Alcohol Price : ఆ రాష్ట్రం మందు చాలా చౌక ? కర్ణాటక, మహారాష్ట్రల్లో మాత్రం ఐదు రెట్లు ఎక్కువ.. ఎందుకో తెలుసా?
Alcohol Price : సముద్ర తీరాలు, ఆహ్లాదకరమైన వాతావరణం, విదేశీ పర్యాటకుల సందడితో పాటు మందుబాబులకు (Alcohol Lovers) గోవా (Goa) ఒక స్వర్గధామం. దేశంలోని ఇతర రాష్ట్రాలతో పోలిస్తే గోవాలో మద్యం ధరలు చాలా తక్కువగా ఉంటాయి. దీనికి ప్రధాన కారణం, రాష్ట్ర ప్రభుత్వం మద్యంపై వసూలు చేసే పన్నులు (Taxes) చాలా తక్కువగా ఉండటమే. ఇతర రాష్ట్రాలు ముఖ్యంగా పొరుగున ఉన్న కర్ణాటక (Karnataka) వంటి రాష్ట్రాలు గోవాతో పోలిస్తే ఐదు రెట్లు అధికంగా పన్నులు వసూలు చేస్తున్నాయి. ఈ కారణంగా ధరల్లో భారీ వ్యత్యాసం ఏర్పడింది. అసలు గోవాలో మద్యం ధరలు ఎందుకు తక్కువగా ఉన్నాయి, దీని వెనుక ఉన్న కారణాలు, పన్నుల వివరాలు ఇప్పుడు తెలుసుకుందాం.
గోవాలో మద్యం చవకగా ఉండటానికి కారణం
భారతదేశంలోనే అత్యధికంగా మద్యం వినియోగించే రాష్ట్రాల్లో ఒకటిగా ఉన్న గోవాలో, ధరలు చాలా తక్కువగా ఉంటాయి. ఇతర రాష్ట్రాలతో పోలిస్తే, గోవాలో మద్యం (Alcohol)పై విధించే ఎక్సైజ్ పన్నులు, ఇతర సుంకాలు (Levies) చాలా తక్కువగా ఉండటమే దీనికి ప్రధాన కారణం. ఇంటర్నేషనల్ స్పిరిట్స్ అండ్ వైన్స్ అసోసియేషన్ ఆఫ్ ఇండియా నిర్వహించిన సర్వే ప్రకారం గోవా ఈ విషయంలో అగ్రస్థానంలో ఉంది. సర్వే ప్రకారం మద్యం గరిష్ఠ రిటైల్ ధర (MRP)పై గోవా ప్రభుత్వం కేవలం 49% లెవీస్ వసూలు చేస్తుండగా, కర్ణాటక 83%, మహారాష్ట్ర 71% పన్నులు వసూలు చేస్తున్నాయి.
పక్క రాష్ట్రాలతో భారీ ధరల వ్యత్యాసం
పన్నులలో ఉన్న ఈ విపరీతమైన వ్యత్యాసం కారణంగా ధరల్లో భారీ తేడా కనిపిస్తుంది. ఉదాహరణకు, గోవాలో రూ.100 ఉన్న ఒక మద్యం బాటిల్ ఢిల్లీలో రూ.134 పలుకుతుండగా, పక్కనే ఉన్న కర్ణాటకలో ఏకంగా రూ.513 అవుతోంది. అంటే, గోవాతో పోలిస్తే కర్ణాటకలో ధరలు ఐదు రెట్లు ఎక్కువగా ఉన్నాయి. ప్రీమియం బ్రాండ్ల విషయంలో కూడా ఇదే వ్యత్యాసం ఉంది. బ్లాక్ లేబుల్ స్కాచ్ విస్కీ బాటిల్ ఢిల్లీలో రూ.3,100 ఉంటే, ముంబైలో రూ.4,000 వరకు ఉంటుంది. మద్యంపై ఎక్కువ పన్నులు ఉన్న రాష్ట్రాల ప్రజలు గోవా ప్రజల కంటే ఎక్కువ ధర చెల్లించాల్సి వస్తుంది.
ఇది కూడా చదవండి : Dangerous Countries : 2025 లో వెళ్లకూడని అత్యంత ప్రమాదకరమైన 10 దేశాలు
జీఎస్టీ లేకపోవడం వల్ల స్మగ్లింగ్ సమస్య
మద్యం ధరల్లోని ఈ వ్యత్యాసం కారణంగా అక్రమ రవాణా (స్మగ్లింగ్ లేదా బూట్‌లెగ్గింగ్) సమస్య పెరుగుతోందని నివేదిక పేర్కొంది. గోవాలో చవకగా మద్యం కొనుగోలు చేసి, దానిని ఇతర రాష్ట్రాల్లో అక్రమంగా విక్రయించడం (బూట్‌లెగ్గింగ్) జరుగుతోంది. ఇది చట్టవిరుద్ధమైన నేరం. భారతదేశంలో అన్ని వస్తువులు, సేవలకు ఒకే పన్ను రేటు ఉండేలా వస్తు సేవల పన్ను (GST) వ్యవస్థను ప్రవేశపెట్టారు. అయితే, మద్యం మరియు పెట్రోల్ వంటి వాటిని ఇప్పటికీ జీఎస్టీ పరిధిలోకి తీసుకురాలేదు. దీనివల్లే వివిధ రాష్ట్రాలు తమకు నచ్చిన విధంగా వేర్వేరు పన్నులు విధిస్తున్నాయి.
ఇది కూడా చదవండి : Egypt Travel Guide: ఈజిప్ట్..ఇక్కడ డబ్బు కట్టి సమాధులను చూస్తారు.. 15 Facts
నివేదిక సూచన, పరిశోధన వివరాలు
మద్యం,పెట్రోల్‌ను జీఎస్టీ పరిధిలోకి తీసుకురావాలని ఈ నివేదిక ప్రభుత్వానికి సూచించింది. మద్యం, పెట్రోల్‌ను జీఎస్టీలో చేర్చడం ద్వారా దేశవ్యాప్తంగా పన్ను రేట్లు ఒకేలా మారతాయి. ఇది ధరల్లోని వ్యత్యాసాన్ని తగ్గించి, అక్రమ రవాణాను నియంత్రిస్తుంది. అంతేకాకుండా, పన్నుల ద్వారా ప్రభుత్వానికి మరింత ఆదాయం సులభంగా లభిస్తుంది. ఫెని అనేది గోవాలో జీడిపప్పు లేదా కొబ్బరితో తయారుచేసే ఒక ప్రత్యేకమైన ఆల్కహాల్. గోవా చవకైన మద్యంతో పాటు, స్థానిక, సహజ పదార్థాలతో చిన్న తరహా ఉత్పత్తిదారులు తయారుచేసే క్రాఫ్ట్ స్పిరిట్స్ (Craft Spirits) పరిశ్రమకు కూడా ప్రసిద్ధి చెందింది.
టూర్ ప్లాన్ చేస్తున్నారా ? తక్కువ ధరలో మెరుగైన ప్యాకేజీ కావాలంటే వాట్సాప్‌లో సంప్రదించండి. హైదరాబాద్ నుంచి హిమాలయాల వరకు…కాశ్మీరు నుంచి కన్యాకుమారి వరకు పలు ఆప్షన్స్ అందిస్తాము.
తెలుగు పాఠకుల కోసం గమనిక: ఈ బ్లాగ్ కేవలం కోసం మాత్రమే. ట్రావెల్ ప్యాకేజీలు , వివరాలు భాగస్వామి సంస్థల ద్వారా అందించబడతాయి.
Disclaimer: This article is for informational purposes only. Prayanikudu.com shares verified travel updates and trip ideas collected from trusted sources and travel partners. We do not operate or sell any packages directly, nor are we responsible for bookings, prices, or any changes made by travel operators. All bookings, payments, and communication happen directly between travelers and the respective tour companies or agents. Readers are advised to verify all details before confirming any trip.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
