Kamalashila Temple: హిందూ దేవాలయానికి ముస్లిం శిల్పి.. ఈ టెంపుల్ వెనుక ఎంత చరిత్రో తెలుసా!

Kamalashila Temple: దేవాలయాలు, చారిత్రక ప్రదేశాలు, పచ్చని ప్రకృతి – ఈ మూడింటిని ఒకేసారి చూడాలని కోరుకునేవారికి కర్ణాటకలోని కమలశిల ఒక గొప్ప పర్యాటక ప్రదేశం. చారిత్రక నేపథ్యం ఉన్న ఈ ఆలయంలో కొన్ని ఆసక్తికరమైన విషయాలు ఉన్నాయి. ముఖ్యంగా, ఒక ముస్లిం శిల్పి నిర్మించిన ఈ దేవాలయంలో ముస్లిం రాజుల జ్ఞాపకార్థం సలాం పూజలు నిర్వహించడం దీని ప్రత్యేకత. ఈ దేవాలయం వెనుక ఉన్న కథ, దాని ప్రత్యేకతలను ఇప్పుడు వివరంగా తెలుసుకుందాం.

హిందూ ముస్లిం ఐక్యతకు ప్రతీక!
కర్ణాటకలోని ఉడిపి జిల్లాలోని కుందాపుర పట్టణానికి కేవలం 35 కిలోమీటర్ల దూరంలో, కుబ్జ నది ఒడ్డున, పచ్చని మల్నాడు అడవుల మధ్య కమలశిల బ్రహ్మీ దుర్గా పరమేశ్వరి దేవాలయం ఉంది. చరిత్ర, ప్రకృతి, మత సామరస్యాన్ని ప్రతిబింబించే ఈ దేవాలయం అనేక ప్రత్యేకతలను కలిగి ఉంది.

దేవత లింగ రూపంలో ఎందుకు ఉంది?
కమలశిలలో బ్రహ్మీ దుర్గా పరమేశ్వరి అమ్మవారు లింగ రూపంలో వెలిశారు. దీని వెనుక ఒక పౌరాణిక కథ ఉంది. పూర్వం, రైక్వ మునితో సహా అనేకమంది రుషులు కుబ్జ నది ఒడ్డున తపస్సు చేసేవారు. కరాసుర, రక్తసుర అనే రాక్షసులు వారి తపస్సుకు ఆటంకాలు కలిగించేవారు. రాక్షసుల బాధలు భరించలేక, రుషులు ఆదిపరాశక్తిని ప్రార్థించారు. వారి ప్రార్థనలు విన్న అమ్మవారు ఆ రాక్షసులను సంహరించారు. రుషుల కోరిక మేరకు, అమ్మవారు అదే నది ఒడ్డున లింగ రూపంలో వెలిశారని చెబుతారు. అప్పటినుండి ఇక్కడ దుర్గా పరమేశ్వరిని లింగ రూపంలో పూజిస్తున్నారు. ఒక బ్రాహ్మణుడికి కలలో అమ్మవారు కనిపించి, తాను బ్రహ్మీ దుర్గా పరమేశ్వరి అని చెప్పడంతో, గ్రామస్తులు అమ్మవారి విగ్రహంతో పాటు లింగాన్ని కూడా ప్రతిష్ఠించి పూజిస్తున్నారు.

ఇది కూడా చదవండి : Bizarre Christmas : ప్రపంచంలోని 10 వింత క్రిస్మస్ ఆచారాలు, ప్రదేశాలు

మత సామరస్యానికి నిలువుటద్దం
ఈ దేవాలయం కేవలం ఆధ్యాత్మిక కేంద్రమే కాదు, హిందూ-ముస్లిం మత సామరస్యానికి ప్రతీకగా కూడా నిలుస్తుంది.
సలాం పూజ: కమలశిల బ్రహ్మీ దుర్గా పరమేశ్వరి దేవాలయంలో సలాం పూజ చాలా ప్రత్యేకమైనది. ప్రతి సాయంత్రం ముస్లిం రాజులైన హైదర్ అలీ, టిప్పు సుల్తాన్‌లకు నివాళులర్పిస్తూ ఈ పూజను నిర్వహిస్తారు. ఈ ఆచారం మతాల మధ్య ఉన్న సామరస్యాన్ని స్పష్టంగా చాటి చెబుతుంది.
ముస్లిం శిల్పి: ఈ దేవాలయాన్ని బాప్పా అనే ముస్లిం శిల్పి నిర్మించారని చెబుతారు. అందుకే ఈ ప్రాంతానికి బాప్పనాడు అనే పేరు వచ్చింది. హిందువులతో పాటు, ముస్లింలు కూడా ఈ దేవాలయ పండుగలలో ఉత్సాహంగా పాల్గొంటారు.

View this post on Instagram

A post shared by PRAYANIKUDU (@prayanikuduofficial)

ప్రతేడాది ఏప్రిల్ నెలలో ఇక్కడ వార్షిక రథోత్సవం జరుగుతుంది. ఈ ఉత్సవానికి వేల సంఖ్యలో భక్తులు హాజరై అమ్మవారి పట్ల తమ భక్తిని చాటుకుంటారు.

ఇది కూడా చదవండి : అంటార్కిటికా : 70 శాతం మంచినీరు ఇక్కడే ఉంది…రాత్రి సూరీడు…పగలు చీకటి 

కమలశిలకు ఎలా చేరుకోవాలి?
విమాన మార్గం: కమలశిలకు సమీప విమానాశ్రయం మంగళూరు అంతర్జాతీయ విమానాశ్రయం. అక్కడి నుండి ప్రైవేట్ బస్ లేదా ట్యాక్సీ ద్వారా కమలశిలకు చేరుకోవచ్చు.

రైలు మార్గం: కమలశిలకు సమీప రైల్వే స్టేషన్ కుందాపుర, ఇది ఆలయానికి సుమారు 35 కి.మీ దూరంలో ఉంది. రైలులో వచ్చేవారు కుందాపుర నుండి ప్రైవేట్ వాహనాల ద్వారా కమలశిల చేరుకోవచ్చు.

రోడ్డు మార్గం: కర్ణాటకలోని ప్రధాన నగరాల నుండి కమలశిలకు బస్సు సౌకర్యాలు అందుబాటులో ఉన్నాయి.

 ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.