సమ్మర్‌లో ఫ్రెండ్స్ అండ్ ఫ్యామిలీతో కలిసి ఏదైనా టూర్ ప్లాన్ చేస్తున్నారా ? అయితే ఎక్కడికి వెళ్లాలి అని కన్‌ఫ్యూజన్‌లో ఉంటే మీ కోసం తెలుగు రాష్ట్రాల్లో అందమైన 14 ప్రదేశాల జాబితాను (Summer Destinations In Telugu States) సిద్ధం చేశాం.
ఏ ప్రాంతంలో ఎన్ని రోజులు టూర్ ప్లాన్ చేయాలి ? ఏం చేయాలి ? ఉష్ణోగ్రత ఎంత ఉంటుంది అనే విషయాన్ని సింపుల్‌గా చిన్న పారగ్రాఫ్‌లో మీకు అందిస్తున్నాం. చకచక చదివి టకటక ప్లాన్ చేసి రయ్ రయ్ అని బయల్దేరండి మరి.
ముఖ్యాంశాలు
1.అరుకు లోయ
Araku Valley : అరకు లోయ అనగానే కనుచూపుమేరా పచ్చదనం, అందమైన కొండలు, దట్టమైన వనాలు, కాఫీతోటలు, ట్రైబల్ కల్చర్‌తో పాటు మనసును హత్తుకునే లొకేషన్స్ కళ్ల ముందు కదలాడుతాయి.
- అయితే చాలా మంది అరకు లోయ అంటే చలికాలంలోనే (Araku In Winter) వెళ్లాల్సిన ప్రదేశం అని అనుకుంటారు.
- కానీ ఎండా కాలం కూడా ఇక్కడ కొన్ని ప్రాంతాల్లో ఉష్ణోగ్రత 18 డిగ్రీల సెల్సియస్ నుంచి 28 వరకు ఉంటుంది.
- సో, మీరు 2-3 రోజుల కోసం అరకు వెళ్లాలి అనుకుంటే బొర్రా గుహలు (borra caves), కటిక జలపాతం వంటి ప్రాంతాలను ఎక్స్‌ప్లోర్ చేయవచ్చు.
2.లంబసింగి
Lambasingi, Andhra Pradesh : ఆంధ్రా కశ్మీరుగా గుర్తింపు తెచ్చుకున్న లంబసింగి సముద్ర మట్టానికి 1,000 మీటర్ల ఎత్తులో ఉంటుంది. ఇక్కడ ఉష్ణోగ్రత 10 డిగ్రీల సెల్సియస్ నుంచి 20 డిగ్రీల వరకు ఉంటుంది. మే నెలలో మధ్యాహ్న సమయంలో 35 డిగ్రీల వరకు కూడా చేరుకుంటుంది.
- లంబసింగిలో (Andhra Kashmir) 2-3 టూర్ ప్లాన్ చేసుకుంటే మీరు ట్రెక్కింగ్, మౌంటెన్ బైకింగ్, క్యాంపింగ్ కూడా ఎంజాయ్ చేయవచ్చు.
- దీంతో పాటు మిరియాలు, కాఫీ తోటలను కూడా చూడవచ్చు.
- Lambasingi : నేషనల్ క్రష్ లంబసింగి ఎలా వెళ్లాలి ? నిజంగా స్నో పడుతుందా ? 5 Tips & Facts
3.హార్స్‌లి హిల్స్
Horsley Hills, Andhra Pradesh : ఈ అందమైన హిల్ స్టేషన్‌ను ఆంధ్రా ఊటి అని పిలుస్తుంటారు. సందర్శకులకు ఇక్కడి ప్రశాంతమైన వాతావరణం బాగా నచ్చుతుంది. ఎండాకాలం ఇక్కడ ఉష్ణోగ్రత 26 డిగ్రీల సెల్సియస్ నుంచి 36 వరకు ఉంటుంది.
- ఒకటి రెండు రోజుల టూరు కోసం ఈ ప్రాంతం మీకు బాగా సెట్ అవుతుంది.
- ఇక్కడ మీరు ట్రెక్కింగ్ (trekking), బర్డ్ వాచింగ్, అడ్వంచర్ స్పోర్ట్స్‌తో పాటు బొటానికల్ గార్డెన్‌‌ను కూడా సందర్శించవచ్చు.
4. అనంతగిరి హిల్స్
Ananthagiri Hills, Telangana : హైదరాబాద్‌కు అత్యంత సమీపంలోనే ఉన్న హిల్ స్టేషన్ ఇది. పచ్చదనంతో కళకళలాడే ఈ హిల్ స్టేషన్‌లో ఎండాకాలం ఉష్ణోగ్రత 30 డిగ్రీల సెల్సియస్ నుంచి 43 వరకు ఉంటుంది.
- 1-2 రోజుల కోసం లేదా వీకెండ్‌లో ఎక్కడికైనా వెళ్లాలి అనుకునేవారికి మంచి ఆప్షన్ అవుతుంది.
5.పాడేరు
Paderu , Andhra Pradesh : అరకు లోయకు చేరువలో వెస్ట్రన్ ఘాట్స్‌కి చేరువలో ఉంటుంది పాడేరు. చలికాలంలో చాలా మంది ఇక్కడి నుంచే వంజంగి (Vanjangi), లంబసింగి వైపు వెళ్తుంటారు.
- ఈ ప్రాంతంలో ఉండే పచ్చదనం, ప్రశాంతతను చాలా మంది ఇష్టపడుతుంటారు.
- ఎండాకాలంలో ఇక్కడ ఉష్ణోగ్రత 28 డిగ్రీల నుంచి 40 డిగ్రీల వరకు ఉంటుంది.
6.మారేడు మిల్లి
Maredumilli, Andhra Pradesh : చిక్కటి అడవులు, అక్కడక్కడ జలపాతాలతో ఉండే ఈ ప్రాంతం ఇకో టూరిస్టుల కోసం ఈ ప్రాంతం స్వర్గంలాంటిది. ఎండాకాలం ఇక్కడ టెంపరేచర్ 28 డిగ్రీల నుంచి 39 డిగ్రీల సెల్సియస్ వరకు వెళ్తుంది.
- ట్రెక్కింగ్ చేసేవారికి, వన్యప్రాణులను చూసేందుకు ఇష్టపడేవారికి, ఫోటోగ్రఫీ చేయాలనుకునేవారికి ఈ ప్రాంతం బాగా నచ్చుతుంది.
7.పాపికొండలు
Papikondalu, Andhra Pradesh : తెలుగువారికి ప్రత్యేక పరిచయం అవసరం లేని ప్రాంతం పాపికొండలు. కొండల మధ్యలోంచి సాగే గోదావరిలో చాలా మంది బోటు ప్రయాణం (boating) చేయడానికి ఇష్టపడుతుంటారు.
- దీంతో పాటు స్థానికంగా ఉండే కొల్లేరుహట్స్ వంటి రిసార్టులో స్టే చేయడానికి కుటుంబ సభ్యులతో కలిసి వెళ్తుంటారు (Summer Destinations In Telugu States)
- ఎండాకాలం కూడా ఇక్కడ ఉష్ణోగ్రత 30 డిగ్రీల సెల్సియస్ వరకు ఉంటుంది.
- Places Near Badrinath : బద్రినాథ్‌కు సమీపంలో ఉన్న 6 సందర్శనీయ ప్రదేశాలు
8.చింతపల్లి
Chintapalli, Andhra Pradesh : పేరులో చింత ఉంటుంది కానీ ఈ ప్రాంతానికి వెళ్తే ఉన్న చింతలు అన్నీ కూడా దూరం అవుతాయి.
- అందమైన ల్యాండ్‌స్కేప్, ఎండా కాలం కూడా సాధారణంగా ఉండే ఉష్ణోగ్రతలు ఉండే గిరిజన గ్రామం ప్రశాంతతకు నెలవులాంటిది.
9. నల్లమల కొండలు
Nallamala Hills, AP and Telangana : శ్రీశైలం రిజర్వాయర్ ఉన్న నల్లమల ప్రాంతంలో వైల్డ్‌లైఫ్ సఫారీతో పాటు ట్రెక్కింగ్ చేసే అవకాశం కూడా ఉంటుంది. శ్రీశైలం మల్లికార్జునుడిని దర్శిచుకునే భక్తులు చాలా మంది చుట్టుపక్కన ఉన్న ఇతర యాక్టివిటీస్ చేయడానికి కూడా ఇష్టపడుతుంటారు.
10.కోనసీమ
Konaseema, Andhra Pradesh : ఆంధ్రప్రదేశ్ అనగానే ముందుగా గుర్తొచ్చేది కోనసీమే. అందమైన బ్యాక్ వాటర్స్‌, ఉక్కపోతతో పాటు ఉత్సాహాన్సి పెంచే వాతావరణం ఇవన్నీ సమ్మర్‌లో చాలా మందిని కోనసీమ వెళ్లేలా చేస్తాయి.
- ఇక్కడ మీరు బోటింగ్ చేయవచ్చు, గ్రామాల్లో విహరించవచ్చు.
- దీంతో పాటు స్థానిక రుచులను ఆస్వాదించవచ్చు.
- Munnar Guide : సార్, వెళ్దామా మున్నార్ ? 8 డెస్టినేషన్స్ సిద్ధం మాస్టార్!
11.ఒంగోలు
Ongole, Andhra Pradesh : ఒంగోలులోని బీచులు, చారిత్రాత్మక ఆలయాలను సందర్శించేందుకు మీకు 1-2 సరిపోతాయి. ఎండాకాలం ఇక్కడ వేడిగానే ఉంటుంది.
- అయితే కొత్తపట్నం బీచు (Kothapatnam Beach), స్థానికంగా ఇంకా ఎన్నో ప్రదేశాలు చూసే సమయంలో కాసేపు మీరు ఆ వేడిని పక్కన పెట్టేసి ఎంజాయ్ చేస్తారు.
12.చిత్తూరు
Chittoor, Andhra Pradesh : చిత్తూరు జిల్లాలో ఉన్న ఆలయాలు, జలపాతాలు పర్యాటకులను కట్టిపడేస్తాయి. సమ్మర్‌లో ఇక్కడ వేడి ఎక్కువే ఉంటుంది.
- అయితే ఎండాకాలంలో స్థానికంగా లభించే మామిడిపండ్లను (andhra mangoes) రుచి చూస్తే ఇది సమ్మర్ డెస్టినేషన్ జాబితాలో ఎందుకు చేరిందో మీకే అర్థం అవుతుంది.
13.అహోబిలం
Ahobilam, Andhra Pradesh : అహోబిలం అనేది ఒక పవిత్రమైన క్షేత్రం. దీంతో పాటు ఈ ప్రాంతం చాలా అందంగా ప్రకృతి రమణీయతతో పర్యాటకులను ఆకట్టుకుంటుంది.
- ప్లస్, మిగితా ప్రాంతాలతో పోల్చితే వేడి తక్కువగా ఉండటంతో చాలా మంది ఎండాకాలం కూడా ఇక్కడికి వస్తుంటారు.
14.నగరి హిల్స్
Nagari Hills, Andhra Pradesh : నగరి హిల్స్‌లో ఉండే వినూత్నమైన రాక్ ఫార్మేషన్‌తో పాటు ఇక్కడి పచ్చదనం పర్యాటకులను ఆకట్టుకుంటుంది. ఈ ప్రాంతాన్ని చుట్టేయడానికి మీకు 24 నుంచి 48 గంటలు సరిపోతుంది.
- ఎండాకాలం ఇక్కడ 28 డిగ్రీల నుంచి 40 డిగ్రీల వరకు ఉష్ణోగ్రత ఉంటుంది.
కొన్ని చిట్కాలు : Tips For Travelers
- ఉష్ణోగ్రత చెక్ చేయండి : ఇది ఎండాకాలం ఉష్ణోగ్రత ఉదయం ఒకలా ఉంటుంది. మధ్యాహ్నం ఒకలా ఉంటుంది. అందుకే ఏ ప్రదేశానికి వెళ్లినా ఉదయం త్వరగా మీ ట్రిప్‌ను స్టార్ట్ చేయండి.
- ప్యాకింగ్ : వీలైనంత తక్కువ వస్తువులను ప్యాక్ చేసుకోండి. అందులో తేలికగా ఉండే దుస్తువులు, సన్‌స్క్రీన్‌లోషన్, క్యాప్స్, వాటర్ బాటిల్, ఓఆర్‌ఎస్ వంటివి ఉండేలా చూసుకోండి.
- బుకింగ్ : పాఠశాలలకు సెలవులు కాబట్టి ఈ సమయంలో హిల్ స్టేషన్స్‌కు వెళ్లేవారి సంఖ్య ఎక్కువగా ఉంటుంది. అందుకే అడ్వాన్స్ బుకింగ్ చేసుకోండి.
- ఆంధ్రప్రదేశ్ వెళ్తే మామడిపండ్లు, తెలంగాణ వెళ్తే బిర్యానీ ట్రై చేయండి.అలాగే స్థానికంగా పాపులర్ అయిన ఫుడ్‌ను కూడా మీరు ట్రై చేయవచ్చు.
📣 ఈ కంటెంట్ నచ్చితే షేర్ చేయగలరు.
- Prayanikudu YouTube Channel ను సబ్‌స్క్రైబ్ చేసుకోండి.
- WhatsApp ఛానెల్‌లో చేరడానికి ఇక్కడ క్లిక్ చేయండి.
- ప్రయాణికుడును facebook, twitter, Instagram లో ఫాలో అవ్వండి.