Kakinada Tourism : కాకినాడ సరౌండింగ్స్‌లో 5 అద్భుతమైన టూరిస్ట్ ప్లేసెస్.. తప్పక చూడాల్సిన బీచ్‌లు ఇవే

Kakinada Tourism : ఆంధ్రప్రదేశ్‌లో పర్యాటక రంగం (Tourism) అభివృద్ధి చెందుతున్న నగరాలలో కాకినాడ (Kakinada) ఒకటి. ముఖ్యంగా కాకినాడ రూరల్ ప్రాంతంలోని బీచ్‌లు, పార్కులు ఇటీవల పర్యాటకులను విశేషంగా ఆకర్షిస్తున్నాయి. సిటీలో పార్కులు, ఎగ్జిబిషన్స్‌తో సందడిగా ఉన్నప్పటికీ, గ్రామీణ ప్రాంతంలోని తీర ప్రాంతాలు మాత్రం ప్రత్యేకంగా ఆకట్టుకుంటున్నాయి. కాకినాడలో పర్యాటకుల సంఖ్య పెరుగుతుండటంతో, ప్రభుత్వం కూడా ఇక్కడి పార్కులు, పర్యాటక ప్రదేశాలకు కొత్త రూపు ఇస్తోంది. కాకినాడ రూరల్ పరిధిలో కేవలం మూడు కిలోమీటర్ల పరిధిలో ఉన్న ఆకర్షణీయమైన 5 పర్యాటక ప్రాంతాల గురించి తెలుసుకుందాం.

వాటర్ వరల్డ్ (Water World)
బీచ్ రోడ్డులో ఉన్న శిల్పారామం (Shilparamam) దగ్గర ఉన్న వాటర్ వరల్డ్ ఇటీవల ప్రత్యేక పర్యాటక కేంద్రంగా దృష్టిని ఆకర్షిస్తోంది. శిల్పారామం ఎంట్రీ టికెట్ తీసుకున్న తర్వాత, మళ్లీ ప్రత్యేక టికెట్ తీసుకుని ఈ వాటర్ వరల్డ్‌లోకి వెళ్లవచ్చు. ఈ వాటర్‌ఫాల్స్ (జలపాతం) చూస్తే చాలా సేపు వేరే లోకంలో ఉన్న అనుభూతి కలుగుతుంది. ఇక్కడి అద్భుతమైన వంటకాలు (Cuisine) కూడా పర్యాటకులను ఆకట్టుకుంటున్నాయి.

వాకలపూడి బీచ్ (Vakalapudi Beach)
కాకినాడ రూరల్ ప్రాంతంలోని మరో ముఖ్యమైన ఆకర్షణ వాకలపూడి బీచ్. గతంలో శని, ఆదివారాల్లో మాత్రమే కనిపించే పర్యాటకులు ఇప్పుడు వారంలో అన్ని రోజులూ ఇక్కడ కనిపిస్తున్నారు. పర్యాటకులకు అనుగుణంగా బీచ్ ప్రాంతం మరింత అందంగా తయారైంది. బీచ్ వద్ద గుర్రపు స్వారీ (Horse Riding)తో పాటు, పిల్లల కోసం అనేక కార్లు, బైక్‌లు అందుబాటులో ఉన్నాయి. నోరూరించే తినుబండారాలు (Dishes) కూడా పర్యాటకులను ఆహ్వానిస్తున్నాయి.

ఇది కూడా చదవండి : Bhutan : భూటాన్ ఎలా వెళ్లాలి? కంప్లీట్ ట్రావెల్ గైడ్ 

అద్దాల వంతెన కింద బోటింగ్ (Boating Under Addala Glass Bridge)
వాకలపూడి బీచ్ నుంచి కాస్త ముందుకు వస్తే, అద్దాల వంతెన (Addala Glass Bridge) కింద ఉన్న ఆవరణలో బోటింగ్ రైడ్ (Boat Ride) చాలా ప్రత్యేకంగా ఉంటుంది. ఈ బోటింగ్ రైడ్ ప్రత్యేకత ఏమిటంటే, ఒకే బోట్‌లో నలుగురు వ్యక్తులు ఎక్కే అవకాశం ఉంది. ఈ నలుగురూ కలిసి సైకిల్ తొక్కినట్లుగా పెడల్ చేస్తూ బోట్‌ను ముందుకు నడపవచ్చు. ముఖ్యంగా సాయంత్రం సమయంలో ఈ అద్దాల వంతెన కింద బోటింగ్ రైడ్ చాలా ఆహ్లాదకరంగా ఉంటుంది. ఈ బోటింగ్ కోసం ప్రత్యేక రుసుము కూడా ఏర్పాటు చేశారు.

ఇది కూడా చదవండి : Vanuatu: వనవాటు దేశం ఎక్కడుంది ? ఎలా వెళ్లాలి ? కంప్లీట్ ట్రావెల్ గైడ్

ఉప్పాడ బీచ్ (Uppada Beach)
ఉప్పాడ బీచ్‌లోని వాతావరణం, ఆంధ్రాలో మరెక్కడా లేదంటే అతిశయోక్తి కాదు. ఇక్కడ రోడ్డుకు ఒకవైపు పొడవైన చెట్లు, మరోవైపు సముద్రం ఉంటుంది. ప్రతిరోజూ రోడ్డును తాకే అలలు ఇక్కడి అందానికి హైలైట్. ముఖ్యంగా వర్షం కురిసినప్పుడు, ఆ అలలు రోడ్డుపైకి పూర్తిగా దూసుకొస్తాయి. ఈ సుందరమైన వాతావరణం పర్యాటకులను మంత్రముగ్ధులను చేస్తుంది.

 ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.