చైనాకు చెందిన డ్రాగన్ పాస్‌తో అదానీ ఎయిర్‌పోర్టు (Adani Airports) భాగస్వామ్యాన్ని రద్దు చేసుకుంది. డ్రాగన్ పాస్ అనేది అంతర్జాతీయంగా వివిధ ఎయిర్‌పోర్టుల్లో లాంజ్ (Airport Lounge) సదుపాయం కల్పిస్తుంది. అయితే ఈ సంస్థతో భాగస్వామ్యంలోకి ప్రవేశించి వారంలోపే పార్ట‌నర్‌షిప్ రద్దు చేసినట్టు తెలిపింది అదానీ.
ఈ ప్రభావంతో దేశ వ్యాప్తంగా అదానీ నిర్వహించే ఎయిర్‌పోర్టు సేవలపై, ప్రయాణికులపై కాస్త ప్రభావం పడే అవకాశం ఉంది.
ముఖ్యాంశాలు
- ఇది కూడా చదవండి : అంటార్కిటికా : 70 శాతం మంచినీరు ఇక్కడే ఉంది…రాత్రి సూరీడు…పగలు చీకటి
హఠాత్తుగా ఎందుకంటే ? | Adani Airports
దేశ వ్యాప్తంగా అదానీ సంస్థ కొన్ని ఎయిర్‌పోర్టులను (Adani Airport Holdings) నిర్వహిస్తుంది. ఇందులో ముంబై, అహ్మదాబాద్, లఖ్‌నవూ వంటి ఎయిర్‌పోర్టులు ఉన్నాయి. డ్రాగన్ పాస్ ఉన్న వినియోగదారులు ఇకపై ఈ ఎయిర్‌పోర్టులతో పాటు అదానీ నిర్వహించే ఏ ఎయిర్‌పోర్టుల్లోనూ ఈ పాస్‌ను వినియోగించి లాంజ్ సర్వీసులను వాడుకోలేరు.
కేవలం డ్రాగన్ పాస్ ఉన్న వారిని మాత్రమే ఈ నిర్ణయం ప్రభావితం చేస్తుందని ఇతర ప్రోగ్రామ్స్ లేదా సభ్యత్వం ఉన్న వారిపై దీని ప్రభావం ఉండదని తెలిపింది సంస్థ.
ప్రయాణికులపై ప్రభావం
ఈ భాగస్వామ్యం వల్ల డ్రాగన్ పాస్ (Dragan Pass) ఉన్న ప్రయాణికులు అదాని ఎయిర్‌పోర్టుల్లోని లాంజ్‌లో విశ్రాంతి తీసుకునే అవకాశం లభిస్తుంది అని చాలా మంది భావించారు. పార్ట్‌నర్‌షిప్ రద్దు అవడంతో ఈ పాస్ ఉన్న ప్రయాణికులు ప్రత్యామ్నాయ యాక్సెస్ ఆప్షన్స్‌ను ఎంచుకోవాల్సి ఉంటుంది. డ్రాగన్ పాస్ లేనివారికి అసలు ఎలాంటి ఇబ్బంది ఉండదు.
డ్రాగన్ పాస్ గురించి | About DragonPass
డ్రాగన్ పాస్ అనేది చైనాకు (china) చెందిన అంతర్జాతీయ సంస్థ. 2005 లో ఏర్పాటైన ఈ సంస్థ వివిధ ఎయిర్‌పోర్టుల్లో లాంజ్ సర్వీస్‌తో పాటు ఇతర ట్రావెల్ సేవలు అందిస్తుంది.
📣 ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.