IRCTC : రైల్వేలో అదిరిపోయే మార్పులు.. క్యూఆర్ కోడ్ స్కాన్ చేస్తే చాలు మీ ఫోన్‌లోకే టికెట్
IRCTC : పండుగలు దగ్గర పడుతుండటంతో రైలు ప్రయాణికుల రద్దీ పెరుగుతుంది. ఈ నేపథ్యంలో రైలు ప్రయాణికులు టికెట్ కోసం క్యూలో నిలబడాల్సిన అవసరం లేకుండా దక్షిణ మధ్య రైల్వే ఒక కొత్త సదుపాయాన్ని ప్రవేశపెట్టింది. యూటీఎస్ మొబైల్ యాప్ ద్వారా సులభంగా టికెట్ కొనుగోలు చేసే అవకాశం కల్పించింది.
క్యూఆర్ కోడ్ స్కాన్ చేసి టికెట్..
ఈ కొత్త విధానంలో స్టేషన్లలో యూటీఎస్ మొబైల్ యాప్‌ను ప్రోత్సహించడానికి నియమించిన సిబ్బంది ధరించే జాకెట్ల వెనుక క్యూఆర్ కోడ్ ముద్రించి ఉంటుంది. ప్రయాణికులు తమ ఫోన్‌లో యూటీఎస్ యాప్ లేదా రైల్ వన్ యాప్ ద్వారా ఆ క్యూఆర్ కోడ్‌ను స్కాన్ చేసి సులభంగా టికెట్ కొనుగోలు చేయవచ్చు. ఈ సిబ్బంది యాప్‌ను ఎలా ఉపయోగించాలి, దాని వల్ల కలిగే ప్రయోజనాల గురించి ప్రయాణికులకు వివరిస్తారు. ఇది ప్రయాణికులకు యాప్ గురించి, ముఖ్యంగా క్యూఆర్ కోడ్ ఆధారిత టికెటింగ్‌ గురించి అవగాహన పెంచుతుంది. దీనివల్ల టికెట్ కౌంటర్ల వద్ద రద్దీ తగ్గి, డిజిటల్ లావాదేవీలకు ప్రోత్సాహం లభిస్తుంది.
ఏయే స్టేషన్లలో ఈ సదుపాయం ఉంది?
దక్షిణ మధ్య రైల్వే పరిధిలోని ఆరు డివిజన్లలోని ప్రధాన స్టేషన్లలో ఈ సదుపాయాన్ని అందుబాటులోకి తెచ్చారు. అవి: సికింద్రాబాద్, కాచిగూడ, విజయవాడ, గుంటూరు, గుంతకల్, తిరుపతి, నాందేడ్ వంటి స్టేషన్లు.
ఇది కూడా చదవండి : మనాలిలో చేయాల్సిన 30 పనులు | 30 Activities in Manali | With Photos
టికెట్ బుకింగ్‌కు కొత్త నిబంధనలు
ఇప్పుడు టికెట్ బుక్ చేసుకోవడానికి ఉన్న దూర నిబంధనలను కూడా సడలించారు. ఇంతకుముందు కేవలం కొన్ని మీటర్ల దూరంలోనే టికెట్ బుక్ చేసుకోవాల్సి వచ్చేది. ఇప్పుడు రైలు ప్రయాణికులు స్టేషన్ పరిసరాల నుంచి 5 మీటర్ల దూరం వరకు ఎక్కడి నుంచైనా టికెట్లు కొనుగోలు చేయవచ్చు. అంటే, ఇంట్లో కూర్చొని కూడా టికెట్ బుక్ చేసుకుని ప్రయాణం చేయవచ్చు.
ఇది కూడా చదవండి : Ramappa Temple : రామప్ప ఆలయం గురించి తెలుగువారిగా తెలుసుకోవాల్సిన విషయాలు
యూటీఎస్ యాప్ వల్ల లాభాలు
యూటీఎస్ యాప్ పలు భాషల్లో అందుబాటులో ఉంది. ఈ యాప్ ద్వారా ప్రయాణికులు అన్‌రిజర్వ్‌డ్ జర్నీ టికెట్లు, ప్లాట్‌ఫామ్ టికెట్లు, సీజన్ టికెట్లు కూడా కొనుగోలు చేయవచ్చు. డిజిటల్ ఇండియా కార్యక్రమానికి అనుగుణంగా ఈ యాప్ ద్వారా నగదు రహిత లావాదేవీలు చేయవచ్చు. పేమెంట్ల కోసం ఆర్-వాలెట్, పేటీఎం, యూపీఐ లేదా ఇంటర్నెట్ బ్యాంకింగ్ వంటి వివిధ డిజిటల్ పద్ధతులను ఉపయోగించవచ్చు. ముఖ్యంగా, ఆర్-వాలెట్ ద్వారా టికెట్లు కొనుగోలు చేస్తే 3% బోనస్ కూడా లభిస్తుంది. ఈ కొత్త సదుపాయం పండుగ సమయాలలో ప్రయాణికుల కష్టాలను తగ్గిస్తుంది. ఇది క్యూలో నిలబడకుండా, ప్రయాణాన్ని మరింత సులభతరం చేస్తుంది.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
