Kadapa Railway Station : కడప రైల్వే స్టేషన్ అప్‌గ్రేడింగ్ పనులు షురూ…పూర్తయితే ఇలా కనిపిస్తుంది !

అమృత్ భారత్ స్టేషన్ పథకంలో భాగంగా కడప రైల్వే స్టేషన్‌ను (Kadapa Railway Station) అప్‌గ్రేడ్ చేస్తోంది భారతీయ రైల్వే. ఒక్కసారి ఈ పనుల పూర్తయితే ఈ రైల్వే స్టేషన్ ఇలా కనిపించనుంది…

అమృత్ భారత్ స్టేషన్ (Amrit Bharat Station) పథకంలో భాగంగా భారత దేశంలో ఉన్న రైల్వే స్టేషన్లను అప్‌గ్రేడ్ చేస్తోంది ఇండియన్ రైల్వేస్. ఇందులో భాగంగా దక్షిణ మధ్య రైల్వే నిర్వహించే ఆంధ్రప్రదేశ్‌లోని 53 రైల్వే స్లేషన్లను పునరాభివృధ్ది చేయనుంది. 

• 50 Feets Largest Shivling : తెలుగు రాష్ట్రాల్లోనే అతిపెద్ద స్వయంభూ శివలింగం

రూ.2,611 కోట్లతో నిర్వహిస్తున్న ఈ అప్‌గ్రేడింగ్ పనులతో ప్రయాణికులకు (Travelers) అత్యాధునిక సౌకర్యాలు కల్పించనున్నారు. ఇందులో భాగంగానే కడప రైల్వే స్టేషన్ అప్‌గ్రేడింగ్ పనులు మొదలయ్యాయి. ఈ పనుల వివరాలు..పూర్తయితే ఎలా కనిపిస్తుందో చూడండి.

ఆంధ్రప్రదేశ్‌లో 53 రైల్వే స్టేషన్లను భారతీయ రైల్వే (Indian Railways) పునారాభివృద్ధి చేస్తుంది. ప్రస్తుతం నెల్లూరు, తిరుపతి రైల్వే స్టేషన్లలో (Tirupati Railway Station) పనులు వేగం పుంజుకున్నాయి.

ప్రయాణికులకు ఒక క్రాసింగ్ స్టేషన్‌గా అవతరించనుంది తిరుచానూరు రైల్వే స్టేషన్ (Tiruchanur Railway Station). రోజురోజుకూ పర్యాటకులు సంఖ్య పెరుగుతూ ఉండటంతో మరిన్ని సౌకర్యాలు కల్పించే విధంగా అప్‌గ్రేడింగ్ పనులు జరుగుతున్నాయి.

కడప రైల్వే స్టేషన్ విషయానికి వస్తే రూ.26.08 కోట్లతో ఈ రైల్వే స్టేషన్‌ను అప్‌గ్రేడ్ చేస్తున్నారు. ఎన్‌ఎస్‌జీ-3 కేటగిరిలో ఉన్న స్టేషన్‌ అనేది చెన్నై-ముంబై లైన్లో అత్యంత కీలకంగా భావిస్తారు.

అప్‌గ్రేడింగ్ పపుల్లో భాగంగా రద్దీ నిర్వహణ, స్టేషన్‌ బయటి లుక్‌ను కూడా మరింత అందంగా మార్చే విధంగా పనులు జరుగుతున్నాయి. ప్రయాణికులు ప్రశాంతంగా, ఆహ్లాదకరంగా స్టేషన్లోకి ప్రవేశించే విధంగా ప్రవేశ ద్వారాన్ని కొత్తగా డిజైన్ చేశారు.

అప్‌గ్రేడింగ్ పనుల్లో దివ్యాంగుల కోసం టాయిలెట్స్‌తో పాటు, ప్రయాణికులదరి కోసం ఎయిర్‌కండిషన్ ఉన్న వెయిటింగ్ హాల్, విశాలమైన పార్కింగ్ ఏరియాను ఏర్పాటు చేయనున్నారు.

ప్రయాణికుల సౌకర్యార్ధం ప్లాట్‌ఫామ్‌లపై మరిన్ని షెల్టర్లను ఏర్పాటు చేయనున్నారు. దీంతో పాటు 12 మీటర్ల పుట్ ఓవర్ బ్రిడ్జిని కూడా నిర్మించనున్నారు.

కడప రైల్వే స్టేషన్‌లో ప్రస్తుతం 31 శాతం అప్‌గ్రేడింగ్ పనులు పూర్తయ్యాయి. ఇందులో ప్రయాణికులు కావాల్సిన ప్రాధమిక అవసరాల, ప్లాట్‌ఫామ్ పనులు ఉన్నాయి. ఈ మొత్తం ప్రాజెక్టు వచ్చే 2025 చివరి నాటికి పూర్తి అవనున్నాయి.

📣ఈ Travel కంటెంట్ నచ్చితే షేర్ చేయగలరు. ప్రయాణికుడును facebook, twitter, Instagram లో ఫాలో అవ్వండి. YouTube ఛానెల్‌ను సబ్‌స్క్రైబ్ చేసుకోండి. WhatsApp లో జాయిన్ అవ్వడానికి ఇక్కడ క్లిక్ చేయండి.