Ahmedabad Plane Crash : గుజరాత్ అహ్మదాబాద్‌లో జరిగిన విమాన ప్రమాదంలో 11A సీటులో కూర్చున్న రమేశ్ విశ్వకుమార్ అనే 38 ఏళ్ల ప్రయాణికుడు ప్రాణాలతో బయటపడడం సంచలనం సృష్టించింది. ఈ భయంకరమైన ప్రమాదంలో విమానంలోని 242 మంది ప్రయాణికులు, సిబ్బందిలో దాదాపు అందరూ ప్రాణాలు కోల్పోయారు. రమేశ్ ప్రాణాలతో బయటపడడం ఒక అద్భుతమనే చెప్పాలి. అసలు 11A సీటుకున్న ప్రత్యేకత ఏమిటో, ఈ ప్రమాదంలో అది ఎలా రమేశ్‌ను కాపాడిందో వివరంగా తెలుసుకుందాం.
జూన్ 12, 2025న అహ్మదాబాద్ నుండి లండన్‌కు బయలుదేరిన ఎయిర్ ఇండియా బోయింగ్ AI 171 విమానం టేకాఫ్ అయిన కొద్ది నిమిషాలకే కూలిపోయింది. ఈ ఘోర ప్రమాదంలో విమానంలో ఉన్న 242 మంది ప్రయాణికులు, సిబ్బందిలో దాదాపు అందరూ ప్రాణాలు కోల్పోయారు. అయితే, ఈ భయానక ప్రమాదంలో ఒకే ఒక వ్యక్తి, 11A సీటులో కూర్చున్న రమేశ్ విశ్వకుమార్ (38) ప్రాణాలతో బయటపడటం అందరినీ ఆశ్చర్యానికి గురిచేసింది. ప్రస్తుతం అతను ఆసుపత్రిలో చికిత్స పొందుతున్నాడు.
ఎయిర్ ఇండియాకు చెందిన బోయింగ్ 787-8 డ్రీమ్‌లైనర్ విమానం (AI 171) మధ్యాహ్నం 1:39 గంటలకు అహ్మదాబాద్ విమానాశ్రయం రన్‌వే 23 నుండి టేకాఫ్ అయింది. అయితే, టేకాఫ్ అయిన కొద్దిసేపటికే విమానాశ్రయం సమీపంలోని ఒక భవనంపై కూలిపోయింది. ప్రమాద స్థలం నుండి భారీగా నల్లటి పొగ వెలువడింది. ఈ ప్రమాదంలో గుజరాత్ మాజీ ముఖ్యమంత్రి విజయ్ రూపానీ కూడా ఉన్నట్లు అధికారులు తెలిపారు. విమానంలో మొత్తం 169 మంది భారతీయులు, 53 మంది బ్రిటిష్ పౌరులు, 7 మంది పోర్చుగీస్, ఒక కెనడియన్ పౌరుడు ఉన్నట్లు సమాచారం.
ఇది కూడా చదవండి : Azerbaijan అజర్ బైజాన్ ఎలా వెళ్లాలి ? ఏం చూడాలి ? 10 టిప్స్!
11A సీటు ప్రత్యేకత ఏమిటి?
విమాన ప్రమాదం నుంచి 11A సీటులో ఉన్న రమేశ్ విశ్వకుమార్ ప్రాణాలతో బయటపడటంతో, ఆ సీటుకున్న ప్రత్యేకత ఏమిటని నెటిజన్లు పెద్ద ఎత్తున శోధిస్తున్నారు. బోయింగ్ విమానాల్లో, 11A సీటు ఎయిర్ కండిషనింగ్ సిస్టమ్ (PAC – Pack Air Conditioner)కు చాలా దగ్గరగా ఉంటుంది. ఈ కారణం వల్ల, ఈ సీటు వద్ద కిటికీ (Window) ఉండదు.
ఇది కూడా చదవండి: Thailand 2024 : థాయ్‌లాండ్ ఎలా వెళ్లాలి ? ఏం చూడాలి ?
సాధారణంగా ప్రయాణికులు కిటికీ లేని సీట్లను ఎంచుకోవడానికి ఇష్టపడరు. ముఖ్యంగా 10 గంటలకు పైగా ప్రయాణించాల్సిన అంతర్జాతీయ విమానాల్లో ఈ సీట్లను ఎవరూ సెలక్ట్ చేసుకోరు. యూరోప్ దేశాల్లో అయితే ఈ సీటు గురించి చాలా జోకులు కూడా ఉంటాయి. రమేశ్ ఈ సీటు అనూహ్యంగా దక్కింది. అదే అతడి ప్రాణాలను కాపాడింది.
11A సీటు రమేశ్‌ను ఎలా కాపాడింది?
సాధారణంగా విమాన ప్రమాదాల్లో ఎక్కడ కూర్చుంటే బతికే అవకాశాలు ఎక్కువగా ఉంటాయని చెప్పడం కష్టం. అయితే, 11A సీటు కిటికీ లేని భాగంలో ఉండడం, విమానం నిర్మాణం దృష్ట్యా కొంత బలంగా ఉండటం వల్ల రమేశ్ ప్రాణాలతో బయటపడి ఉండవచ్చని నిపుణులు భావిస్తున్నారు. విమానం కూలినప్పుడు, కిటికీలు ఉన్న భాగాలు ఎక్కువగా దెబ్బతినే అవకాశం ఉంటుంది. కిటికీ లేని గోడల భాగాలు కొంతవరకూ పటిష్టంగా ఉండడం వల్ల రమేశ్‌కు స్వల్ప గాయాలతో బయటపడే అవకాశం లభించింది. ప్రమాదం తర్వాత అతను నడుచుకుంటూ బయటకు వచ్చిన దృశ్యాలు వైరల్‌గా మారాయి. ప్రస్తుతం అతను అసర్వాలోని సివిల్ హాస్పిటల్‌లో చికిత్స పొందుతున్నాడు. ఈ ప్రమాదంలో రమేశ్ విశ్వకుమార్ బయటపడటం ఒక అద్భుతం. ఈ సంఘటన విమాన భద్రత, సీటు ఎంపిక వంటి అంశాలపై మళ్లీ చర్చకు దారితీసింది.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.