Airfare : యూఏఈకి వెళ్లే ప్రయాణికులకు షాకింగ్ న్యూస్.. ఆగస్టు 15 తర్వాత విమాన టికెట్ల ధరలు డబుల్

Airfare : ఉపాధి కోసం ఏపీ, తెలంగాణ నుంచి దుబాయ్ కు వెళ్లే వారి సంఖ్య ఎక్కువగా ఉంటుంది. ప్రస్తుతం యూఏఈ వెలుపల ఉండి, ఆగస్టు 15 తర్వాత తిరిగి వెళ్లాలనుకుంటున్నారా? అయితే మీకో బ్యాడ్ న్యూస్. మీరు ఇంకా టికెట్లు బుక్ చేసుకోకపోతే ఇకపై ఎక్కువ డబ్బు చెల్లించక తప్పదు. ట్రావెల్ నిపుణులు చెప్పిన దాని ప్రకారం, ఆగస్టు 15 తర్వాత యూఏఈకి వెళ్లే విమాన టికెట్ల ధరలు భారీగా పెరిగే అవకాశం ఉంది. ముఖ్యంగా, ఆంధ్రప్రదేశ్, తెలంగాణ వంటి రాష్ట్రాల నుంచి వెళ్లే వారికి ఈ పెరుగుదల మరింత భారంగా మారొచ్చని తెలుస్తోంది.

ప్రస్తుతం యూఏఈ వెలుపల ఉన్నవారు ముఖ్యంగా ఆంధ్రప్రదేశ్, తెలంగాణ నుంచి దుబాయ్, అబుదాబి వంటి నగరాలకు వెళ్లాలనుకునేవారు జాగ్రత్తగా ఉండాలి. ఆగస్టు 15 తర్వాత మీరు తిరిగి వెళ్లాలని అనుకుంటే, విమాన టికెట్ల కోసం అదనపు డబ్బు చెల్లించక తప్పదు. ఖలీజ్ టైమ్స్ నివేదిక ప్రకారం, ట్రావెల్ నిపుణులు ఈ విషయాన్ని వెల్లడించారు. కొన్ని దేశాల నుంచి యూఏఈకి వచ్చే విమాన టికెట్ల ధరలు భారీగా పెరుగుతాయని వారు హెచ్చరించారు. ముఖ్యంగా, భారత్, పాకిస్తాన్ మధ్య ప్రాచ్యంలోని ఇతర ప్రాంతాల నుండి వచ్చే వారికి ఈ ధరల పెరుగుదల ఎక్కువగా ఉంటుంది.

ఇది కూడా చదవండి : Peaceful Countries: ప్రపంచంలోని టాప్ 10 శాంతియుత దేశాలు

యూఏఈలో ఆగస్టు 25 నుంచి మళ్లీ పాఠశాలలు మొదలవుతాయి. వేసవి సెలవులకు సొంత దేశాలకు వెళ్లిన కుటుంబాలు, విద్యార్థులు, ఉద్యోగులు ఆగస్టు 15లోపు తిరిగి రావాలని చూస్తున్నారు. ఈ ఒక్కసారిగా పెరిగిన ప్రయాణీకుల రద్దీ వల్ల విమాన టికెట్ల ధరలు అమాంతం పెరిగిపోతున్నాయి. అందుకే చాలామంది ఇప్పుడు ఆగస్టు 15 లోపు టికెట్లు బుక్ చేసుకోవడానికి ప్రయత్నిస్తున్నారు. ఈ రద్దీ వల్ల ఆగస్టు 15 తర్వాత కొన్ని ప్రయాణ మార్గాల్లో ధరలు 100% కంటే ఎక్కువగా పెరుగుతాయని ట్రావెల్ నిపుణులు చెబుతున్నారు.

ఆంధ్రప్రదేశ్, తెలంగాణ రాష్ట్రాల నుంచి దుబాయ్, షార్జా వంటి నగరాలకు ఉద్యోగం కోసం, లేదా వేసవి సెలవుల్లో కుటుంబంతో కలిసి గడిపి వచ్చిన వారు చాలా ఎక్కువ మంది ఉంటారు. హైదరాబాద్‌లోని రాజీవ్ గాంధీ అంతర్జాతీయ విమానాశ్రయం నుంచి యూఏఈకి నిత్యం అనేక విమానాలు నడుస్తాయి. ఈ విమానాలలో ప్రయాణించే తెలుగు ప్రయాణికులకు ఈ ధరల పెరుగుదల చాలా భారం కాబోతోంది. ప్రస్తుతం హైదరాబాద్ నుండి దుబాయ్ కి వెళ్లే విమాన టికెట్ సగటు ధర రూ.18,000 నుండి రూ.25,000 వరకు ఉండవచ్చు. కానీ, ఆగస్టు 15 తర్వాత ఈ ధర రూ.40,000 నుండి రూ.50,000 వరకు లేదా అంతకంటే ఎక్కువగా కూడా పెరిగే అవకాశం ఉంది. సీట్ల లభ్యతను బట్టి ఈ ధర మరింత పెరగవచ్చు.

ఇది కూడా చదవండి : Dangerous Countries : 2025 లో వెళ్లకూడని అత్యంత ప్రమాదకరమైన 10 దేశాలు

ఖర్చులు తగ్గించుకోవడానికి కొన్ని చిట్కాలు
విమాన టికెట్ల ధరల పెరుగుదలను నివారించడానికి ట్రావెల్ నిపుణులు కొన్ని సూచనలు ఇస్తున్నారు.

• ఆగస్టు 15 కన్నా ముందే ప్రయాణం ప్లాన్ చేసుకోవడం: దీనివల్ల డబ్బు ఆదా అవుతుంది, ప్రయాణ ఒత్తిడి కూడా తగ్గుతుంది.
• ఫ్లెక్సిబుల్ ప్రయాణ తేదీలను ఎంచుకోవడం: కొన్నిసార్లు ఒక రోజు ముందు లేదా వెనక ప్రయాణిస్తే తక్కువ ధరలకు టికెట్లు దొరకొచ్చు.
• ముందుగానే బుక్ చేసుకోవడం: చివరి నిమిషంలో బుక్ చేసుకుంటే ధరలు చాలా ఎక్కువగా ఉంటాయి. వీలైనంత త్వరగా టికెట్లు బుక్ చేసుకోవడం మంచిది.
  కాబట్టి, మీరు దుబాయ్ లో ఉండడానికి మీ స్టేని పొడిగించాలని ఆలోచిస్తుంటే, ఆగస్టు 15 లోపు తిరిగి వచ్చేలా ప్లాన్ చేసుకోవడం మంచిది. లేదంటే టికెట్ల ధరలు మీ బడ్జెట్‌ను మించిపోవచ్చు.

 ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.