RailOne : ఇక రైలు టికెట్ల కోసం పది యాప్‌లు అక్కర్లేదు… సింగిల్ యాప్‌లో సూపర్ సేవలు.. రైల్ వన్ వచ్చేసింది
RailOne : రైలు టికెట్లు బుక్ చేయడానికి ఒక యాప్… ప్లాట్‌ఫారమ్ టికెట్ల కోసం మరో యాప్… ప్రయాణంలో ఆహారం బుక్ చేసుకోవడానికి ఇంకో యాప్… రైలు ఎక్కడ ఉందో చూడటానికి, ప్రయాణంలో సహాయం కోసం… గత కొంతకాలంగా, ప్రజలు తమ ప్రతి అవసరానికి వేర్వేరు యాప్‌లను ఉపయోగిస్తున్నారు. అన్నింటినీ ఒకే చోట ఉంటే బాగుండు అని మీరు అనుకునే ఉంటారు. భారతీయ రైల్వే మీ ఆలోచనకు తగ్గట్టుగానే ఒక కొత్త యాప్‌ను తీసుకొచ్చింది. అదే ‘రైల్ వన్’ సూపర్ యాప్. దీని ఫీచర్లు, ఎలా ఉపయోగించాలి అనే పూర్తి వివరాలు ఈ వార్తలో తెలుసుకుందాం.
రైల్ వన్ యాప్‌ను డౌన్‌లోడ్ చేసుకోండి!
ముందుగా, ప్లే స్టోర్ లేదా యాప్ స్టోర్ నుండి రైల్ వన్ యాప్‌ను డౌన్‌లోడ్ చేసుకోండి. యాప్‌ను మొదటిసారి ఓపెన్ చేసినప్పుడు అడిగే వివరాలను అందించి, యూజర్ రిజిస్ట్రేషన్ పూర్తి చేయండి. ఒకసారి రిజిస్ట్రేషన్ పూర్తయితే, మీరు ఈ యాప్ ద్వారా రిజర్వ్డ్, అన్‌రిజర్వ్డ్, ప్లాట్‌ఫారమ్ టిక్కెట్లు కూడా బుక్ చేసుకోవచ్చు.
టికెట్ బుకింగ్ సూపర్ ఈజీ!
రిజర్వేషన్ ఆప్షన్ : రిజర్వేషన్ ఆప్షన్‌లో, మీరు ఐఆర్‌సిటిసి యాప్‌లో మాదిరిగానే అన్ని క్లాసుల టిక్కెట్లను బుక్ చేసుకోవచ్చు. మీకు కావలసిన రైలు, తేదీ, తరగతిని ఎంచుకొని సులభంగా టికెట్ పొందవచ్చు.
అన్‌రిజర్వ్డ్ ఆప్షన్ : అన్‌రిజర్వ్డ్ ఆప్షన్‌లో, మీరు సాధారణ టిక్కెట్లను, సీజనల్ పాస్‌లను కొనుగోలు చేయవచ్చు. ఇది రోజువారీ ప్రయాణీకులకు చాలా ఉపయోగపడుతుంది.
ప్లాట్‌ఫారమ్ టికెట్ : ఇదివరకు యుటిఎస్ యాప్‌లో, మీరు స్టేషన్ నుండి నిర్దిష్ట దూరంలో ఉన్నప్పుడు మాత్రమే ప్లాట్‌ఫారమ్ టికెట్ బుక్ చేసుకోగలిగేవారు. కానీ ఈ కొత్త యాప్‌లో అలాంటి దూర పరిమితి ఏమీ లేదు. ఎక్కడి నుండైనా ప్లాట్‌ఫారమ్ టికెట్ బుక్ చేసుకోవచ్చు.
రైలు సమాచారం, బుకింగ్: ఐఆర్‌సిటిసి యాప్‌లో రైలు సమాచారం, బుకింగ్ ఒకే చోట ఉండేవి. ఈ యాప్‌లో మీకు కావలసిన మార్గంలో రైళ్లను సులభంగా వెతకడానికి వీలు కల్పించారు.
రైలు ట్రాకింగ్ , ఆహార ఆర్డర్!
లైవ్ ట్రైన్ ట్రాకింగ్ : థర్డ్ పార్టీ యాప్‌లు అవసరం లేకుండానే, మీరు రైళ్ల లైవ్ ట్రాకింగ్‌ను తనిఖీ చేయవచ్చు. రైలు ఎంత దూరం ప్రయాణించిందో, తదుపరి స్టేషన్ ఏది, ఏ స్టేషన్‌కు ఎప్పుడు చేరుకుంటుందో వంటి వివరాలను సులభంగా తెలుసుకోవచ్చు.
ఇది కూడా చదవండి : షిరిడీ సమాధి మందిరానికి ముందు అక్కడ ఏముండేది ?
ఫుడ్ ఆర్డర్ : ఒక చోట సీటు బుక్ చేసి, మరో చోట ఆహారం బుక్ చేసుకోవాల్సిన పరిస్థితి ఇక లేదు. ఈ యాప్‌లోని ‘ఆర్డర్ ఫుడ్’ ఆప్షన్ ద్వారా మీరు ప్రయాణంలోనే ఆహారాన్ని ఆర్డర్ చేసుకోవచ్చు.
రైల్ మదద్ : ప్రయాణికుల సౌలభ్యం కోసం రైళ్లలో ఏర్పాటు చేయబడిన ‘రైల్ మదద్’ ఫీచర్ ఈ యాప్‌లోనే చేర్చబడింది. ప్రయాణంలో మీకు ఏదైనా సహాయం కావాలంటే, ఈ ఫీచర్ ద్వారా అభ్యర్థించవచ్చు.
ఫీడ్‌బ్యాక్, ఆర్-వాలెట్, పీఎన్‌ఆర్ స్టేటస్
ఫీడ్‌బ్యాక్ : మీ ప్రయాణం ఎలా ఉంది? రైల్వే స్టేషన్ ఎలా ఉంది? ఈ యాప్ ద్వారా మీరు రైల్వేకు ఫీడ్‌బ్యాక్ ఇవ్వవచ్చు. ఫీడ్‌బ్యాక్ ఆప్షన్ ద్వారా ఇది చేయవచ్చు. మీరు రేటింగ్ కూడా ఇవ్వవచ్చు.
ఆర్-వాలెట్ : మీరు ఆర్-వాలెట్‌లో డబ్బు జమ చేసుకోవచ్చు, టికెట్ బుకింగ్ చేసేటప్పుడు ఆ డబ్బును ఉపయోగించవచ్చు. ఇది పేమెంట్ ప్రాసెస్ ను మరింత వేగవంతం చేస్తుంది.
ఇది కూడా చదవండి : Sabarimala Facts : 1902 లో కర్పూరం వల్ల అగ్నికి ఆహూతి అయిన శబరిమల ఆలయం… శమరిమలై ఆలయం గురించి 10 ఆసక్తికరమైన విషయాలు
సేవ్డ్ ప్యాసింజర్ లిస్ట్ : తరచుగా ప్రయాణించే వారి వివరాలను గతంలో మాస్టర్ లిస్ట్ అని పిలిచేవారు. ఇప్పుడు ఈ యాప్‌లో దానిని సేవ్డ్ ప్యాసింజర్ లిస్ట్ గా మార్చారు. దీనివల్ల ప్రతిసారీ వివరాలు నమోదు చేయాల్సిన అవసరం ఉండదు.
ఇతర ఫీచర్లు: వీటితో పాటు, పీఎన్‌ఆర్ స్టేటస్, రైలు కోచ్ క్యూలు, రీఫండ్ ప్రాసెస్ వంటి సౌకర్యాలు కూడా ఈ యాప్‌లో ఉన్నాయి.
‘రైల్ వన్’ సూపర్ యాప్ భారతీయ రైల్వేల డిజిటల్ సేవల్లో ఒక విప్లవాత్మక మార్పు. ఇది ప్రయాణికులకు అపారమైన సౌలభ్యాన్ని అందిస్తుంది, వారి సమయాన్ని ఆదా చేస్తుంది మరియు ప్రయాణ అనుభవాన్ని మెరుగుపరుస్తుంది. ఇకపై, వేర్వేరు యాప్‌లను ఉపయోగించాల్సిన అవసరం లేకుండా, ఒకే యాప్‌లో అన్ని రైల్వే సంబంధిత అవసరాలను తీర్చుకోవచ్చు. ఈ యాప్ విజయవంతమై, రైలు ప్రయాణాన్ని మరింత సులభతరం చేస్తుందనడంలో ఎలాంటి సందేహం లేదు.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
