Sri Lanka Solo Trip: 43 ఏళ్ల ఒక మహిళకు గతేడాది ఒక చేదు అనుభవం ఎదురైంది. ఆమె తల్లికి ‘మైలోమా’ అనే అరుదైన, నయంకాని రక్తం క్యాన్సర్ ఉన్నట్లు తెలిసింది. జీవితం చాలా చిన్నదని అప్పుడే ఆమెకు అర్థం అయింది. అప్పటివరకు కేవలం ఇంటికే పరిమితమైన ఆమె, మార్పు కావాలని ఆరాటపడింది. పెళ్లి చేసుకున్న తర్వాత హనీమూన్‌కు వెళ్లాలని అనుకున్నా, అది సరైన ఆలోచన కాదని గ్రహించింది. చిన్నప్పటి నుంచి తండ్రి కఠిన నిబంధనల వల్ల స్నేహితులతో బయటకు వెళ్లేందుకు కూడా భయపడేది. పెద్దయ్యాక కూడా ఒంటరిగా ప్రయాణించాలనే ఆలోచన భయాన్ని కలిగించేది. అయితే, తల్లి జబ్బుపడిన తర్వాత ఆమె మానసికంగా చాలా కుంగిపోయింది. 15 ఏళ్ల క్రితం విడాకులు తీసుకున్న ఆమె, అప్పటి నుంచి ఒంటరిగానే ఉంది. స్నేహితులందరూ పెళ్లి చేసుకుని పిల్లలతో హాయిగా ఉండేవారు. తల్లికి చేదోడు వాదోడుగా ఉంటూ తన కెరీర్‌ను కూడా త్యాగం చేసింది. అప్పటివరకు జీవితం ఒకే దగ్గర ఆగిపోయినట్లు అనిపించింది.
ఇది కూడా చదవండి : అంటార్కిటికా : 70 శాతం మంచినీరు ఇక్కడే ఉంది…రాత్రి సూరీడు…పగలు చీకటి
శ్రీలంక ఎంపిక: ధైర్యంతో కూడిన నిర్ణయం!
ప్రస్తుత సమాజంలో అబ్బాయిలకు స్వేచ్ఛ ఎక్కువ, అమ్మాయిలకు లిమిటేషన్స్ ఉంటాయి. అయితే, ఆమె తన జీవితాన్ని తన చేతుల్లోకి తీసుకోవాలని నిర్ణయించుకుంది. వెంటనే ‘ఇంట్రెపిడ్’ అనే చిన్న గ్రూప్ అడ్వెంచర్ టూర్ ఆపరేటర్‌తో సోలో ట్రిప్ బుక్ చేసుకుంది. ప్రపంచాన్ని చూడాలని, కొత్త స్నేహితులను సంపాదించుకోవాలని ఆమె కోరుకుంది. మొదట బాలి గురించి ఆలోచించినా చివరకు శ్రీలంకను సెలక్ట్ చేసుకుంది. శ్రీలంక సురక్షితంగా, అందంగా, ఆసక్తికరంగా, రుచికరమైన మసాలా ఆహారంతో ఉంటుందని తెలుసుకుంది. రాజధాని కొలంబోలో దిగగానే, ఆమెకు శ్రీలంక తన మరో ఇంటిలా అనిపించింది. సముద్రతీరంలోని తన హోటల్‌కు టాక్సీలో వెళ్లి, ఫ్రెష్ అయిన తర్వాత ‘పిక్‌మీ’ అనే లోకల్ టాక్సీ యాప్‌లో టూక్‌టూక్‌ను బుక్ చేసుకుని మసాజ్‌కు వెళ్లింది. ఆశ్చర్యకరంగా, ఆమెకు ఆ సమయంలో భయం, ఆందోళన లాంటివి ఏమీ కలగలేదు. బదులుగా, ఆమెకు స్వేచ్ఛ లభించినట్లు అనిపించింది. అది ఆమె జీవితంలో ఒక ముఖ్యమైన మలుపు. ఈ ప్రయాణం సాగే కొద్దీ, ఇంట్లో ఎప్పుడూ చేయని పనులు కూడా చేయగలిగింది.
జీవించడం నేర్చుకుంది!
మరుసటి రోజు ఉదయం ఆమె తన గ్రూప్‌ను కలిసింది. పది మంది సభ్యులున్న ఆ గ్రూప్‌లో ఆస్ట్రేలియాకు చెందిన మరో ఇద్దరు నలభైలలో ఉన్న మహిళా సోలో ట్రావెలర్స్ ఉన్నారు. UK, ఆస్ట్రేలియా నుంచి రెండు జంటలు, డెన్మార్క్ నుంచి ఒక కుటుంబం కూడా ఉన్నారు. వారి టూర్ లీడర్ కుమార్. తనకు 30ఏళ్లు ఉంటాయి. స్థానిక వ్యక్తి. ఆమెకు మరో అద్భుతమైన అనుభవం సిగిరియాలోని ‘లయన్’స్ రాక్’ ఎక్కడం. 180 మీటర్ల ఎత్తులో ఉన్న ఈ పురాతన గ్రానైట్ రాతి కోటను చేరుకోవడానికి చాలా శ్రమపడింది. పైన గాలి వీస్తున్నా, దృశ్యాలు అద్భుతంగా ఉన్నాయి. కండీకి దక్షిణంగా ఉన్న కొండ ప్రాంతంలో ‘అంబులువవా టవర్’ దాని అందమైన దృశ్యాలకు, ఆధ్యాత్మిక ప్రాముఖ్యతకు ప్రసిద్ధి చెందింది. ఈ టవర్ పైకి ఎక్కే కొద్దీ మెట్లు సన్నబడ్డాయి. కానీ, అది పూర్తి చేసిన తర్వాత దీన్ని ఒంటరిగా చేయగలను అని ఆమెకు అనిపించింది. కానీ, శ్రీలంకలో ఆమె జీవితం ప్రస్తుత క్షణంలో జీవించడం తనలోనే ఆనందాన్ని కనుగొనడం అని గ్రహించింది.
ఎక్కడికి వెళ్ళినా తనదే అన్న భావన!
శ్రీలంకలో తాను కలిసిన ప్రతి ఒక్కరూ చాలా ఆప్యాయంగా ఉన్నారని ఆమె చెప్పింది. వారు తరచుగా ఆమెను మీది ఈ దేశమేనా అని అడిగేవారు. ఇది ఆమెకు అక్కడ తనదే అన్న భావన కలిగించింది. రుచికరమైన, కారంగా ఉండే, రంగుల ఆహారాన్ని ఆమె ఆస్వాదించింది. శాఖాహారం దొరకడం కష్టమైనా, వారు దాదాపు ఎప్పుడూ ఆమె కోసం ఏదో ఒకటి తయారుచేసేవారు. దేవాలయాలు, మ్యూజియంలు, తేయాకు తోటల నడుమ ఉన్న మినీ ఇంగ్లండ్ వంటి ప్రదేశాలను సందర్శించడం ద్వారా కొత్త స్నేహితులు ఒకరికొకరు దగ్గరయ్యారు. ఒక సుగంధ ద్రవ్యాల తోటలో ఆమె సుగంధ దాల్చినచెక్క టీని రుచి చూసింది. కోకో ఎలా పెరుగుతుందో నేర్చుకుంది. శ్రీలంక జాతీయ ఫలమైన పనసపండును రుచి చూసింది. ఒక తేయాకు తోటలో ఆమె కార్మికులతో కలిసి ఆకులను కోసింది. అక్కడ మహిళలు చెబుతున్నప్పుడు వారు ఎంత కష్టపడతారో ఆమెకు అర్థమైంది.
ఇది కూడా చదవండి: Thailand 2024 : థాయ్‌లాండ్ ఎలా వెళ్లాలి ? ఏం చూడాలి ?
ముందు ఎందుకు వెళ్ళలేదా అని చింతిస్తోంది!
నైరుతి తీరంలో ఆమె డ్రైవింగ్ చేస్తూ ఆకాశంలో గాలిపటాలు ఎగురుతూ ఉండటాన్ని ఆస్వాదించింది. ఇది చిన్నతనంలో తన తల్లి కూడా ఇలాగే చేసేదని గుర్తుచేసింది. శ్రీలంక ప్రసిద్ధ ‘కింగ్ కోకోనట్’ తియ్యని కండను, ఎర్రటి తీపి అరటిపండును రుచి చూడటం ఆమెకు బాగా నచ్చింది. ఈ ప్రయాణానికి ముందు ఒంటరిగా ప్రయాణించడానికి అప్పుడు ఎందుకు భయపడ్డానా అని చింతించింది. తనకు అవసరం లేని భాగస్వామి కోసం వేచి చూసింది. అపరిచితులతో ఒక చిన్న గ్రూప్‌లో ప్రయాణించడం ద్వారా తన గురించి తాను చాలా నేర్చుకుందని, కొత్త స్నేహితులను సంపాదించుకుందని ఆమె చెప్పింది. కండీలో ఆమె డచ్ కుటుంబాన్ని కలిసింది. ఆమె తన కార్డు మర్చిపోయినప్పుడు వారు ఆమెకు కాఫీ, కేక్ కొనిచ్చారు. వారు అప్పటినుంచి ఆమెను తమ ఇంటిలో బస చేయమని ఆహ్వానించారు.
మానసికంగా ఉల్లాసంగా!
కొలంబోలోని ఒక రూఫ్‌టాప్ బార్‌లో స్థానిక మహిళ యశోధరతో కలిసి ఆమె ఒక డ్రింక్ ఆస్వాదించింది. యశోధర ఆమెకు నగరాన్ని చూపించడానికి ముందుకొచ్చింది. అర్ధరాత్రి దాటిన తర్వాత వారు ఒక టూక్‌టూక్ దొరికే ప్రదేశానికి నడవాలని నిర్ణయించుకున్నారు. ఆమె మొదట భయపడింది. కానీ యశోధర ఆ ప్రాంతం చాలా సురక్షితం అని హామీ ఇచ్చింది. ఇది యూకేలొ తను ఎంత భయపడి, ఆందోళన చెందానో, పగటిపూట పరుగెత్తడానికి కూడా భయపడతానో ఆమెకు అర్థమైంది. బయలుదేరే ముందు, శ్రీలంకలో తన సమయానికి కృతజ్ఞతలు చెప్పడానికి, తన తల్లి ఆరోగ్యం కోసం కొలంబోలోని తన ప్రార్థనా స్థలం గురుద్వారాను సందర్శించింది. అక్కడ ఆమెకు ఒక కప్పు మసాలా చాయ్, రస్క్‌లు ఇచ్చారు, అది ఆమెను వెంటనే ఉల్లాసపరిచింది. ఈ ప్రయాణం తన ఆందోళనలను, భయాలను అధిగమించడానికి సహాయపడింది. దీంతో నెక్ట్స్ జపాన్‌లో నెక్ట్స్ టూర్ చేయాలని ప్లాన్ చేసుకుంటోంది.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.