అంతర్జాతీయ ప్రమాణాలకు తగిన విధంగా థాయ్లాండ్ అప్డేట్ అవుతోంది. ఈ దిశలో డిజిటిల్ ఎరైవల్ కార్డు (Thailand Digital Arrival Card) ను ప్రవేశ పెట్టింది . 2025 మే1 నుంచి ఈ కార్డు తప్పనిసరి చేసింది.
ముఖ్యాంశాలు
కొన్నేళ్ల నుంచి భారతీయులు ఎక్కువగా వెళ్తున్న దేశం థాయ్లాండ్ (Thailand). దేశ విదేశాల నుంచి ప్రయాణికులు సంఖ్య ఏడాదికేడాది పెరుగుతోండటంతో ఈ దేశం అపగ్రేడ్ అవ్వాలి అనుకుంటోంది. అంతర్జాతీయ ప్రమాణాలకు తగిన విధంగా అప్డేట్ అయ్యే దిశలో డిజిటిల్ ఎరైవల్ కార్డును ప్రవేశ పెట్టింది థాయ్లాండ్ .
- ఇది కూడా చదవండి: Thailand 2025 : థాయ్లాండ్ ఎలా వెళ్లాలి ? ఏం చూడాలి ?
2025 మే 1వ తేదీ నుంచి విదేశాల నుంచి వచ్చే పర్యాటకుల వద్ద ఈ కార్డు తప్పనిసరిగా ఉండాల్సిందే. ఈ కొత్త విధానం వల్ల ఎంట్రీ ప్రక్రియ సమయం, పేపర్ వర్క్ తగ్గడంతో పాటు, బార్డర్ సెక్యూరిటీ కూడా పెరుగుతుంది.
ఈ కార్డు విశేషాలు | What Is the Thailand Digital Arrival Card?
గతంలో ఉన్న టీఎమ్‌6 అరైవల్ ఫామ్‌కు (TM6 Arrival Form) బదులు టీడీఏసి కార్డును ప్రవేశ పెట్టింది థాయ్లాండ్. వాయు, జల, రోడ్డు మార్గంలో విదేశాల నుంచి థాయ్‌లాండ్‌లోకి ప్రవేశించే వారికి ఈ కొత్త కార్డు అధికారిక రికార్డులా పని చేస్తుంది.
ఈ దేశంలోకి ప్రవేశించిన 72 గంటల్లో ఈ కార్డు ప్రక్రియను ఆన్‌లైన్లో పూర్తి చేయాల్సి ఉంటుంది. ప్రయాణికుల (Traveler) వివరాలను అంటే వారి ప్రయాణ వివరాలు, పాస్‌పోర్టు (Passport), ఎక్కడ బస చేయనున్నారు, ఆరోగ్య పరమైన విషయాలు థాయ్లాండ్ సిస్టమ్‌లో అప్‌గ్రేడ్ అవుతాయి.
ఈ కార్డు తీసుకురావడానికి ఎన్నో కారణాలు ఉన్నాయి. మారుతున్న కాలాన్ని బట్టి ప్రపంచ స్థాయి ట్రావెల్ టెక్నాలజీని వినియోగించే దిశలో ఈ కార్డును ప్రవేశపెట్టింది థాయ్లాండ్. దీని వల్ల లాభాలు:
- ఇమిగ్రేషన్ ప్రాసెస్ వేగవంతం: ముందస్తుగానే రిజిస్ట్రేషన్ పూర్తి చేయడం వల్ల చెకింగ్ పాయింట్స్ వద్ద వెయిట్ చేయాల్సిన సమయం గణనీయంగా తగ్గుతుంది.
- బార్డర్ సెక్యూరిటీ : ఈ కొత్త విధానం అనేది థాయ్లాండ్ ఇమ్మిగ్రేషన్ ప్రోటోకాల్స్‌లో భాగంగా చెప్పవచ్చు. ఇది ఈ- వీసా విధానంలా పని చేస్తుంది. స్క్రీనింగ్‌ను సులభతరం చేస్తుంది.
- పర్యావరణ హితం : గతంలో ఉన్న పేపర్ ఫారమ్‌లకు బదులు ఈ కార్డును ప్రవేశ పెట్టడం వల్ల ఇక పేపరు వినియోగం బాగా తగ్గుతుంది. తద్వారా పర్యావరణానికి జరిగే నష్టం కాస్త తగ్గుతుంది.
- దీంతో పాటు పాకిస్తాన్ లాంటి దేశాల నుంచి నకిలీ వీసాలతో థాయ్‌లోకి ఎంటర్ అవుతున్న వారి సంఖ్య పెరగడంతో వాటిని తగ్గించే దిశలో ఈ కార్డు కాస్త ఉపయోగపడుతంది.
టీడీఏసి కార్డు ఎలా పొందాలి ? | Thailand DAC
How to Register for the TDAC : 2025 మే 1వ తేదీ నుంచి థాయ్లాండ్ వెళ్లే ప్రయాణికుల వద్ద టీడీఏసి కార్డు ఉండటం చాలా అవసరం. అయితే ఈ కార్డును ఎలా పొందాలి అనేది చాలా మందికి తెలియదు. అందుకే ఎలా రిజిస్టర్ చేసుకోవాలో తెలుసుకుందామా..:
- లాగిన్ అవ్వండి : ముందుగా థాయ్లాండ్ డిజిటల్ ఎరైవల్ కార్డు పొందడానికి ముందుగా మీరు టీడీఏసి అధికారిక వెబ్‌సైట్‌కు లాగిన్ అవ్వాల్సి ఉంటుంది. ఆ వెబ్‌సైట్ వచ్చేసి…
https://tdac.immigration.go.th లేదా https://tdac.immigration.go.th అనే వెబ్‌సైట్‌కు లాగిన్ అవ్వాల్సి ఉంటుంది.
- వ్యక్తిగత సమాచారం : లాగిన్ అవ్వడానికి మీ పూర్తి పేరు, జాతీయత, పాస్‌పోర్టు వివరాలు, కాంటాక్ట్ నెంబర్ వంటి వివరాలను అందించాల్సి ఉంటుంది.
- ట్రిప్ డీటెయిల్స్ : మీ ఫ్లైట్ నెంబర్, థాయ్‌లాండ్‌కు ఎందుకు వస్తున్నారు, ఎక్కడ ఉంటారు వంటి వివరాలను కూడా ఎంటర్ చేయాల్సి ఉంటుంది.
- ఫామ్ సబ్మిట్ చేయండి: పూర్తి వివరాలతో ఫామ్ సబ్మిట్ చేసిన తరువాత మీ ఇమ్మిగ్రేషన్ చెక్ పాయింట్స్ వంటి వివరాలతో ఒక కన్ఫర్మేషన్ మెయిల్ వస్తుంది.
📣ఈ Travel కంటెంట్ నచ్చితే షేర్ చేయగలరు. ప్రయాణికుడును facebook, twitter, Instagram లో ఫాలో అవ్వండి. YouTube ఛానెల్‌ను సబ్‌స్క్రైబ్ చేసుకోండి. WhatsApp లో జాయిన్ అవ్వడానికి ఇక్కడ క్లిక్ చేయండి.