తెలంగాణలోని ఈ ఆలయానికి వెళ్తే అరుణాచలం వెళ్లినట్టే…| Chinna Arunachalam
Chinna Arunachalam : తెలంగాణ రాష్ట్రంలో ఉన్న ఒక పుణ్యక్షేత్రం ఇప్పుడు భక్తులను విశేషంగా ఆకర్షిస్తోంది. సాధారణంగా జ్యోతిర్లింగాల దర్శనం కోసం దేశం నలుమూలలా ప్రయాణం చేయాల్సి ఉంటుంది.
కానీ, భక్తుల సౌలభ్యం కోసం, ఆధ్యాత్మిక అనుభూతిని అందించేందుకు ఒకేచోట 1008 శివలింగాలు , దేశంలోని పన్నెండు జ్యోతిర్లింగాలను (Jyotirling) ప్రతిష్టించారు. ఇది ఎంతో అద్భుతమైన, ప్రత్యేకమైన విషయం.
ముఖ్యాంశాలు
ఆలయ వివరాలు | Location
ఈ అద్భుతమైన ఆలయం భద్రాద్రి కొత్తగూడెం (Bhadradri Kottha Gudam) జిల్లాలోని దమ్మపేట మండలం, నర్సాపురం గ్రామంలో ఉంది. ఇది పర్ణశాల వెళ్లే దారిలో శ్రీ రమణా ఆశ్రమంలో కొలువై ఉంది.
- ఈ క్షేత్రాన్ని ‘చిన్న అరుణాచలం’ అని కూడా పిలుస్తుంటారు.
- మరో విశేషం ఏటంటే ఇక్కడ ఒకే 1008 శివలింగాలను భక్తులు దర్శించకోవచ్చు.
- ఇంతటి గొప్ప దర్శనం కలుగుతున్నందుకు ఈ ప్రాంతం మరింత ప్రసిద్ధి చెందింది.
1008 లింగాలు, 12 జ్యోతిర్లింగాల ప్రత్యేకత | 1008 Shiv Lings
ఈ ఆలయంలో ప్రధాన శివలింగంతో పాటు, దాని చుట్టూ మొత్తంగా 1007 చిన్న లింగాలు ఉంటాయి. అంటే, ప్రధాన లింగాన్ని కలుపుకొని మొత్తం 1008 శివలింగాల దర్శనం ఒకేసారి లభిస్తుంది.
- దీనినే సహస్ర లింగ దర్శనం అని అంటారు.
- దేశంలోని కాశీ, శ్రీశైలం (Srisailam), అరుణాచలం (Arunachalam) వంటి ప్రఖ్యాత శైవక్షేత్రాలలో మాత్రమే ఇలాంటి సహస్ర లింగ దర్శనం లభిస్తుంది.
- అంతేకాక, ఈ ఆలయంలో మన దేశంలోని పన్నెండు జ్యోతిర్లింగాల రూపాలు ఒకేచోట దర్శనమిస్తాయి.
- భక్తులు ఆ 12 జ్యోతిర్లింగాలకు స్వయంగా అభిషేకం చేసుకునే అవకాశం కూడా ఇక్కడ ఉంది.
ఇది కూడా చదవండి : అంటార్కిటికా : 70 శాతం మంచినీరు ఇక్కడే ఉంది…రాత్రి సూరీడు…పగలు చీకటి
అష్ట లింగాల దర్శనం | Chinna Arunachalam
తిరువన్నామలైలోని అరుణాచలంలో (Arunachalam) గిరి ప్రదక్షిణ చేసే సమయంలో ఇంద్ర లింగం, అగ్ని లింగం, యమ లింగం వంటి ఎనిమిది లింగాల దర్శనం చేసుకుంటాం.
- అదేవిధంగా, ఇక్కడ కూడా భక్తులు ఆ అష్ట లింగాలను దర్శించి, పూజించుకునే అవకాశం ఉంది.
- ఈ విధంగా భక్తులు అరుణాచలం వెళ్లలేకపోయినా, ఈ ‘చిన్న అరుణాచలం’ దర్శనం ద్వారా ఆ అనుభూతిని పొందవచ్చని చెబుతారు.
ఇది కూడా చదవండి : UAE: యూఏఈలో తప్పకుండా చూాడాల్సిన 10 ప్రదేశాలు
ఇతర విశేషాలు
ఈ ఆలయంలో స్ఫటిక లింగం, పాన లింగం, మరకత లింగం, శ్రీ చక్ర జ్యోతిర్లింగం, పాదరస లింగం వంటి వివిధ రకాల శివలింగాల దర్శనం చేసుకోవచ్చు. రామేశ్వరంలో (Rameshwaram) ఉన్న విధంగానే ఇక్కడ కూడా స్ఫటిక జ్యోతిర్లింగం భక్తులకు దర్శనమిస్తుంది.
- ఆలయ ప్రవేశంలో పెద్ద మురుగన్ విగ్రహం, ఆకర్షణీయమైన అద్దాల మండపం కూడా ఇక్కడ ఉన్నాయి.
- మరో అద్భుతం ఏమిటంటే, ఆలయంలోని పుట్టలో ఉండే నాగేంద్రుడు (పాము) ప్రతి సోమవారం గర్భగుడిలోకి వచ్చి శివయ్యతో (Lord Shiva) పాటు దర్శనం ఇస్తాడట.
- ఇక్కడ గోశాల కూడా ఉంది. పర్ణశాల వైపు వెళ్లే భక్తులకు ఇక్కడి ఆశ్రమం తరచుగా అన్నదానం కూడా నిర్వహిస్తుంది.
భక్తులకు లభించే గొప్ప అవకాశం
Chinna Arunachalam లో దేశంలో మరెక్కడా లేని విధంగా ఒకేసారి 1008 బ్రహ్మ సూత్ర లింగాలను దర్శించే అరుదైన అవకాశం ఈ క్షేత్రంలో లభిస్తోంది. కేవలం భద్రాద్రి ప్రాంతంలోనే కాకుండా మొత్తం తెలంగాణకే ఈ చిన్న అరుణాచలం ఒక గొప్ప ఆధ్యాత్మిక కేంద్రంగా విరాజిల్లుతోంది.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్స్క్రైబ్ చేసుకోండి. WhatsApp ఛానెల్లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
