Jog Falls Trip : జోగ్ జలపాతం ఎలా వెళ్లాలి ? ఏం చేయాలి ? ప్రయాణికుడిలా ప్లాన్ చేసేందుకు 10 Tips

భారతదేశంలో ఉన్న అత్యంత ఎత్తైన జలపాతాలలో జోగ్ జలపాతం ( Jog Falls Trip ) ఒకటి. మన దేశంలో ఉన్న రెండవ అతిపెద్ద జలపాతం ఇది. చూడటానికి చాలా అందంగా, ప్రకృతి సోయగాలతో పర్యాటకులను అలరిస్తుంది. కర్ణాటకలోని పశ్చిమ కనుమల్లో ( Western Ghats  ) ఉన్న జోగ్ జలపాతం చూడటానికి చాలా దూరం నుంచి ప్రకృతి ప్రేమికులు తరలి వస్తుంటారు. ఈ స్టోరీలో మీకు జోగ్ జలపాతం ఎలా వెళ్లాలి ? ఎప్పుడు వెళ్లాలో ఇలాంటి ప్రశ్పలకు సమాధానం లభిస్తుంది.

• Shillong : అందగత్తెల రాజధాని ఫిల్లాంగ్ 

1.Where is Jog Falls Located : జోగ్ జలపాతం ( Jog Falls Location ) అనేది కర్ణాటకలోని సాగర అనే పట్టణంలో ఉంది. 253 మీటర్ల ఎత్తునుంచి జాలువారే ఈ జలపాతం ప్రకృతి రమణీయతకు కేరాఫ్ అడ్రెస్‌గా నిలుస్తుంది. ఇక్కడి శరావతి నది ( Sharavathi ) వల్ల ఈ జలపాతం ఏర్పడుతుంది. వర్షాకాలంలో అంత ఎత్తు నుంచి నీరు జాలువారే జలపాతాన్ని చూస్తే మరో ప్రపంచంలో ఉన్నామా అనిపిస్తుంది.

2. Hyderabad To Jog Falls Distance : హైదరాబాద్ నుంచి జోగ్ జలపాతం సుమారు 690 కిమీ (404 మైల్స్ ) దూరంలో ఉంటుంది. అంటే సుమారు హైదరాబాద్ నుంచి వైజాగ్ ఎంత దూరం ఉంటుందో అంతే దూరం ఉంటుంది అన్నామాట. సో ఇది లాంగ్ వీకేండ్ కోసం పర్ఫెక్ట్ డెస్టినేషన్ అని చెప్పవచ్చు.

3. Best time to visit jog falls : జోగ్ జలపాతం వెళ్లేందుకు వర్షాకాలం చాలా అనువైన సమయం. ఎందుకంటే తాజా వర్షాల వల్ల జలపాతం నిండుగా జారిపడుతుంది. చూడటానికి చాలా అందంగా ఉంటుంది ఆ సీన్. అయితే ఫిబ్రవరి నుంచి మే మధ్యలో వాతావరణం చాలా ఆహ్లాదకరంగా ఉంటుంది. మీరు చుట్టు పక్కల ప్రాంతాలను కూడా అన్వేషించవచ్చు ( Anveshana ).

4. Hyderabad to Jog Falls On Road : హైదరాబాద్ నుంచి జోగ్ జలపాతం రోడ్డు మార్గాన వెళ్తే సుమారు 12 నుంచి 14 గంటల సమయం పడుతుంది. రోడ్డు పరిస్థితి, ట్రాఫిక్ ను బట్టి ఈ సమయం మారే అవకాశం ఉంటుంది. చాలా మంది ఎన్‌హెచ్ 65, ఎన్‌హెచ్69 మార్గంలో జోగ్ ఫాల్స్ చేరుకుంటారు. ఎందుకంటే దారి మధ్యలో ఎన్నో అందమైన గ్రామాలు, సీన్స్ కనిపిస్తాయి.

5. Trains To Jog Falls : మీరు ట్రైన్‌లో జోగ్ జలపాతానికి చేరుకోవాలి అనుకుంటే జోగ్ ఫాల్స్‌కు చేరువలో ఉన్న తల్గుప్పా (Talguppa ) అనే ప్రాంతానికి చేరుకోవాల్సి ఉంటుంది. హైదరాబాద్ నుంచి ఇక్కడికి ట్రైన్లు ఉన్నాయి. ఈ రైలు ప్రయాణానికి సుమారు 12 గంటల సమయం పడుతుంది. తల్గుప్పా చేరుకుని అక్కడి నుంచి మీరు ట్యాక్సీలో లేదా బస్సులో 30 కిమీ దూరంలో ఉన్న జోగ్ ఫాల్స్ చేరుకోవచ్చు

6. Flight To Jog Falls: మీరు హైదరాబాద్ నుంచి హుబ్లికి ఫ్లైట్‌లో ( Hyderabad to Hubli Flight ) వెళ్లవచ్చు. ఇదే జోగ్ ఫాల్స‌కు అతిచేరువలో ఉన్న ఎయిర్‌పోర్టు. సుమారు 90 కిమీ దూరంలో ఉంటుంది. హుబ్లీ నుంచి కారు, ట్యాక్సీ లేదా బస్సులో జోగ్ ఫాల్స్ చేరుకోవచ్చు.

7. Transportation in Jog Falls : మీరు జోగ్ జలపాతం చేరుకున్నాక అద్దెకు ఆటోలు, ఇతర వాహనాలు లభిస్తాయి.ఈ ప్రాంతం చిన్నగా ఉంటుంది కాబట్టి మీరు తక్కువ టైమ్‌లోనే ఎక్కువ ప్రాంతాలు చుట్టేయొచ్చు.ఇక్కడి అందమైన ల్యాండ్‌స్కేప్స్, వ్యూ పాయింట్స్ కవర్ చేయవచ్చు.

8. Place To Visit In Jog Falls : జోగ్ జలపాతం వెళ్తే తప్పకుండా కవర్ చేయాల్సిన ప్రాంతాలో లింగనమక్కి డ్యామ్ ( Linganamakki Dam ) శరావతి లోయ వన్య ప్రాణి సంరక్షణ కేంద్రం ( Sharavathi Valley Wildlife Sanctuary ) సందర్శించవచ్చు. ,దీంతో పాటు సాగర పట్టణాన్ని అక్కడి సంప్రదాయం, చరిత్ర, ఆచారాల గురించి తెలుసుకోవచ్చు.

9. Tips for Traveler to Jog Falls : మీతో పాటు మంచినీటి బాటిల్, చిరుతిళ్లు తీసుకెళ్లండి. ముఖ్యంగా హైకింగ్ చేస్తే వీటిని అస్సలు మర్చిపోకండి. ఇక్కడి ఎగుడుదిగుడు దారుల్లో నడిచేందుకు మంచి షూస్, సౌకర్యంగా ఉండే దుస్తువులు ధరించండి. స్థానికులను , వారి ఆచారాలు, ఆలోచనలను గౌరవించండి. ఈ పోస్టు అక్కడి వారికి చూపించండి ( haha ).

10. జోగ్ జలపాతానికి వెళ్లడం అనేది కేవలం అక్కడి నీరు ఎలా కిందికి జారిపడుతుందో చూడటానికి మాత్రమే కాదు. నీరు గ్రావిటీ వల్లే కింద పడుతుంది అని మనకు తెలుసు. ఇందుకు మాత్రమే మనం ఇక్కడికి రాకూడదు. మనం అంతకు మించి కర్ణాటక కల్చర్, స్థానికంగా ఉండే ప్రజల జీవన విధానం, లోకల్‌గా ఉండే అందాలు చూసి మోటివేట్ అవ్వడానికి, సిమెంటు సిటీల నుంచి దూరంగా ఉండటానికి ఇక్కడికి రావాలి.

మీరు గతంలో ఎప్పుడైనా జోగ్ జలపాతం వెళ్లి ఉంటే కామెంట్ చేయండి. ఏమైనా సలహాలు ఉంటే సూచించండి

హైదరాబాద్ నుంచి జోగ్ ఎలా రావాలి | How To Reach Jog Falls From Hyderabad

• By Road : హైదరాబాద్ నుంచి జోగ్ జలపాతానికి మీరు NH 69 లేదా NH 65 లో మార్గంలో చేరుకోవచ్చు. ప్రయాణానికి సుమారు 12-14 గంటల సమయం పడుతుంది. అయితే మీరు ఇంటి నుంచి బయల్దేరే ముందు బండి కండిషన్‌తో పాటు జోగ్ జలపాతం గురించి ఎకసారి గూగుల్‌లో సెర్చ్ చేయండి. ట్రాఫిక్, లోకల్ ఫెస్టివల్స్, ఈవెంట్స్ లేదా భారీ వర్షాలు ఇలా ఏమైనా మీ ప్రయాణాన్ని ప్రభావితం చేసే అంశాలు ఉన్నాయేమో చెక్ చేయండి

• By Train : మీరు హైదరాబాద్‌ నుంచి రైళులో జోగ్‌కు సమీపంలో (30 కిమీ ) దూరంలో ఉన్న తల్గుప్పా ప్రాంతానికి చేరుకోవచ్చు.

• By Air : విమానంలో కర్ణాటకలోని హుబ్లికి చేరుకోండి. అక్కడి నుంచి 90 కిమీ దూరంలో ఉంటుంది జోగ్ జలపాతం

మీరు ఎలా వచ్చినా జోగ్ దగ్గరికి రాగానే ప్రయాణ అలసట మొత్తం దూరం అవుతుంది. వచ్చే ముందు కొంచెం రీసెర్చ్ చేస్తే బాగుంటుంది. ఎందుకంటే బాటనీ చదవితే పూల అందం మరింత బాగా అర్థం అవుతుంది. ఇక వచ్చే ముందే టికెట్లు, రూమ్స్ అన్నీ బుక్ చేసుకోండి. కొంచెం క్యాష్ క్యారీ చేయండి. ఇవన్నీ మీకు తెలిసే ఉంటుంది. కానీ చెబితే కాస్త స్టోరీ లెన్త్ పెరుగుతుంది అని రాశాను. జోగ్ జలపాతం గురించి పర్యాటక సాహిత్యం, సమాచారం దట్టించి రాసిన ఒక పోస్టు లింక్ మీ కోసం అందిస్తున్నాను. దయచేసి చదవండి.

• Jog Falls Guide in Telugu : జోగ్ జలపాతం ఎలా చేరుకోవాలి ? చుట్టుపక్కన చూడాల్సిన ప్రదేశాలు చరిత్ర…

Video : పండి పురం ఆలయ విశేషాలు

Trending Video On : Prayanikudu Youtube Channel

Most Popular Stories

• వంజంగి ఎలా వెళ్లాలి ? ఎలా సిద్ధం అవ్వాలి ? 10 టిప్స్ !
• Lambasingi : నేషనల్ క్రష్ లంబసింగి ఎలా వెళ్లాలి ? నిజంగా స్నో పడుతుందా ? 5 Tips & Facts
• Palani Temple : పళని సుబ్రహ్మణ్యేశ్వర స్వామి ఆలయం గైడ్ ! 10 Facts
• అంటార్కిటికా : 70 శాతం మంచినీరు ఇక్కడే ఉంది…రాత్రి సూరీడు…పగలు చీకటి 
• Thailand 2024 : థాయ్‌లాండ్ ఎలా వెళ్లాలి ? ఏం చూడాలి ?
• Azerbaijan అజర్ బైజాన్ ఎలా వెళ్లాలి ? ఏం చూడాలి ? 10 టిప్స్!

Photo(s) Credit : Unsplash