Budget 2026 Tourism : విదేశీ ప్రయాణాలు చవకగా… టూరిజానికి భారీ ఊతం

Budget 2026 Tourism : 2026–27 బడ్జెట్‌లో టూరిజం రంగానికి ఊతం ఇచ్చే ఎన్నో అంశాలకు ప్రాధాన్యత ఇచ్చారు. ఆర్థిక మంత్రి నిర్మలా సీతారామన్ పార్లమెంట్‌లో బడ్జెట్‌ను ప్రెజెంట్ చేస్తూ, ఉద్యోగ కల్పనతో పాటు విదేశీ మారకాన్ని పెంచే సాధనంగా టూరిజం రంగాన్ని భావిస్తున్నట్టు తెలిపారు.

ఈ బడ్జెట్‌లో పెద్ద మార్పు ఏంటంటే, అంతర్జాతీయ ప్రయాణాలు మరింత చవకగా అందుబాటులోకి రానున్నాయి. ఎలా అంటే…

ప్రస్తుతం ఉన్న ఓవర్సీస్ ప్యాకేజీలు అంటే విదేశీ ప్యాకేజీలపై ఉన్న 5 శాతం, 20 శాతం టీసీఎస్‌ను తగ్గించి 2 శాతానికి ఫిక్స్ చేశారు.
దీంతో పాటు మినిమం ఎమౌంట్ అనే కండిషన్‌ను కూడా తొలగించారు.
వీటి వల్ల ప్రతి ప్రయాణికుడు చేసే ఖర్చు తగ్గుతుంది.
భారతీయులు తమ విదేశీ ప్రయాణాలను మరింత చవకగా ప్లాన్ చేసుకోవచ్చు.

పర్వత పర్యాటకానికి ఊతం | Mountain Trails | Budget 2026 Tourism

బడ్జెట్‌లో వరల్డ్ క్లాస్ ఎక్స్‌పీరియెన్స్‌తో పాటు అడ్వెంచర్ టూరిజాన్ని కూడా ప్రోత్సాహించేలా ప్రభుత్వం ప్రణాళికలు రూపొందించింది. హిమాచల్ ప్రదేశ్, ఉత్తరాఖండ్, జమ్మూ అండ్ కశ్మీర్, అరకు లోయ, పొతిగై మలై (Pothigai Malai) వంటి ఇకో-ఫ్రెండ్లీ మౌంటెయిన్ ట్రెయిల్స్‌ను మరింతగా డెవెలప్ చేయనున్నారు.

దీంతో పాటు ఒడిశాలోని టర్టిల్ ట్రెయిల్స్, కేరళ, కర్ణాటకలోని కొన్ని ప్రాంతాల్లో పర్యాటకాన్ని ప్రోత్సహించేలా ప్రణాళిక చేస్తున్నారు.

చరిత్రాత్మక పర్యాటకం | Archaeological Sites

ప్రస్తుతం అందుబాటులో ఉన్న ఆర్కియాలజికల్ సైట్స్‌తో పాటు మరో 15 సైట్స్‌ను వైబ్రెంట్ కల్చరల్ డెస్టినేషన్లుగా మార్చి పబ్లిక్ యాక్సెస్‌కు ఓపెన్ చేయనున్నారు. ఇక్కడ క్యూరేటెడ్ వాక్‌వేస్ ద్వారా చరిత్రను తెలుసుకునే అవకాశం లభిస్తుంది.

ఇది కూడా చదవండి : ఒక్క రోజులో భద్రాచలంలో చూడదగ్గ 7 ప్రదేశాలు | bhadrachalam 7 places in one day

ఇక పూర్వోదయ రాష్ట్రాల్లో (Purvodaya States: సూర్యోదయం జరిగే రాష్ట్రాలు, తూర్పు వైపు ఉన్నవి) 5 కొత్త టూరిజం హబ్‌లను ఏర్పాటు చేసి, 4,000 ఈ-బస్సులను కూడా అందుబాటులోకి తీసుకురానున్నారు.

అలాగే ఏడు కొత్త హై-స్పీడ్ రైల్ కారిడార్లను (Hyderabad High Speed Railway Corridor) ప్లాన్ చేశారు. ఇందులో మూడు కారిడార్లు హైదరాబాద్‌తో లింక్ అయి ఉండటం విశేషం.
వీటి వల్ల దేశంలోని ప్రధాన నగరాల మధ్య రైలు రవాణా మరింత వేగంగా పుంజుకోనుంది.

#ViksitBharatBudget:
7 High-Speed Rail Corridors as growth connectors between cities ⬇️

🚅 Mumbai to Pune
🚅 Pune to Hyderabad
🚅 Hyderabad to Bengaluru
🚅 Hyderabad to Chennai
🚅 Chennai to Bengaluru
🚅 Delhi to Varanasi
🚅 Varanasi to Siliguri pic.twitter.com/XY5PEVge1y
— Ashwini Vaishnaw (@AshwiniVaishnaw) February 1, 2026

మొత్తానికి బడ్జెట్ 2026 అనేది చీప్ ఇంటర్నేషనల్ ట్రావెల్, ఇకో, హెరిటేజ్ టూరిజం, గైడెడ్ ఎక్స్‌పీరియెన్స్, బెటర్ కనెక్టివిటీ అంశాలపై ఫోకస్ చేసి, దేశీయ–విదేశీ ట్రావెల్ ఎకానమీని మరో ఎత్తుకు తీసుకెళ్లే ప్రయత్నంగా చెప్పుకోవచ్చు.

📣 ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.