IRCTC : శివభక్తులకు అద్భుత అవకాశం.. సికింద్రాబాద్ నుండి పంచ జ్యోతిర్లింగాల దర్శన యాత్ర!

IRCTC : భారత రైల్వే ప్రయాణికుల కోసం నిరంతరం కొత్త ఆధ్యాత్మిక టూర్లను అందిస్తూ ఉంటుంది. ఇప్పుడు ఐఆర్‌సీటీసీ టూరిజం శివుని ఆశీస్సులు పొందాలనుకునే భక్తుల కోసం ఒక ప్రత్యేకమైన అవకాశాన్ని తీసుకువచ్చింది. పవిత్రమైన శ్రావణ మాసం సందర్భంగా, సికింద్రాబాద్ నుండి ‘అంబేద్కర్ యాత్ర పంచ జ్యోతిర్లింగ దర్శనం’ పేరుతో ఒక స్పెషల్ భారత్ గౌరవ్ టూరిస్ట్ రైలును నడపనుంది. ఈ ఆధ్యాత్మిక యాత్ర ఆగస్టు 16న సికింద్రాబాద్ రైల్వే స్టేషన్ నుండి ప్రారంభమై, ఆగస్టు 24న ముగుస్తుంది. మొత్తం 9 రోజులు, 8 రాత్రులు సాగే ఈ ప్యాకేజీలో భారతదేశంలోని ఐదు ప్రముఖ జ్యోతిర్లింగాలను దర్శించుకోవడంతో పాటు, చారిత్రక, ఆధ్యాత్మిక ప్రాధాన్యత కలిగిన ప్రదేశాలను సందర్శించే అవకాశం లభిస్తుంది.

ఈ టూర్ ప్యాకేజీలో ఏయే పుణ్యక్షేత్రాలు సందర్శిస్తారు?
ఈ ప్రత్యేక జ్యోతిర్లింగ దర్శన యాత్రలో భాగంగా మీరు ఈ క్రింది ప్రసిద్ధ జ్యోతిర్లింగాలను, ఇతర ముఖ్య ప్రదేశాలను సందర్శిస్తారు:

ఉజ్జయిని: ఇక్కడ మీరు పవిత్రమైన మహంకాళీ జ్యోతిర్లింగం, ఓంకారేశ్వర్ జ్యోతిర్లింగాలను దర్శించుకోవచ్చు. ఈ రెండు జ్యోతిర్లింగాలు శివుని గొప్పదనాన్ని చాటిచెబుతాయి.

నాసిక్: మహారాష్ట్రలోని నాసిక్‌లో ఉన్న త్రయంబకేశ్వర్ జ్యోతిర్లింగాన్ని సందర్శిస్తారు. గోదావరి నది మూలానికి దగ్గరగా ఉన్న ఈ ఆలయం చాలా పవిత్రమైనదిగా భావిస్తారు.

పుణె: పుణె సమీపంలో ఉన్న భీమశంకర్ జ్యోతిర్లింగం దర్శనం చేసుకుంటారు. సహ్యాద్రి కొండల మధ్య ఉన్న ఈ ఆలయ పరిసరాలు చాలా ప్రశాంతంగా ఉంటాయి.

ఇది కూడా చదవండి: Thailand 2024 : థాయ్‌లాండ్ ఎలా వెళ్లాలి ? ఏం చూడాలి ?

ఔరంగాబాద్: ఈ నగరానికి దగ్గరలో ఉన్న ఘృష్ణేశ్వర్ జ్యోతిర్లింగాన్ని సందర్శిస్తారు. ఎల్లోరా గుహలకు సమీపంలో ఉన్న ఈ ఆలయం ప్రత్యేకమైన శిల్పకళకు ప్రసిద్ధి.

ఈ ప్రధాన జ్యోతిర్లింగాలతో పాటు, యాత్ర మార్గంలో మరికొన్ని చూడదగిన ప్రదేశాలను కూడా ఈ ప్యాకేజీలో కవర్ చేస్తారు. ఇది భక్తులకు ఒక సంపూర్ణ ఆధ్యాత్మిక అనుభూతిని అందిస్తుంది.

టికెట్ ధరలు, బోర్డింగ్ పాయింట్లు
ఈ పుణ్యక్షేత్రాల యాత్ర సికింద్రాబాద్ రైల్వే స్టేషన్ నుండి ప్రారంభమవుతుంది. ప్రయాణికుల సౌలభ్యం కోసం, సికింద్రాబాద్ తో పాటు, కామారెడ్డి , నిజామాబాద్ స్టేషన్ల నుండి కూడా రైలు ఎక్కే అవకాశం ఉంది. టికెట్లు త్వరగా అయిపోవచ్చు కాబట్టి, ముందుగానే బుక్ చేసుకోవడం మంచిది.

ఇది కూడా చదవండి : UAE: యూఏఈలో తప్పకుండా చూాడాల్సిన 10 ప్రదేశాలు

ఈ టూర్ ప్యాకేజీ ధరలు మీరు ఎంచుకునే క్లాస్ ఆధారంగా మారతాయి
బేసిక్ (ఎకానమీ క్లాస్): ఒక్కొక్కరికి రూ.14,700
స్టాండర్డ్ క్లాస్: ఒక్కొక్కరికి రూ.22,900
కంఫర్ట్ క్లాస్: ఒక్కొక్కరికి రూ.29,900

5 నుండి 11 సంవత్సరాల వయస్సు గల పిల్లలకు ప్రత్యేక ధరలు వర్తిస్తాయి. ఈ ధరలలో రైలు ప్రయాణం, బస, ఆహారం, సైట్‌సీయింగ్ ఖర్చులు అన్నీ కలిపి ఉంటాయి. ఈ ప్రత్యేక ప్యాకేజీని బుక్ చేసుకోవడానికి మీరు దక్షిణ మధ్య రైల్వే అందించిన నంబర్లైన 9281495843 లేదా 9281495845 కు కాల్ చేయవచ్చు. మరింత పూర్తి సమాచారం, ఆన్‌లైన్ బుకింగ్ కోసం మీరు https://www.irctctourism.com/ వెబ్‌సైట్‌ను కూడా సందర్శించవచ్చు. శ్రావణ మాసంలో ఈ జ్యోతిర్లింగాలను దర్శించుకునే అరుదైన అవకాశం శివభక్తులకు లభించింది. ఈ అవకాశాన్ని సద్వినియోగం చేసుకోవాలి రైల్వే శాఖ కోరుతుంది.

 ఈ కంటెంట్ నచ్చితే షేర్ చేయగలరు. Prayanikudu YouTube Channel ను సబ్‌స్క్రైబ్ చేసుకోండి. WhatsApp ఛానెల్‌లో చేరడానికి ఇక్కడ క్లిక్ చేయండిప్రయాణికుడును facebook, twitter, Instagram లో ఫాలో అవ్వండి.