IRCTC : హైదరాబాద్ నుండి కర్ణాటక కోస్తా తీరానికి ఆరు రోజుల ఆధ్యాత్మిక యాత్ర..ఐఆర్‌సీటీసీ టూర్ ప్యాకేజ్ వివరాలివే
IRCTC : ఆధ్యాత్మిక ప్రదేశాలను సందర్శించాలనుకునేవారికి ఐఆర్‌సీటీసీ టూరిజం ఒక స్పెషల్ టూర్ ప్యాకేజ్‌ను అందుబాటులోకి తెచ్చింది. హైదరాబాద్ నుంచి కర్ణాటక కోస్తా తీరంలో ఉన్న మురుడేశ్వర్, ఉడిపి, శృంగేరి వంటి పవిత్ర పుణ్యక్షేత్రాలను సందర్శించడానికి ఈ ప్యాకేజ్ ఎంతో అనుకూలంగా ఉంటుంది. ఈ ట్రిప్ మొత్తం ఆరు రోజులు కొనసాగుతుంది. ప్రస్తుతం ఈ ప్యాకేజ్ ఆగస్టు 19, 2025న అందుబాటులో ఉంది. ఈ తేదీని మిస్ అయితే, ఇతర తేదీలలో ప్లాన్ చేసుకోవచ్చు. ఐఆర్‌సీటీసీ టూరిజం వెబ్‌సైట్‌లో కోస్టల్ కర్ణాటక అనే పేరుతో ఈ ప్యాకేజ్ అందుబాటులో ఉంది.
మొదటి రోజు: రైలు నంబర్ 12789 కచెగూడ స్టేషన్ నుండి ఉదయం 06:05 గంటలకు బయలుదేరుతుంది. ప్రయాణం రాత్రి అంతా కొనసాగుతుంది.
రెండవ రోజు: ఉదయం 09:30 గంటలకు మంగళూరు సెంట్రల్ స్టేషన్‌కు చేరుకుంటారు. అక్కడి నుండి ఉడిపికి వెళ్తారు. ఉడిపిలోని శ్రీ కృష్ణ ఆలయం, సమీపంలోని మాల్పే బీచ్‌ను సందర్శిస్తారు. రాత్రి ఉడిపిలో బస చేస్తారు.
మూడవ రోజు: ఉదయం కొల్లూరుకు వెళ్తారు. అక్కడ ఉన్న మూకాంబిక ఆలయాన్ని సందర్శిస్తారు. ఆ తర్వాత, మురుడేశ్వర్‌కు వెళ్తారు. సాయంత్రం గోకర్ణకు బయలుదేరి, అక్కడి బీచ్‌లను చూస్తారు. రాత్రికి ఉడిపికి తిరిగి వస్తారు.
నాలుగవ రోజు: ఉదయం హొరనాడుకు చేరుకుంటారు. అన్నపూర్ణేశ్వరి ఆలయాన్ని దర్శించుకుంటారు. ఆ తర్వాత శృంగేరికి వెళ్లి, శారదాంబ ఆలయాన్ని సందర్శిస్తారు. సాయంత్రం మంగళూరుకు తిరిగి వస్తారు. రాత్రి మంగళూరులో బస చేస్తారు.
ఇది కూడా చదవండి : Azerbaijan అజర్ బైజాన్ ఎలా వెళ్లాలి ? ఏం చూడాలి ? 10 టిప్స్!
ఐదవ రోజు: మంగళూరులోని మంగళాదేవి ఆలయాన్ని దర్శించుకుంటారు. ఆ తర్వాత ఖద్రి మంజునాథ ఆలయానికి వెళ్తారు. సాయంత్రం తనీర్ భావి బీచ్, గోకర్ణనాథ ఆలయాన్ని సందర్శిస్తారు. రాత్రి 07:00 గంటలకు మంగళూరు రైల్వే స్టేషన్‌కు చేరుకుంటారు. రాత్రి 08:05 గంటలకు హైదరాబాద్‌కు తిరుగు ప్రయాణం మొదలవుతుంది.
ఆరవ రోజు: మరుసటి రోజు రాత్రి 11:40 గంటలకు కచెగూడ స్టేషన్‌కు చేరుకోవడంతో ఈ టూర్ ప్యాకేజ్ ముగుస్తుంది.
టూర్ ప్యాకేజ్ ధరలు
ఈ టూర్ ప్యాకేజ్ ధరలు క్లాస్, పంచుకునేవారి సంఖ్య ఆధారంగా ఉంటాయి.
కంఫర్ట్ క్లాస్ 3ఏ లో:
సింగిల్ షేరింగ్: రూ. 39,140
డబుల్ షేరింగ్: రూ. 22,710
ట్రిపుల్ షేరింగ్: రూ. 18,180
ఇది కూడా చదవండి : Bizarre Christmas : ప్రపంచంలోని 10 వింత క్రిస్మస్ ఆచారాలు, ప్రదేశాలు
స్టాండర్డ్ క్లాస్ లో:
సింగిల్ షేరింగ్: రూ. 36,120
డబుల్ షేరింగ్: రూ. 19,690
ట్రిపుల్ షేరింగ్: రూ. 15,150
5 నుండి 11 సంవత్సరాల వయస్సు పిల్లలకు ప్రత్యేక ధరలు అందుబాటులో ఉన్నాయి. ఈ ప్యాకేజీల గురించి మరింత సమాచారం కోసం ఐఆర్‌సీటీసీ అధికారిక వెబ్‌సైట్ https://www.irctctourism.com/ సందర్శించవచ్చు.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
