Airport Mistakes : విమాన ప్రయాణంలో ఈ తప్పులు అస్సలు చేయొద్దు.. ఆలస్యం, టెన్షన్ లేకుండా జర్నీ చేయండి
Airport Mistakes : దూర ప్రాంతాలకు తక్కువ సమయంలో, సౌకర్యవంతంగా ప్రయాణించాలంటే విమాన ప్రయాణానికి మించిన మార్గం లేదు. అయితే చాలామంది ప్రయాణికులు తెలియకుండా చేసే కొన్ని చిన్న చిన్న పొరపాట్లు మొత్తం ట్రిప్‌నే పాడు చేస్తాయి. కొన్నిసార్లు ఫ్లైట్ మిస్ అయ్యేలా చేస్తాయి. మీ ప్రయాణంలో ఎలాంటి ఇబ్బందులు లేకుండా, టెన్షన్ లేకుండా ఉండాలంటే, ఎయిర్‌పోర్ట్‌లో ఎలాంటి తప్పులు చేయకూడదో తెలుసుకోవడం చాలా ముఖ్యం. విమాన ప్రయాణంలో తరచుగా చేసే పొరపాట్లు, వాటిని ఎలా అధిగమించాలో ఇప్పుడు చూద్దాం.
ఆలస్యంగా వెళ్లడం, ఆన్‌లైన్ చెక్-ఇన్ మర్చిపోవడం
విమాన ప్రయాణంలో చాలామంది చేసే అతి పెద్ద పొరపాటు.. ఎయిర్‌పోర్ట్‌కు ఆలస్యంగా వెళ్లడం. ఫ్లైట్‌కు ఒక గంట ముందు వెళ్తే చాలు అనుకుంటారు. కానీ ట్రాఫిక్, సెక్యూరిటీ లైన్లు, పార్కింగ్ కోసం సమయం పడుతుంది. అందుకే దేశీయ ప్రయాణం (Domestic Travel) అయితే కనీసం 2 గంటల ముందు, అంతర్జాతీయ ప్రయాణం (International Travel) అయితే కనీసం 3 గంటల ముందు ఎయిర్‌పోర్ట్‌కు చేరుకోవడం సురక్షితం.
అలాగే, ఆన్‌లైన్ చెక్-ఇన్ తప్పకుండా చేసుకోవాలి. ఎందుకంటే విమానయాన సంస్థల కౌంటర్లు ఫ్లైట్‌కు 60 నిమిషాల ముందు మూసివేస్తారు. మీరు ఆన్‌లైన్‌లో చెక్-ఇన్ చేసుకుంటే, లైన్లలో నిలబడాల్సిన పని ఉండదు. ఇంకో ముఖ్యమైన విషయం ఏమిటంటే మీ టికెట్‌పై ఉన్న పేరు, పాస్‌పోర్ట్‌పై (లేదా ఐడీ ప్రూఫ్) ఉన్న పేరు ఒకేలా ఉందో లేదో తప్పకుండా సరి చూసుకోవాలి. లేదంటే బోర్డింగ్ అసాధ్యం.
ఇది కూడా చదవండి : Vatican City : 800 మంది మాత్రమే ఉండే దేశం |15 నిమిషాల్లో చుట్టేయొచ్చు
టికెట్ కన్ఫర్మేషన్, మొబైల్ తప్పనిసరి
మీరు ఆన్‌లైన్‌లో బుక్ చేసిన టికెట్ కన్ఫర్మ్ అయిందో లేదో ఒకటికి రెండు సార్లు చెక్ చేసుకోవాలి. కొన్నిసార్లు ఆన్‌లైన్ పేమెంట్ ఫెయిల్ అవుతుంది.. కానీ బుక్ అయిందని మనం పొరబడుతుంటాం. కాబట్టి ఫ్లైట్‌కు కనీసం 24 గంటల ముందు బుకింగ్ స్టేటస్‌ను తప్పకుండా ధృవీకరించుకోవాలి.
ఎయిర్‌పోర్ట్‌లో ఉన్నప్పుడు మీ మొబైల్ ఫోన్‌ను ఆఫ్ చేయకూడదు. ఫ్లైట్ ఆలస్యాలు, గేట్ మార్పులు, బోర్డింగ్ సమయాలు వంటి ముఖ్యమైన సమాచారం అంతా మీ మొబైల్‌కే వస్తుంది. అందుకే, ఫోన్‌లో డేటా ఆన్‌లో ఉంచుకోవాలి, ఛార్జింగ్ సరిపడా ఉందో లేదో చూసుకోవాలి. నోటిఫికేషన్లు కూడా ఆన్‌లో ఉండేలా చూసుకోవాలి.
ఇది కూడా చదవండి : Vanuatu: వనవాటు దేశం ఎక్కడుంది ? ఎలా వెళ్లాలి ? కంప్లీట్ ట్రావెల్ గైడ్
కోపం, మద్యం సేవించి వెళ్లడం చేయకూడదు
ఎయిర్‌పోర్ట్‌కు మద్యం సేవించి వెళ్లడం లేదా బాగా అనారోగ్యంతో ఉన్నట్లు కనిపించడం అస్సలు చేయకూడదు. మీరు మత్తులో ఉన్నట్లు లేదా ప్రయాణానికి అనర్హులుగా కనిపిస్తే, మిమ్మల్ని విమానం ఎక్కడానికి అనుమతించరు. అదేవిధంగా సిబ్బందితో కోపంగా మాట్లాడడం లేదా గొడవపడడం వంటివి చేస్తే, మీ బోర్డింగ్ క్యాన్సిల్ అయ్యే అవకాశం ఉంది. ఎప్పుడూ సిబ్బందితో మర్యాదగా ప్రవర్తించాలి.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
