Mulugu : ఎడారిని తలపించే ఇసుక తిన్నెలు, చుట్టూ వాగులు.. తెలంగాణలో దాగి ఉన్న అద్భుత టూరిస్ట్ స్పాట్
Mulugu : మీరు ఈ శీతాకాలంలో ఎక్కడికైనా టూర్ వెళ్లే ఆలోచనలో ఉన్నారా? అయితే ప్రకృతి సౌందర్యంతో పాటు సాహస అనుభూతిని అందించే అద్భుతమైన ప్రదేశం మన తెలంగాణలోనే ఉంది. చలికాలం వచ్చిందంటే చాలు చాలా మంది ప్రకృతి ప్రేమికులు, కొత్తగా పెళ్లయిన జంటలు హనీమూన్ కోసం ఆహ్లాదకరమైన ప్రాంతాల కోసం వెతుకుతుంటారు. అలాంటి వారి కోసం తెలంగాణలోని ములుగు జిల్లాలో ఉన్న ఒక బెస్ట్ టూరిస్ట్ స్పాట్ను ఇప్పుడు పరిచయం చేస్తున్నాం.
ములుగు జిల్లా అందాలు.. ఏటూరు నాగారం అభయారణ్యం
గిరిజన జిల్లాగా పేరొందిన ములుగు ప్రాంతం ఎన్నో పర్యాటక ప్రాంతాలకు నిలయం. ముఖ్యంగా ఈ చలికాలంలో ములుగు జిల్లాలోని ఏటూరు నాగారం అభయారణ్యం (Eturunagaram Wildlife Sanctuary) అందాలు పర్యాటకులను విశేషంగా ఆకర్షిస్తాయి. తెల్లవారుజామున సూర్య కిరణాలు చెట్ల గుండా భూమిని తాకుతున్నప్పుడు, పక్షుల కిలకిల రావాలు, వన్యప్రాణుల సందడులు.. ఈ దృశ్యాలను చూడటానికి ములుగు జిల్లాకు రావాల్సిందే. శీతాకాలంలో ఈ ప్రాంతానికి పర్యాటకుల సంఖ్య చాలా ఎక్కువగా ఉంటుంది.
బ్లాక్ బెర్రీ ఐలాండ్ అద్భుతం
ములుగు జిల్లా అటవీ ప్రాంతంలో దాగి ఉన్న ఓ అద్భుతమైన పర్యాటక ప్రాంతమే బ్లాక్ బెర్రీ ఐలాండ్ (Black Berry Island). ఈ ప్రదేశం టూరిస్టులను ఎంతగానో ఆకట్టుకుంటోంది. దట్టమైన అటవీ ప్రాంతంలో ఉన్నా, ఈ ప్రాంతంలో ఎడారిని తలపించేలా ఇసుక తిన్నెలు (Sand Dunes) ఉండటం విశేషం. ఈ ఇసుక తిన్నెల చుట్టూ ప్రవహించే వాగులు ఇక్కడి అందాలకు మరింత ఆకర్షణ తీసుకొస్తాయి. అటవీ సంపద, వన్యప్రాణులను రక్షించుకోవడానికి అటవీ అధికారులు ఇక్కడ ఒక ఎత్తైన వాచ్ టవర్ను కూడా ఏర్పాటు చేశారు. ఈ టవర్ పైకి ఎక్కి చూస్తే, తిరుమల తిరుపతి దేవస్థానం చుట్టూ కనిపించేలాంటి ఎత్తైన కొండల వరుసలు ఇక్కడ కూడా మనకు కనువిందు చేస్తాయి.
ఇది కూడా చదవండి : Dangerous Countries : 2025 లో వెళ్లకూడని అత్యంత ప్రమాదకరమైన 10 దేశాలు
వనభోజనాలకు బెస్ట్ స్పాట్.. ఎలా చేరుకోవాలి?
చుట్టుపక్కల గ్రామాల ప్రజలు ఈ పర్యాటక ప్రాంతానికి తరచూ వచ్చి, తమ కుటుంబ సభ్యులతో కలిసి వనభోజనాలకు (Vana Bhojanam) కూడా ఇక్కడికే వస్తుంటారు. సరదాగా కేరింతలు కొడుతూ ఆనందించేవారి ఫోటోలు ఈ ప్రాంతం ఎంత ఆహ్లాదంగా ఉంటుందో తెలియజేస్తాయి. ఈ ఆనందాన్ని మీరు కూడా పొందాలంటే, ములుగు జిల్లాకు తప్పక ప్లాన్ చేయండి.
ఇది కూడా చదవండి : అంటార్కిటికా : 70 శాతం మంచినీరు ఇక్కడే ఉంది…రాత్రి సూరీడు…పగలు చీకటి
ఎలా వెళ్లాలి: ఈ బ్లాక్ బెర్రీ ఐలాండ్కు చేరుకోవాలంటే, ములుగు జిల్లా కేంద్రం నుంచి సుమారు 30 కిలోమీటర్లు ప్రయాణించాలి.
మార్గం: ఏటూరు నాగారం వైపు వెళ్లే దారిలో పస్ర గ్రామం దాటిన తర్వాత ఎడమవైపులో ఈ పర్యాటక ప్రదేశం ఉంటుంది.
ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్స్క్రైబ్ చేసుకోండి. WhatsApp ఛానెల్లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.
