ఢిల్లీపై అభిమానం.. వారణాసి Ganga Aarti చూడాలన్న పాకిస్థానీ వ్లాగర్!
Ganga Aarti చూడాలన్నది జర్మనీలో నివసిస్తున్న పాకిస్థానీ ట్రావెల్ వ్లాగర్ ముస్కాన్ కల. జర్మన్ పాస్పోర్ట్ వచ్చిన వెంటనే భారత్కు రావాలని, వారణాసి గంగా హారతిని పడవలో నుంచి వీక్షించాలని కోరుకుంటున్నారు. పూర్తి వివరాలు చదవండి.
ప్రపంచంలోని ఎన్నో దేశాలను సందర్శించిన ఓ పాకిస్థానీ ట్రావెల్ వ్లాగర్కు ఇప్పుడు భారత్ పర్యటన అతిపెద్ద కలగా మారింది. ముఖ్యంగా వారణాసిలో గంగానది తీరాన జరిగే సాయంత్రపు గంగా హారతిని ప్రత్యక్షంగా చూడాలని ఆమె ఎంతో ఆసక్తిగా ఎదురుచూస్తున్నారు. జర్మన్ పాస్పోర్ట్ వచ్చిన వెంటనే భారత్కే తన తొలి ప్రయాణం ఉంటుందని ప్రకటించారు.
20కి పైగా దేశాలు సందర్శించిన ముస్కాన్
జర్మనీలో నివసిస్తున్న పాకిస్థానీ ట్రావెల్ వ్లాగర్ ముస్కాన్ ఇప్పటికే 20కి పైగా దేశాలను సందర్శించారు. ఇన్స్టాగ్రామ్లో @muskaan.travels పేరుతో తన ప్రయాణ అనుభవాలను పంచుకుంటున్నారు. తనకు జర్మన్ పాస్పోర్ట్ అందిన వెంటనే భారత్కు వెళ్లడమే మొదటి ప్రాధాన్యత అని ఓ వీడియోలో తెలిపారు. మరో వీడియోలో తన మనసు ఢిల్లీలో ఉందని పేర్కొన్నారు.
గంగా హారతి చూడాలన్న ప్రత్యేక కోరిక
ముస్కాన్ భారత పర్యటన జాబితాలో వారణాసి గంగా హారతికి ప్రత్యేక స్థానం ఉంది. గంగానదిలో పడవపై ప్రయాణిస్తూ, నదీ తీరంలోని ఘాట్ల వద్ద జరిగే సాయంత్రపు హారతిని చూడాలని కోరుకుంటున్నారు. దీపాల వెలుగులు, మంత్రోచ్చారణలు, ఆలయ గంటల నడుమ జరిగే ఈ వేడుకను ప్రత్యక్షంగా అనుభవించాలని ఆమె ఆశిస్తున్నారు.
భారత్లో ఇంకా ఏం చూడాలనుకుంటున్నారు?
ఆమె ప్రయాణ జాబితాలో ఆగ్రాలోని తాజ్మహల్ను సూర్యోదయ సమయంలో చూడటం, ఢిల్లీలోని లోటస్ టెంపుల్ను సందర్శించడం, రిషికేశ్లో గంగానది ఒడ్డున ఉదయపు యోగా చేయడం ఉన్నాయి. అంతేకాదు హోలీ వేడుకల్లో పాల్గొనడం, నాగాలాండ్లో హార్న్బిల్ ఫెస్టివల్ చూడటం, మేఘాలయలో లివింగ్ రూట్ బ్రిడ్జ్లపై నడవడం, జైసల్మేర్ ఎడారిలో నక్షత్రాల కింద రాత్రి గడపడం కూడా ఆమె కలల జాబితాలో ఉన్నాయి.
చిన్నతనంలో బాలీవుడ్ సినిమాలు చూస్తూ భారత్లోని ప్రాంతాలపై ఆసక్తి పెంచుకున్నానని ముస్కాన్ వెల్లడించారు. ఆమె వీడియోలపై భారతీయ నెటిజన్లు స్పందిస్తూ మరిన్ని పర్యాటక ప్రాంతాలను సూచిస్తున్నారు.
ఇప్పటివరకు భారత్ను సందర్శించని ముస్కాన్ కల ఎప్పుడు నిజమవుతుందో చూడాలి. గంగా హారతి నుంచి హిమాలయాల వరకు భారత పర్యాటక వైవిధ్యం ఆమెను ఆకర్షిస్తోంది.
మరిన్ని ఆసక్తికరమైన ప్రయాణ కథనాల కోసం Prayanikudu.comను విజిట్ చేయండి.
▶️ వీడియో చూడండి : హరిద్వార్ కంప్లీట్ గైడ్
