Tour Guide : రాముడిని చూసేందుకు వెళ్తున్నారా..అయితే అయోధ్య ట్రిప్‌లో తప్పక సందర్శించాల్సిన పుణ్యక్షేత్రాలివే
Tour Guide : గతేడాది ఎంతో మంది హిందువుల కల అయిన అయోధ్య రామమందిరం నిర్మాణం పూర్తయింది. అప్పటి నుంచి శ్రీరాముడి బాల రూపాన్ని దర్శించుకోవడానికి భక్తులు పోటెత్తుతున్నారు. మీరు కూడా అయోధ్య యాత్ర ప్లాన్ చేస్తుంటే రామమందిరంతో పాటు అక్కడ ఉన్న రామాయణ కాలం నాటి చారిత్రక, ఆధ్యాత్మిక ప్రదేశాలను తప్పకుండా సందర్శించాలి. ఆ ప్రదేశాలు, వాటి వెనుక ఉన్న కథలు తెలుసుకుంటే మీ యాత్ర మరింత అద్భుతంగా మారుతుంది.
రామాయణంతో ముడిపడిన ముఖ్య ప్రదేశాలు
కనక్ భవన్ టెంపుల్ (Kanak Bhawan Temple): ఈ ఆలయం సీతాదేవికి అంకితం చేయబడింది. ఇక్కడి అద్భుతమైన నిర్మాణ శైలి, బంగారు పూతతో ఉన్న స్తంభాలు చూపరులను ఆకట్టుకుంటాయి. సీతారాముల వివాహం తర్వాత కైకేయి ఈ భవనాన్ని సీతాదేవికి బహుమతిగా ఇచ్చిందని ప్రతీతి. ఇది అయోధ్యలో చూడదగిన అత్యంత అందమైన దేవాలయాలలో ఒకటి.
నాగేశ్వరనాథ్ టెంపుల్ (Nageshwarnath Temple): ఈ ఆలయాన్ని శ్రీరాముడి కుమారుడైన కుశుడు నిర్మించినట్లు చెబుతారు. కుశుడు సరయూ నదిలో స్నానం చేస్తుండగా అతని కంకణం పోయింది. దాన్ని ఒక నాగ కన్య తీసుకుని, కుశుడి ప్రేమలో పడింది. ఆమె శివ భక్తురాలు కాబట్టి, ఆమె కోసం కుశుడు ఈ శివాలయాన్ని నిర్మించాడని పురాణ కథ. ఇది అయోధ్యలో చాలా ముఖ్యమైన శివాలయం.
సీతా కి రసోయి (Sita Ki Rasoi): ఇది సీతాదేవి వంటశాల అని చెబుతారు. ఇది ఒక పవిత్రమైన ప్రదేశం. హిందూ పురాణాల గురించి తెలుసుకోవాలనుకునే వారికి ఈ ప్రాంతం తప్పకుండా నచ్చుతుంది. ఇది ఆలయ ప్రాంగణంలోనే ఉంటుంది. ఇక్కడ సీతాదేవి, రాముడు, లక్ష్మణుడు, హనుమంతుని విగ్రహాలు కొలువై ఉంటాయి.
ఇది కూడా చదవండి : Ramayana Trail : శ్రీలంకలో రామాయణం టూరిజం…ఏం చూపిస్తారు? ఎలా వెళ్లాలి ? Top 5 Tips
చోటి దేవకాళీ ఆలయం (Choti Devakali Temple): ఇది అయోధ్యలోనే ఉన్న ఒక పురాతన ఆలయం. ఇక్కడ శక్తి, భక్తికి ఆదిదేవత అయిన దేవకాళీ మాత కొలువై ఉంది. ఈ ఆలయం అనేక పురాణాలు, ఇతిహాసాలు, మహిమలతో నిండి ఉందని చెబుతారు.
త్రీతా కే ఠాకూర్ (Treta Ke Thakur): రాముడు అశ్వమేధ యాగం నిర్వహించిన ప్రదేశం ఇదేనని చెబుతారు. ఇది అయోధ్యలోని నయా ఘాట్ వద్ద ఉంది. ఈ ఆలయం ఉత్తర భారత ఆలయ నిర్మాణ శైలికి అద్భుతమైన ఉదాహరణ. ఇక్కడ సంప్రదాయ శిఖరాలు చూడముచ్చటగా ఉంటాయి.
ఇది కూడా చదవండి : UAE: యూఏఈలో తప్పకుండా చూాడాల్సిన 10 ప్రదేశాలు
సూరజ్ కుండ్ (Suraj Kund): ఇది చాలా పురాతనమైన నీటి కొలను (వాటర్ ట్యాంక్). ఈ కొలనును శ్రీరాముడు ఉపయోగించినట్లు విశ్వసిస్తారు. ఈ చారిత్రక ప్రదేశంలో చాలా ప్రశాంతమైన వాతావరణం ఉంటుంది. సాయంత్రం వేళ ఇక్కడ ప్రతిరోజూ లేజర్ షో నిర్వహిస్తారు. అయోధ్య సందర్శించేవారు దీన్ని తప్పకుండా చూడాలి.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
