క్యాష్‌లెస్ టికెటింగ్ దిశలో దక్షిణ మధ్య రైల్వే వేగంగా అడుగులు ముందుకు వేస్తోంది. అందులో భాగంగా తన యూటీఎస్ (UTS App) మొబైల్‌ యాప్‌ను ప్రయాణికులకు మరింత చేరువ చేసే ప్రయత్నం మొదలు పెట్టింది.
రిజర్వ్ అవ్వని టికెట్లను ఈ యూటీఎస్ యాప్ నుంచి కొనుగోలు చేసి 3 శాతం వరకు రాయితీని పొందే సదుపాయం కల్పిస్తోంది. ఈ సదుపాయం వల్ల డిజిటల్ పేమెంట్‌ను ప్రమోట్ చేయడంతో పాటు క్యూలైన్లో నిలబడే ఇబ్బంది నుంచి కూడా ప్రయాణికులు తప్పించుకోవచ్చు.
ముఖ్యాంశాలు
డిజిటల్ చెల్లిపులు ఇలా | UTS Mobile App
యూటీఎస్ యాప్‌లో వచ్చిన కొత్త అప్డేట్స్ వల్ల అనేేక విధాలుగా పేమెంట్స్ చేసే అవకాశం ప్రయాణికులకు కలుగుతుంది.
- ఆర్ వ్యాలెట్ (R-Wallet) – ఇది సౌత్ సెంట్రల్ రైల్వే వారి ఇన్ యాప్ డిజిటల్ వ్యాలెట్ .
- దీంతోపాటు పేటీఎం, ఫోన్ పే, గూగుల్ పే, ఇతర యూపీఐ యాప్స్‌తో పాటు ఇంటర్నెట్ బ్యాంకింగ్ ద్వారా కూడా మీరు చెల్లింపులు చేసే అవకాశం ఉంటుంది.
- Read Also : ద్వారపూడిలో 60 అడుగుల భారీ ఆదియోగి విహ్రం…10 ఆసక్తికరమైన విషయాలు
యూటీఎస్ యాప్ నుంచి రైల్వే టికెట్ కొనుగోలు చేసే ప్రయాణికులు పైన వివరించిన ఏ పేమెంట్ విధానం ద్వారా అయిన పేమెంట్ చేయవచ్చు. దీని వల్ల చాలా టైమ్ సేవ్ అవుతుంది.
3 శాతం క్యాష్ బ్యాక్ | Cash Back On R-Wallet
యాప్ ద్వారా టికెట్లు బుక్ చేయడాన్ని ప్రోత్సాహించేందుకు ఇన్ ఆప్ వ్యాలెట్ అయిన ఆర్-వ్యాలెట్ (R-wallet) ఉపయోగాగాన్ని ప్రోత్సాహిస్తోంది దక్షిణ మధ్య రైల్వే. ఈ యాప్ వినియోగించి రైల్వే టికెట్లు బుక్ చేసుకుంటే 3 శాతం క్యాష్ బ్యాక్ ఇవ్వనుంది . ఈ వ్యాలెట్లో యూజర్లు రూ.20,000 వరకు నగదును అందుబాటులో ఉంచుకోవచ్చు.
తరచూ ప్రయాణాలు చేసే వారికి ఇది బాగా ఉపయోగపడుతుంది. డిజిటల్ చెల్లింపులు చేసే వారికి క్యాష్‌బ్యాక్ (Cash Back) ప్రయోజనం కలగనుంది.
యూటీఏస్ యాప్ ప్రయాణం | UTS App History
దక్షిణ మధ్య రైల్వే ప్రయాణికులు ఎక్కువగా వినియోగించే యాప్స్‌లో యూటీఎస్ (Unreserved Ticketing System) యాప్ ఒకటి. నిత్యం దీని యూజర్ల సంఖ్య పెరుగుతూ వస్తోంది :
- 2023 ఏప్రిల్- 2024 జనవరి : 83,510 డైలీ యూజర్లు
- 2024-25 ( ప్రస్తుత ఆర్థిక సంవత్సరం) 93,487 డైలీ యూజర్లు.
- Read Also : వచ్చే 144 ఏళ్లలో కుంభమేళా ఎక్కడెక్కడ జరగనుందో తెలుసా?
యూజర్లకు వేగవంతమైన టికెటింగ్ సౌకర్యాన్ని కల్పించడం వల్లే యూజర్ల సంఖ్య సాధ్యం అయింది అంటున్నారు అధికారులు.
ఆ ఇబ్బందులు తొలగింపు
గతంలో యూటీఎస్ యాప్ వినియోగించే ప్రయాణికులకు ఎక్కువ దూరం టికెట్లు కొనుగోలు చేయడంలో ఇబ్బందిగా ఉండేది. ఈ ఇబ్బందిని తొలగించింది దక్షిణ మధ్య రైల్వే (South Central Railways) . ఇక ప్రయాణ టికెట్‌తో పాటు ప్లాట్‌ఫామ్ టికెట్లను ప్రయాణికులు ఎక్కడి నుంచి అయినా కొనుగోలు చేసే అవకాశం ఉంటుంది. దీని వల్ల క్యూలో నిలబడాల్సిన అవసరం తగ్గిపోతుంది.
ప్రధాన ఫీచర్లు | Some Features of the UTS App
యూటీఎస్ యాప్ (UTS App) అనేది యూజర్ ఫ్రెండ్లీ ఇంటర్‌ఫేస్ ఉన్న యాప్. ఇందులో అనేక ఫీచర్లు వినియోగదారులు సులభంగా ఈ యాప్‌ను వినియోగించే సదుపాయాన్ని కల్పిస్తున్నాయి.
- పలు భాషల్లో : ఈ యాప్ అనేక భాషల్లో ఉండటం వల్ల ప్రయాణికులు సులభంగా ఆపరేట్ చేసే వెసులుబాటు కలుగుతుంది.
- నగదు రహిత వ్యవహారం : ఈ యాప్ వినియోగం వల్ల చేతిలో డబ్బు లేకున్నా వ్యాలెట్లో ఉన్న డబ్బుతో టికెట్లు కొనుగోలు చేయవచ్చు.
- Read Also: మహా శివరాత్రికి సిద్ధం అయిన వేములవాడ రాజరాజేశ్వర స్వామి ఆలయం | ఏర్పాట్లు ఎలా ఉన్నాయో చూడండి | Sri Raja Rajeswara Swamy
వినియోగదారుల సేవా కేంద్రం : ప్రయాణికుల కోసం వినియోగదారుల సేవా కేంద్రంతో పాటు, సాధారణ ప్రశ్నలు వాటి సమాధానాలు (FAQs), యూజర్ గైడ్ కూడా అందుబాటులో ఉంటుంది.
📣ఈ Travel కంటెంట్ నచ్చితే షేర్ చేయగలరు. ప్రయాణికుడును facebook, twitter, Instagram లో ఫాలో అవ్వండి. YouTube ఛానెల్‌ను సబ్‌స్క్రైబ్ చేసుకోండి. WhatsApp లో జాయిన్ అవ్వడానికి ఇక్కడ క్లిక్ చేయండి.