిది. ఇక్కడ నెమళ్లు, చిరుతపులుల అరుపులతో నిండిన దట్టమైన అడవిని, పక్షుల కిలకిలారావాలను దగ్గరగా ఆస్వాదించవచ్చు.

ఏటూరునాగారం ఎలా వెళ్లాలి?
హైదరాబాద్ నుండి ఏటూరునాగారం వెళ్లడానికి మూడు సులభమైన మార్గాలు ఉన్నాయి. మీ బడ్జెట్, సౌకర్యాన్ని బట్టి మీరు ఈ ట్రిప్‌ను ప్లాన్ చేసుకోవచ్చు. హైదరాబాద్ నుండి మీరు కారులో స్వేచ్ఛగా ప్రయాణించవచ్చు. దారిలో మీకు నచ్చిన చోట ఆగుతూ, ప్రకృతి అందాలను ఆస్వాదిస్తూ ప్రయాణం చేయవచ్చు. దీనికి సుమారు 5-6 గంటలు పడుతుంది.

ఇది కూడా చదవండి : Milaf Cola : ఖర్జూరంతో సాఫ్ట్ డ్రింక్ లాంచ్ చేసిన సౌదీ అరేబియా

ఆర్టీసీ బస్సుల్లో కూడా నేరుగా ఏటూరునాగారం వెళ్లేందుకు సదుపాయం ఉంది. ఇది బడ్జెట్ ప్రయాణానికి మంచిది. ముందుగా మీరు వరంగల్ లేదా కాజీపేట వరకు రైలులో ప్రయాణించి, అక్కడి నుంచి మిగిలిన సుమారు 110 కిలోమీటర్ల దూరాన్ని క్యాబ్ లేదా బస్సు ద్వారా చేరుకోవచ్చు. మీరు అడవి అందాలను నెమ్మదిగా, పూర్తిగా ఆస్వాదించాలంటే, ఒక రాత్రి అక్కడ బస చేయాలని ప్లాన్ చేసుకోవడం చాలా ఉత్తమం.

అభయారణ్యంలో ఏం చూడొచ్చు?
ఏటూరునాగారం వన్యప్రాణుల అభయారణ్యంలో పర్యటించాలంటే ఉదయం 8:00 గంటల నుండి సాయంత్రం 5:00 గంటల వరకు అనుమతి ఉంటుంది. ఎంట్రీ ఫీజు పెద్దలకు రూ.10, పిల్లలకు రూ.5. (అదనంగా గైడ్‌లు, వాహనాలకు ఛార్జీలు) ఉంటాయి. ఈ దట్టమైన అడవిలో టేకు చెట్లు, వెదురు పొదలతో పాటు, ఎప్పుడూ నీరు పారే దయ్యం వాగు అనే ఒక ప్రసిద్ధ ప్రదేశం ఉంది.

ఇది కూడా చదవండి : ప్రపంచ యుద్ధం వస్తే ఈ 10 దేశాలు చాలా సేఫ్ 

ప్రధానంగా కనిపించే వన్యప్రాణులు
అభయారణ్యం పేరుకు తగ్గట్టుగానే, ఇక్కడ అరుదైన జంతువులను చూడవచ్చు. పులులు, చిరుతపులులు, ఎలుగుబంట్లు, జింకలు, అడవి పందులు, నక్కలు వంటి అనేక జంతువులు ఇక్కడ స్వేచ్ఛగా తిరుగుతూ ఉంటాయి. అంతేకాకుండా, ఇక్కడ 200కు పైగా జాతుల పక్షులు నివసిస్తున్నాయి. పక్షులను గమనించే వారికి ఇది ఒక గొప్ప అవకాశం. ఈ దసరా సెలవుల్లో అడవిలో కాసేపు ప్రశాంతంగా గడిపి, అద్భుతమైన అనుభూతిని పొందవచ్చు.

ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.