Travel Tips 24 : ఫైట్ లేటయినా, క్యాన్సిల్ అయినా ఎలా ఎదుర్కోవాలి? ఫ్లైట్ జర్నీలో ఈ జాగ్రత్తలు తప్పనిసరి
Travel Tips 24 : విమాన ప్రయాణంలో విమానాలు లేటవ్వడం, క్యాన్సిల్ అవ్వడం చాలా కామన్. ఇవి ప్రయాణికులకు ఇబ్బంది కలిగించినా, కొన్ని జాగ్రత్తలు పాటిస్తే వాటిని సులభంగా ఎదుర్కోవచ్చు.
ఎందుకు జరుగుతాయి?
విమాన ఆలస్యాలు ఎక్కువగా వాతావరణం బాగోలేకపోవడం, విమానంలో ఏదైనా సాంకేతిక సమస్య రావడం, సిబ్బంది అందుబాటులో లేకపోవడం లేదా విమానాశ్రయంలో రద్దీ ఎక్కువగా ఉండటం వంటి కారణాల వల్ల జరుగుతాయి. ఇవి మన చేతుల్లో ఉండవు కాబట్టి, మనం సిద్ధంగా ఉండాలి.
ఇలా సిద్ధంగా ఉండండి
సమాచారం తెలుసుకోండి: మీరు ప్రయాణించబోయే విమానయాన సంస్థ యాప్‌ను మీ ఫోన్‌లో పెట్టుకోండి. దానిలో ఫ్లైట్ అలర్ట్‌లు వచ్చేలా చూసుకోండి. దీనివల్ల మీ విమానం ఆలస్యమవుతుందా లేదా రద్దవుతుందా అనే విషయం మీకు వెంటనే తెలుస్తుంది.
మీ హక్కులు తెలుసుకోండి: విమానం ఆలస్యమైనా లేదా రద్దయినా, ప్రయాణికులకు కొన్ని హక్కులు ఉంటాయి. ఉదాహరణకు, ఎయిర్‌లైన్స్ మీకు ఆహారం లేదా హోటల్ వసతి కల్పించాలి. ఈ నిబంధనలు దేశాన్ని బట్టి మారతాయి.
వెంటనే సంప్రదించండి: విమానం ఆలస్యమైనప్పుడు కౌంటర్ దగ్గర నిలబడి క్యూలో వేచి ఉండకుండా, మీ ఎయిర్‌లైన్ కస్టమర్ సర్వీస్‌కు ఫోన్ చేయండి. లేదా వారి యాప్ ద్వారా మీ ప్రయాణాన్ని తిరిగి షెడ్యూల్ చేయమని లేదా డబ్బు వాపసు అడగమని కోరవచ్చు.
ఇది కూడా చదవండి : Indian License : భారతీయ లైసెన్స్ ఈ 15 దేశాల్లో కూడా చెల్లుతుంది
ప్రత్యామ్నాయ మార్గాలు చూడండి: మీ ఫ్లైట్ రద్దైతే, ఇతర విమానాలు లేదా మీకు దగ్గరలో ఉన్న వేరే ఎయిర్ పోర్టు నుండి ప్రయాణించే అవకాశం ఉందేమో చూడండి. ఆన్‌లైన్‌లో మీ టిక్కెట్‌ను మార్చుకోవడం కూడా సులభం.
వౌచర్‌లు అడగండి: ఫ్లైట్ ఎక్కువ సమయం ఆలస్యమైతే, మీరు ఎయిర్‌లైన్ సిబ్బందిని భోజన వౌచర్‌లు, హోటల్ వసతి లేదా లాంజ్‌లో వెయిట్ చేయడానికి యాక్సెస్ ఇవ్వమని అడగవచ్చు. వారు సాధారణంగా అడిగితే ఇస్తారు.
ముఖ్యమైనవి వెంట ఉంచుకోండి: మీతో చిన్న బ్యాగులో స్నాక్స్, నీళ్లు, మందులు, ఫోన్ ఛార్జర్, ఒక జత దుస్తులు పెట్టుకోండి. ఒకవేళ మీ లగేజ్ ఆలస్యమైతే ఇవి మీకు ఉపయోగపడతాయి.
ఇది కూడా చదవండి : UAE: యూఏఈలో తప్పకుండా చూాడాల్సిన 10 ప్రదేశాలు
శాంతంగా ఉండండి: జాప్యాలు మనకు చిరాకు తెప్పించినా, కోపంతో ఏమీ జరగదు. ఆ సమయాన్ని పుస్తకం చదవడానికి లేదా మీ తదుపరి ప్రయాణానికి ప్లాన్ చేసుకోవడానికి ఉపయోగించుకోండి.
ట్రావెల్ ఇన్సూరెన్స్ ఉపయోగపడుతుంది: మంచి ట్రావెల్ ఇన్సూరెన్స్ తీసుకుంటే, ఫ్లైట్ ఆలస్యమైనా, కనెక్షన్ మిస్ అయినా లేదా రద్దయినా మీకు డబ్బులు తిరిగి వచ్చే అవకాశం ఉంటుంది. మీరు ఖర్చు చేసిన బిల్లులను జాగ్రత్తగా ఉంచుకోవాలి.
ఈ చిన్నచిన్న చిట్కాలు పాటిస్తే, మీ విమాన ప్రయాణం మరింత ప్రశాంతంగా, సురక్షితంగా ఉంటుంది.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
