Prisons Department Stall : నాంపల్లి ఎగ్జిబిషన్‌లో ఖైదీలు తయారుచేసిన వస్తువులు…

హైదరాబాద్‌లో జరుగుతున్న 84వ అఖిల భారత్ పారిశ్రామిక ప్రదర్శనలో ( AIIE 2025 ) ఒక ప్రత్యేక స్టాల్‌ తెరుచుకుంది. మై నేషన్ అనే పేరుతో తెలంగాణ రాష్ట్ర జైళ్ల శాఖ ఈ స్టాల్‌ను ( Prisons Department Stall ) ఏర్పాటు చేసింది. కారాగార శిక్ష అనుభవిస్తున్న ఖైదీలు తయారు చేసిన వస్తువులను ఈ స్టాల్‌లో ప్రదర్శిస్తారు.

My Nation Stall In Numaish 2025 : హైదరాబాద్‌ జరుగుతున్న84వ అఖిల భారత పారిశ్రామిక ఎగ్జిబిషన్‌లో తెలంగాణ జైళ్ల శాఖ స్టాల్ ఏర్పాటు చేసింది.

ఈ స్టాల్‌లో తెలంగాణలోని వివిధ జిల్లాల్లోని జైళ్లలో ఖైదీలు తయారు చేసిన వస్తువులను ఇక్కడ అందుబాటులో ఉంచారు.

ఈ స్టాల్‌ను తెలంగాణ జైళ్ల శాఖ డైరక్టర్ జనర్ సౌమ్యా మిశ్రా ( Soumya Mishra ) ప్రారంభించారు. తెలంగాణలోని హైదరాబాద్, నల్గొండ, అదిలాబాద్, నిజామాబాద్, సంగారెడ్డి, చర్లపల్లి, ఖమ్మం, కరీంనగర్, మహబూబ్ నగర్‌ వంటి జిల్లాల్లోని జైళ్లలో ఖైదీలు తయారు వస్తువులను అందుబాటులో ఉంచారు.

తెలంగాణ జైళ్ల శాఖ మై నేషన్ ( My Nation ) అనే పేరుతో ఈ స్టాల్‌లో వివిధ వస్తువులను సామాన్య ప్రజలకు అందుబాటులోకి తెచ్చింది

కారాగార శిక్ష అనుభవిస్తున్న ఖైదీలు ఈ వస్తువులను తయారు చేస్తారు. దీనివల్ల జైలు నుంచి బయటికి వచ్చిన తరువాత వారికి జీవనోపాధికి ఒక మార్గం దొరుకుతుంది అని డైరక్టర్ జనరల్ సౌమ్యా మిశ్రా మీడియాకు తెలిపారు.

సేంద్రీయ ఎరువులతో పండించిన కూరగాయలను కూడా ఈ స్టాల్‌లో అందుబాటులో ఉంచారు. అందుబాటు ధరలోనే వీటిని అమ్ముతున్నట్టు సిబ్బంది తెలిపారు.

ఖైదీలు తయారు చేసిన వస్తువుల గురించి పోలిసు శాఖ సిబ్బంది సామాన్య ప్రజలకు వివరిస్తారు. ప్రాడక్ట్స్ గురించి ప్రజలు అడిగిన ప్రశ్నలకు సమాధానం ఇస్తారు.

మై నేషన్ స్టాల్‌లో అనేక రకాల వస్తువులు అందుబాటులో ఉంచారు. వీటిని సామాస్య ప్రజలు కొనుగోలు చేయవచ్చు. లేదా ఖైదీల తయారు చేసిన ఈ వస్తువులను చూసి వెళ్లవచ్చు.

మై నేషన్ అనే ఈ స్టాల్ 2024 నుమాయిష్‌లో ప్రభుత్వ రంగంలో అత్యుత్తమ ఎగ్జిబిషన్ స్టాల్‌‌గా నిలిచింది. గత ఏడాది ఇక్కడ రూ.20 లక్షలు విలువ చేసే అమ్మకాలు జరిగాయి.

ఇందులో బ్యాగులు, టవల్స్, మ్యాట్స్, దుప్పట్లు, బెడ్ షీట్స్, లుంగీలు, తినుభండారాలు వంటి ఎన్నో వస్తువులు ఉన్నాయి.

ఇంట్లో వాడే సోప్ లిక్విడ్ , హ్యాండ్ వాష్, టాయిలెట్ క్లీనర్, గ్లాస్ క్లీనర్, ఫేస్ వాష్ వంటి వస్తువులను 30 శాతం డిస్కౌంటుకు ఇక్కడ అందుబాటులో ఉంచారు. ఈ మంచి పనిలో ప్రజల సహకారం కోరుతూ వారిని తమ స్టాల్ సందర్శించాల్సిందిగా తెలంగాణ ప్రిజన్ డిపార్ట్‌మెంట్ ఆహ్వానిస్తోంది.

హైదరాబాద్‌ ఎగ్జిబిషన్‌కు వెళ్లే సందర్శకులు ఈ స్టాల్‌ను సందర్శించి వారికి నచ్చిన వస్తువులను తక్కువ ధరకే కొనుగోలు చేయవచ్చు. ప్రిజన్ డిపార్ట్‌మెంట్‌ ఈ స్టాల్ ఏర్పాటు చేయడం వెనక రీజన్ మీకు అర్థం అయ్యి ఉంటే మీరు నుమాయిష్ ( Numaish 2025 ) వెళ్లినప్పుడు ఒకసారి సందర్శించండి. ఒక వేళ మీరు ఇదివరకే ఈ స్టాల్‌ను సందర్శించి ఉంటే కామెంట్ చేయండి.

Trending Video On : Prayanikudu Youtube Channel

Travel Stories and Destintion Guide On Prayanikudu

• వంజంగి ఎలా వెళ్లాలి ? ఎలా సిద్ధం అవ్వాలి ? 10 టిప్స్ !
• Lambasingi : నేషనల్ క్రష్ లంబసింగి ఎలా వెళ్లాలి ? నిజంగా స్నో పడుతుందా ? 5 Tips & Facts
• Palani Temple : పళని సుబ్రహ్మణ్యేశ్వర స్వామి ఆలయం గైడ్ ! 10 Facts
• అంటార్కిటికా : 70 శాతం మంచినీరు ఇక్కడే ఉంది…రాత్రి సూరీడు…పగలు చీకటి 
• Thailand 2024 : థాయ్‌లాండ్ ఎలా వెళ్లాలి ? ఏం చూడాలి ?
• Azerbaijan అజర్ బైజాన్ ఎలా వెళ్లాలి ? ఏం చూడాలి ? 10 టిప్స్!